Ampang Jaya
Ampang Jaya | |
|---|---|
_(exterior),_Ampang,_Selangor.jpg) | |
 Bondira | |
| Cogan boros: Bakti, Bersih, Berbudaya | |
  Ampang امڤڠ Kinoyonon id Malaysia | |
| Koordinat: 3°9′0″N 101°46′12″E / 3.15000°N 101.77000°E | |
| Pogun |  Malaysia |
| Pogun | Selangor |
| Pinatahak status Kakadayan | 1 Madas 1992 |
| Pinatahak status Kakadayan | 2024-2026 |
| Government | |
| • Momorinta | Majlis Perbandaran Ampang Jaya |
| • Yang diPertua (Ahli Majlis) | Mohammad Yacob |
| Sukatan kinoyonon | |
| • Ginayo | Templat:Infobox settlement/metrik |
| Populasi (2010) | |
| • Ginayo | 126,285 |
| • Ketumpatan | 880/km2 (2,300/sq mi) |
| Zon timpu | UTC+8 (MST) |
| • Timpu alasu (WMP) | Tidak diamalkan |
| Poskod | 68000 55100 53100 |
| Kod tolipaun | +60-3-42, +60-3-41, +60-3-92 |
| Laman | http://www.mpaj.gov.my |
Ampang Jaya, lobi ointutunan sabaagi Ampang Mugilaan nopo nga iso kakadayan, mukim om koiyonon pilihan raya parlimen ii kohompit soboogian Watas Hulu Langat om Watas Gombak, id kosilahon Selangor, Malaysia. Poinsuang iti id soliwan rontob kosilahon Pogun Koisaan Kuala Lumpur.
Majlis Perbandaran Ampang Jaya (MPAJ) nopo nga ii momorinta toi ko' monoina Ampang Jaya, om ii nogi nga ngaran poimbida kakadayan dii.
Sajara
[simbanai | simbanai toud]Tumanud sajara, Kuala Lumpur nopo nga pinoturidong di toun 1857 id pirubaan Sungai Sungei Lumpur (baino nopo nga Sungai Gombak) om Sungai Klang, ii nopo nga kinoyonon Masjid Jamek Kuala Lumpur do baino. Pogulu kinorikatan tulun Kina montok mogihum watu logam, Kuala Lumpur nopo nga iso dumo tokoro ii kiwaa piipiro kadai om walai. Raja Abdullah, sabaagi nogi mobi Sultan id Klang, om Raja Juma'at Lukut pinapaatod 87 tulun Kina mantad Lukut di toun 1857 montok mongukab koiyonon pogihuman watu logam id Ampang, om nogi monimpuun kopotundaan Kuala Lumpur. Ampang nopo nga iso mantad piipiro koiyonon di nokopogulu noukaban id Lembah Klang montok pogihuman watu logam. Ngaran "Ampang" nopo nga mantad ijaan laid hogot Boros Malayu do "empangan (toi ko' ampangan)". Nowonsoi iso ralan montok popionit Ampang kumaa Kuala Lumpur ii nosiliu sabaagi Jalan Ampang di tadau baino.
Id pialatan pomorintaan kolonial om Mansak 1974, watas Ampang nopo nga soboogian mantad watas Kuala Lumpur ii lobi agayo mantad ko' Selangor. Mantad ponuridangan Pogun Koisaan Kuala Lumpur di 1 Mansak 1974, nosompipi watas Ampang kumaa duo boogian; boogian kotonobon, ii poinsuang Pogun Koisaan, ointutunan sabaagi Ampang Hilir, om boogian kosilahon, poinsuang id Selangor, sabaagi soboogian Watas Hulu Langat (Kajang).
Maamaso id timpak Darurat Tanah Melayu di toun 1950-an, minonuridong British o Kampung Baru Ampang ii nosiliu sabaagi iso koiyonon montok tulun Kina di tagayo id Lembah Klang. Ointutunan Tokong Kau Ong Yah Lam Thian Kiong (安邦南天宮) id Kampung Baru Ampang montok karamayan Siam Maharaja Dewa id pialatan Manom om timpuunon Gumas ii ramayon monikid toun ontok wulan ko-9 id suang pongintaban timpu Kina.
Di 1 Madas 1992, minanahak Majlis Daerah Gombak om Majlis Daerah Hulu Langat o watas Ulu Klang om Ampang, wonsoyon do Majlis Bandaraya Ampang Jaya.
Notuhan iso blok Hingland Towers id suang watas Ampang Jaya ontok 11 Momuhau 1993.
Ontok 16 Momuhau 1996, noukab wayaan metro kumoiso id Malaysia, Wayaan LRT Ampang montok tongoulun.
Geografi
[simbanai | simbanai toud],_Ampang,_Selangor.jpg)
Poingiliu id kosilahon Kuala Lumpur, Ampang Jaya kohompit 143.5 km 2 montok kinogoyoo koiyonon, mantad koiyonon parlimen Ampang, Pandan om Gombak, om nogi mantad kabaatan id Pandan Indah, tumalib bandar Ampang, Hulu Klang, Melawati, om nogi Empangan Klang Gates id koibutan.
Tumanud tituduk jaam, Ampang Jaya kirontob miampai soboogian Watas Hulu Langat id kosilahon om kabaatan, Pogun Koisaan Kuala Lumpur id kotonobon, Watas Gombak id koibutan, om rontob oniba miampai Bentong (Pahang) id kosilahon rahat.
