Angklung

Angklung nopo nga iso' kawo kakamot muzik i nowonsoi mantad wulu id suang kategori idiofon. Koubasanan nopo nga, owonsoi iti mantad duo gisom apat tiub terdiri i pinokogos id rangka i ointutunan sabaagi do 'ancak'. Kosoruan nopo nga pogogoron iti Angklung mooi do miodu id pialatan do duo' boogian. Okon bobogon iti Angklung nga kaanu papaasil do tuni soira miodu o duo' boogian do kakamot muzik maamaso do pogogoron.

Ontok di 18 November 2010, nookunan do UNESCO do poimbida iti angklung sabaagi Karya Agung Warisan Kemanusiaan Lisan om Tidak Ketara Indonesia.^[1] Nookunan nogi do UNESCO iti Angklung sabaagi do Tinungkus Koubasanan Tak Benda Indonesia.

Nontodonon do angklung

Muzik Angklung nopo nga nokotimpuhun om mantad id Koulunan Sunda i kogumuan nopo nga mion id Jawa Barat om Banten. Oponsol o tonggungan do Angklung id suang Koubasanan Sunda om alaid no pomoinan do tulun mantad po di hotusan laid.^[2] Winonsoi iti sabaagi do kosolimbahan muzik montok lundu rakyat i lohowon diolo do dewi sri (id Kotumbayaan Tulun Sunda di pogulu sundung do baino kogumuan nopo nga kiugama da Islam) id Tanah Sunda. Kakamot muzik nogi diti nga iso' bontuk hihingooon koubasanan.

Angklung di bobos otuo' nopo di kakal po poimpasi nga Angklung Gubrag, i nowonsoi ontok ohotusan ko-17 id Jasinga, Bogor. Angklung antik di suai nopo nga pinoopi id Muzium Sri Baduga, Bandung. Koubasanan angklung di bobos otuo' nopo nga roiton do angklung buhun (angklung kuno) mantad Kabupaten Lebak, Banten.^[3] Angklung buhun nopo nga iso' kawo angklung kuno i pomoinan do tulun Baduy id pedalaman wilayah Banten maamaso abaabayan mongomot seren taun.

Mintong id zaman kontemporari, ontok toun 1938, minomonsoi i Daeng Soetigna (Sutigna), mantad Bandung, do angklung i kituwou do tangga nada diatonik om okon ko skala pélog toi ko' sléndro koubasanan no. Mantad dii, nointutunan kawagu o angklung om gunoon montok do pondidikan om hihingoon, om nogi mangampot do kakamot muzik Barat id isoiso' orkestra. Kosolimbahan koiso' do angklung id suang orkestra nga ontok di toun 1955 maamaso Persidangan Bandung. Ontok toun 1966, minongukab i Udjo Ngalagena, tanganak di Daeng Soetigna, do Saung Angklung (Walai Angklung) sabaagi longkod pomogompian om popoburu diti.

Pomoinan

Koubasanan nopo do Angklung nga kiharo ancak (rangka buluh) miampai sapasang toi ko' lobi tiub wulu i munsud id suang do ancak dii. Tiub diti nopo nga kiharo ninaru di mogisuusuai om pinutul do iso' mantad tolu id boogian sawat. Tompok koduuduo' boogian nopo nga sinumbalan do pononsong. Duo' unjuran nopo nga pinointod sumoliwan om pinodokot do oluau kumaa id slot tiub poinhamad.

Koduduo' tiub pinosudong do misuai iso' oktaf tikid iso' (tolu tiub milo kobontuk duo' oktaf toi ko' iso' kord). Soira do pogogoron, gogor do tibu kotutuk do duwou om kaasil do nada. Do sabab tikid kakamot nopo nga kaasil do iso' no nada, oporlu haro sontinimungan o angklung mooi do kaasil loyuk di ogonop.

Sukuon

↑ ""Indonesian Angklung", Inscribed in 2010 (5.COM) on the Representative List of the Intangible Cultural Heritage of Humanity". UNESCO. Linoyog ontok 5 January 2021.
↑ Spiller, Henry (2004). Gamelan: The Traditional Sounds of Indonesia, Volume 1. ABC-CLIO. p. 140. ISBN 9781851095063. Angklung has become a veritable symbol of Sundanese culture
↑ "Website Resmi Pemerintah Provinsi Banten". bantenprov.go.id. Pinoopi mantad sand̠ad ontok Oct 2, 2011. Linoyog ontok Jan 6, 2021.

Sukuon labus

Angklung Web Institute, Bandung
Keluarga Paduan Angklung Institut Teknologi Bandung Diarkibkan 2011-07-06 di Wayback Machine

[:0-1] ""Indonesian Angklung", Inscribed in 2010 (5.COM) on the Representative List of the Intangible Cultural Heritage of Humanity". UNESCO. Linoyog ontok 5 January 2021.

[2] Spiller, Henry (2004). Gamelan: The Traditional Sounds of Indonesia, Volume 1. ABC-CLIO. p. 140. ISBN 9781851095063. Angklung has become a veritable symbol of Sundanese culture

[3] "Website Resmi Pemerintah Provinsi Banten". bantenprov.go.id. Pinoopi mantad sand̠ad ontok Oct 2, 2011. Linoyog ontok Jan 6, 2021.

[1]

[2]

[3]