Aziz Harun
Aziz Harun | |
|---|---|
 Aziz ontok toun 2025 | |
| Kinosusuon | Abdul Aziz bin Harun 2 Momuhau 1998 |
| Ngaran suai | Aziz Harun |
| Pondidikan | Jerudong International School |
| Sinikulan | University of East Anglia |
| Kalaja |
|
| Toun mimparagat | 2014–dinondo |
| Musical career | |
| Genre | Pop |
| Instrument(s) |
|
| Label | Warner Music Malaysia Faithful Music Universal Music Malaysia |
| Website | Official website |
Abdul Aziz bin Harun (nosusu ontok 2 Momuhau 1998)[1] toi ko' lobi ointutunan miampai ngaran Aziz Harun, nopo nga songulun susuminding, monunupu sinding om mimingkono mantad Brunei i nointutunn hilo pogun dau om Malaysia maya sinding kawawagu, "Senyum."[2] Ointutunan isio maya piomungan muzik pop Asia i popiamung roromu muzik koubasanan Brunei miampai elemen pop moden.[3]
Kalaja
[simbanai | simbanai toud]Mantad di onom nogi o toun, mimpuun no i Aziz do suminding om mamain gitar,[2] om ontok di siam no toun, minonupu isio sinding koiso.[4] Kinalantayon disio id suang pialaan suminding tangaanak Brunei, "Bintang Kecil" ontok toun 2009[5] minapakawasa disio nokotorimo gaa' "Kosolimbahan Bobos Abantug" om minongobi Brunei id suang pialaan suminding antarabansa id Kuching. Ontok Milau 2010, minapalabus isio single koiso id Brunei i kiuhu "Peace and Harmony."[6] Ontok Ngiop 2012, naalap isio mampayat "4th Marketplace of Creative Arts" hilo Bandung, Indonesia.[7] Single koduo disio, 'Never Gonna Stop' nopo nga pinalabus ontok toun 2013.[2][6] Tumanud disio, sinding miampai genre pop om sayau nopo dii nga kiwaa gaya di kaagal-agal sinding di Justin Bieber sundng do okon ko' peminat isio do susuminding dii. Sundung do ingkaa, mamantang isio di Justin Bieber gama integriti om goos dau om otumbayaan do tootopot om kotunud do roitan isio sabaagi idola komulakan.[6]
Sinumain i Aziz do kontrak miampai Warner Music ontok toun 2014, nga baino nopo om id siriba isio kotoinaan do Universal Music Malaysia.[8][9] Ontok toun 2015, mimpuun i Aziz do ointutunan id gana muzik Malaysia mya sinding "Senyum,". Nokoingkakat isio id suang kategori 'Best New Male Artiste' id Anugerah Planet Muzik (APM) 205, ii no kapanahakan gaa' montok sinding doid boros Malayu. Ontok toun sumusuhut, nakalantoi isio gaa' "Best Collaboration" maya sinding disio "Beautiful," i sinupu miampai di Mike Chan om Omar K. om nogi mentor dau i Faizal Tahir. Aziz nopo nga tulun koiso mantad Brunei i nakaanu do APM.[5]
Tumilombus i Aziz do popoburu gaya muzik dau mantad kinoimbulayan disio id Radio Television Brunei (RTB). Baino nopo, isio nopo nga artis rakaman id siriba Faithful Music om toina'on do Warner Music Malaysia. Ontok 20 Manom 2017, minangalap isio do peminat hilo Brunei doid iso abaabayan pramintomg ekslklusif (listening party) montok sinding "Jangan" i pinaharo id premis Bang & Olufsen hilo Kiarong.[5] Ontok toun 2019, pinalabus o sinding duet "Jarak" di Aziz om i Aisha Retno. Tumanud disio, hilo po isio Brunei om I Aisha nopo nga id Malaysia ontok pinapaasil yolo sinding dii. Poingompus proses dii, papaatod i Aisha do rakaman vokal om melodi sinding Jarak maya emel.[10]