Demografi
[simbanai | simbanai toud]Ointutunan Ampang montok kopogisuusuayan tinaru id kinoyonon dii. Kopoilaan mantad MPAJ popokito do 56.5% mogiigion Ampang Jaya nopo nga Malayu, Kina nopo nga kiikiro 30%. Tulun India nopo nga soginumu 7%, om 6.5% nopo nga sumuku tinaru, mamasok om ekspatriat suai.
Pondidikan
[simbanai | simbanai toud]
Bagas kampus koduo Sikul Antarabangsa Kuala Lumpur (ISKL) nopo nga id Ampang. Sikul Islam ADNI nogi nga poinlongkod id kakadayan diti.
Sikul Tosiriba
[simbanai | simbanai toud]| Sikul | Kod S |
|---|---|
| Sekolah Kebangsaan Ampang Campuran | BBA4003 |
| Sekolah Kebangsaan Taman Nirwana | BBA4014 |
| Sekolah Kebangsaan Lembah Jaya | BBA4020 |
| Sekolah Kebangsaan Ampang | BBA4024 |
| Sekolah Kebangsaan Taman Tasik | BBA4026 |
| Sekolah Kebangsaan Taman Kosas | BBA4030 |
| Sekolah Kebangsaan Tasek Permai | BBA4042 |
| Sekolah Kebangsaan Taman Bukit Teratai | BBA4056 |
| Sekolah Kebangsaan Hulu Kelang | BBA7201 |
| Sekolah Kebangsaan Taman Bukit Indah | BBA7232 |
| Sekolah Kebangsaan (1) Kuala Ampang | BBB7303 |
| Sekolah Kebangsaan (2) Kuala Ampang | BBB7304 |
| Sekolah Jenis Kebangsaan (C) Kg Baru Ampang | BBC4046 |
| Sekolah Jenis Kebangsaan (C) On Pong | BBC4047 |
| Sekolah Jenis Kebangsaan (C) On Pong 2 | BBC4049 |
| Sekolah Jenis Kebangsaan (T) Ampang | BBD4064 |
Sikul Takawas
[simbanai | simbanai toud]| Sikul | Kod Sikul |
|---|---|
| Sekolah Menengah Kebangsaan Taman Tasik | BEA4601 |
| Sekolah Menengah Kebangsaan Taman Kosas | BEA4609 |
| Sekolah Menengah Kebangsaan Taman Seraya | BEA4610 |
| Sekolah Menengah Kebangsaan Tasek Permai | BEA4612 |
| Sekolah Menengah Kebangsaan Pandan Jaya | BEA4615 |
| Sekolah Menengah Kebangsaan Pandan Indah | BEA4616 |
| Sekolah Menengah Kebangsaan Dato' Ahmad Razali | BEA4618 |
| Sekolah Menengah Kebangsaan Bukit Indah | BEA4619 |
| Sekolah Menengah Kebangsaan Bandar Baru Ampang | BEA4622 |
| Sekolah Menengah Kebangsaan Hulu Kelang | BEB7652 |
Politik
[simbanai | simbanai toud]Tulun mobi Ampang id Dewan Rakyat Parlimen Malaysia nopo nga Rodziah Ismail mantad PKR. Mongigit isido tirikohonon dii mantad toun 2022.
Id taang pogun (negeri) nopo, kiwaa duo tirikohonon Ampang id Dewan Undangan Negeri Selangor, ii nopo nga:
- Lembah Jaya, mobi nopo nga Haniza Mohamed Talha mantad PBM; om
- Bukit Antarabangsa, mobi nopo nga Azmin Ali mantad BERSATU.
Poinsuang nogi parlimen Pandan om DUN Hulu Klang id suang koiyonon parlimen Gombak id koiyonon kakadayan Ampang Jaya.
Sasakayon
[simbanai | simbanai toud]Korita
[simbanai | simbanai toud]Kiwaa piipiro ralan id Ampang do kumaa ralan tagayo koisaan, ralan tagayo kiwaa tol om ralan pogun (negeri). Jalan Ampang B31 nopo nga ralan koiso mantad longkod kakadayan Kuala Lumpur gisom Taman Rimba Ampang. Pinoundaliu AKLEH Lebuhraya Bertingkat Ampang-Kuala Lumpur soboogian ralan mantad Jalan Ampang. MRR2 LP28 maya Ampang tumanud ralan koibutan-kabaatan - baino nopo nga nosiliu ralan diti sabaagi ralan koiso do doribo Ampang mongoi id Pahang kumaa koibutan toi ko' Negeri Sembilan kumaa kabaatan. BESRAYA Lebuhraya Sungai Besi oputan mimpuun id Kampung Ampang Campuran, maya Pandan Indah gisom id Seri Kembangan.
Suai ko' ii, kiwaa nogi ralan nuluhon taang pogun (negeri) kumaa Hulu Langat B62 ii kiguno sabaagi ralan poting kumaa Kajang.
Sasakayon Tongoulun
[simbanai | simbanai toud]AG18 Ampang nopo nga ngaran terminus Laluan Ampang, ii nopo nga sistom LRT/metro kumoiso id Malaysia. Stesen ii nosimbanan kawagu di 2012 diti nopo nga poingiliu id Jalan Ampang. Koumbal nosiliu o Ampang om Plaza Rakyat sabaagi soboogian mantad KTM Antarabandar gisom toun 1990-an. Au milo gunoon KTM id timpu do baino.
Suai ko' stesen Ampang ii narait id sawat, kiwaa nogi stesen AG17 Cahaya, AG16 Cempaka, AG14 Pandan Indah om AG14 Pandan Jaya, id watas kakadayan Ampang Jaya, toinsanan nopo nga id Laluan Ampang.
- ↑ "Statistik". Majlis Perbandaran Ampang Jaya. Linoyog ontok 22 January 2020.