Pergi ke kandungan

Alexander Goldscheider

Mantad Wikipedia
Alexander Goldscheider
SP front cover of "A Robot is Talking to You"
SP front cover of "A Robot is Talking to You"
Background information
Kinosusuon (1950-06-22) Mahas 22, 1950 (umul 75)
OriginPrague, Czechoslovakia
GenreElectronic music, Classical music, instrumental music
KalajaComposer, producer,
writer, computer specialist, photographer
Instrument(s)Synthesizer, Piano, Computers
Toun mimparagat1968–Present
LabelRomantic Robot, Supraphon, Panton Records
Websitewww.romantic-robot.com

Alexander Goldscheider (nosusu ontok 22 Mahas 1950) nopo nga songulun komposer British kinosusuon Czech, papalabus muzik, monunuat, pakar kompiuto om magaganu gambal.

Koposion om kalaja

[simbanai | simbanai toud]

Mininsingilo isio muzik hilo Universiti Charles id Prague, om nokotorimo PhD ontok toun 1975 asil ponorindakan disio kumaa muzik The Beatles.[1] Ii nopo timpuunon po, isio nopo nga songulun monunupu muzik, mananahak komi om DJ rodiu/kelab (1968–73), pogulu minundaliu kumaa koponuatan sinding om kopolobusan muzik. Nosiliu isio papalabus pointatap id Supraphon (1976–79), id nombo papalabus isio piipiro album pop, rock om jazz do susuminding om tinimungan muzik Czech. Isio nopo nga perintis id suang kopomogunoon kakamot penala tuni (synthesizer) id Czechoslovakia om pinalabus o muzik disio doPanton Records om Supraphon,[2][3] i noguno nogi id ababayan televisyen om filim.

Minundaliu isio hilo London ontok toun 1981, om minamarakam duo album solo (Themes for a One-Man-Band Vol. 1 & 2),[4][5] om ontok toun 1983, kumalaja isio id BBC Radiophonic Workshop papaasil muzik dau sondii montok rodiu, TV, om filim. Sumusuhut, nosiliu o Goldscheider do monunuridong miampai iso syarikat muzik om kompiuto kingaran Romantic Robot,[6] id nombo ii nopo pogulu po nga mombontuk om popoboli yolo bakaang (Multiprint, Videoface, Multifaces 1, 2, 3, 128 om ST) om nogi minapalabus perisian (Music Typewriter, Trans-Express, Genie, Wriggler) montok komputer ZX Spectrum, Amstrad CPC, om Atari ST.

Nosiliu o Romantic Robot[7] do label rakaman ontok toun 1991, soira minapalabus o Goldscheider do iso set CD misaup kiuhu Terezín: The Music 1941-44, i kiharo muzik i sinuat om pinosolimbou id kem pamagakaman Czech - Terezin. Set nopo diti nga kaampai no opera tangaanak Brundibár karya Hans Krása, id nombo mantad dii numaan posolimbaho', rinakam om pinosiliu filim pointongkop pomogunan. Suai ko papalabus iso po kawagu CD (An American in Prague – Aaron Copland conducts the Czech Philharmonic Orchestra),[8] manahak i Goldscheider do tarad kumaa ponuatan, kosolimbahan om kopolobusan komposisi dau sondii, om nogi rakaman susuminding klasik, korus tagayo om Romantic Robot Orchestra id suang CD miagal do Stabat Mater om The Song of Songs, om sumoonu kohompit nogi id suang reka bontuk laman web.[9] Ontok Mahas 2018, minapalabus o syarikat rakaman British Little Beat Different do iso cakera padat vinil kiuhu Alexander Goldscheider.[10] Boogian koiso nopo memoir dau nga kiuhu Intended Coincidences i pinalabus id Prague ontok Madas 2020.

manangaki nopo di Alexander Goldscheider, i Ben Goldscheider nga songulun nogi pemuzik. Nakalantoi isio doid taang kotohurionon kategori kakamot Logam Sowogion (Brass Category Final) id suang pialaan BBC Young Musician 2016, miampai minamain sungu Perancis (French horn).[11][12][13]

Diskografi om buuk

[simbanai | simbanai toud]

Nuut

[simbanai | simbanai toud]
  1. ↑ "Acta Universitatis, Page 193, No. 76 (Goldscheider, Alexander: Problematika hudební formy v populární hudbě, 1975. PhDr.)" (PDF). Pinoopi mantad sand̠ad (PDF) ontok 2017-12-01. Linoyog ontok 2017-11-20.
  2. ↑ a.s, SUPRAPHON. "Alexander Goldscheider - Všechna alba". Supraphonline.cz. Linoyog ontok May 27, 2019.
  3. ↑ "Panton". Discogs. Linoyog ontok May 27, 2019.
  4. ↑ "Alexander Goldscheider". Discogs. Linoyog ontok May 27, 2019.
  5. ↑ "Alexander Goldscheider - MusicBrainz". musicbrainz.org. Linoyog ontok May 27, 2019.
  6. ↑ "Romantic Robot UK Ltd - World of Spectrum". www.worldofspectrum.org. Linoyog ontok May 27, 2019.
  7. ↑ "Romantic Robot - MusicBrainz". musicbrainz.org. Linoyog ontok May 27, 2019.
  8. ↑ "An American in Prague". May 27, 1973. Linoyog ontok May 27, 2019 – via Amazon.
  9. ↑ "Jiri Belohlavek - Conductor". www.jiribelohlavek.com. Linoyog ontok May 27, 2019.
  10. ↑ "Alexander Goldscheider - LBDISSUES002, by Little Beat Different". Little Beat Different. Linoyog ontok May 27, 2019.
  11. ↑ "Ben Goldscheider". Verbier Festival. Fondation du Verbier Festival. Linoyog ontok 2 February 2018.
  12. ↑ "Praise from Barenboim delights young musician – and his grandfather". The Jewish Chronicle. Linoyog ontok 2 February 2018.
  13. ↑ "Ben Goldscheider". Askonas Holt. Askonas Holt. Linoyog ontok 4 August 2024.

Sukuon

[simbanai | simbanai toud]
  • Matzner, Antonín; Poledňák, Ivan; Wasserbeger, Igor (1990). Encyklopedie jazzu a moderní populární hudby. Part III. Československá scéna – osobnosti a soubory (Encyclopedia of Jazz and Modern Popular Music. Czechoslovak Scene – Personalities and Ensembles) (id boros Czech). Prague: Supraphon. p. 159. ISBN 80-7058-210-3.

Noputan labus

[simbanai | simbanai toud]
Naanu mantad "https://dtp.wikipedia.org/w/index.php?title=Alexander_Goldscheider&oldid=21361"