Kolimpupuson nopo diolo mikolaborasi nga ontok Ngiop 2019 maya sinding "Jauh," i nosiliu sinding ointutunan soira nokosuang id tukad ko-7 id Carta RIM Chart montok "Top 10 Most Streamed Local Songs id Malaysia." Kalapas dii, minapalabus isio sinding kawawagu ontok 13 Momuhau kiuhu "Kembali."[11] Minampayat nogi isio do timpu koduo abaabayan realiti kohiakan Big Stage 2019 sabaagi mobi do Brunei.[12] Sundung do ingkaa, kalapas nakaanu kosiwatan montok mongoput pambalajalan, minidu isio mantad pialan dii.[13] Kalapas nakaawi ponginabasan id United Kingdom, minapalabus kawagu isio single kawawague, "Kan," ontok 13 Mikat 2021, maya Faithful Recording Company.[14]
Ontok Gomot 2024, minapalabus i Aziz do sinding viral Tadau Raya kiuhu “Ketipak Ketipung Raya”, miampai Aisha Retno, om nokoposupil lobi sonriong strim id Spotify om lobi tolu riong nointangan id YouTube kalapas pinalabus kopihondot do Tadau Raya Aidilfitri.[15]
Koposion
[simbanai | simbanai toud]Paganakan
[simbanai | simbanai toud]Nosusu i Aziz ontok 2 Momuhau 1998,[2] om tanak tohuri mantad 6 mogiadi-adi (4 taka' om songulun tabang).[16][6] Mantad di toun 2017, nosiliu o taka dau i Molly Harun sabaagi manager, miampai Bahzi Damit, bagas manager disio, i lobi manahak tarad kumaa kopoosilan do vidiu. Tinimungan produksi montok vidiu muzik kawawagu di Bahzi's ii no, "Jangan," nopo nga @beedee.creative.[17]
Ontok 16 Manom 2011, tinumombului i Aziz miampai di tabang dau i Rahim do hilo UBD FM miampai minamakai Baju Cara Melayu montok sesi ponorubungan do abaabayan Versus Show. Minanahak nogi yolo kosolimbahan montok piipiro sinding kohompit no sinding i ointutunan ontok timpu dumontol. Isio nopo kaka nga songulun i obintingayaman om rumosi soira berinteraksi miampai DJ, pogulu om kalapas do ponorubungan dii. Insaru nogi isio suminding kawagu (cover) popohompit puru paganakan miagal do tabang disio i Rahim, taka i Tharwana, tongopinsan ngaawi om susuminding kikabaalan id suang paganakan dau.[16]
Pondidikan
[simbanai | simbanai toud]Sinumikul i Aziz id Jerudong International School (JIS),[6] on nakaawi ponginabasan Ijazah Sarjana Muda id gana Ekonomi Pongindopuan id University of East Anglia hilo United Kingdom ontok Gumas 2021.[18][19] Poingompus ponginabasan, nuru isio popiadang do pambalajalan om kalaja muzik, nga kakal isio nakaanu kootuson nokoinuntu id suang panaasan A-level ontok toun 2016. "Au oku insan do kikosiwatan papaharo jelajah promosi poinggonop maso kotoundaan montok panaasan GCE O om A-levels. Koumbal oku momonsoi promodi maya majalah om jelajah stesen rodiu nga haro iso ahal di noiduanan ku, om otumbayaan oku ii nopo nga kosiwatan tagayo ii no papaharo jelajah promosi id longkod pomoli-molian," ka disio.[5]
Koundolihon kumaa Malaysia
[simbanai | simbanai toud]Kotounda i Aziz do mongidu paganakan disio id Brunei om mundaliu hilo Kuala Lumpur montok momogusa kalaja inus om mogihum kosiwatan di lobi osonong id suang industri muzik Malaysia. Tumanud dau, kootuson nopo dii nga kaanu mongingkuri kapamanahan miguli-guli doid Brunei om Malaysia. Kootuson nopo dii nga okon i ko' osononh-osonong tu koinsodu isio om au ogumu timpu miampai molohing dau. Sundung do ingkaa, ounsikou isio montok sokodung mantad paganakan dau i au insan do mangantob toi ko' managak sunduan disio montok popotilombus kalaja sabaagi puru inus.[18][19]
Diskografi
[simbanai | simbanai toud]Single
[simbanai | simbanai toud]| Uhu | Toun | Album |
|---|---|---|
| "Senyum" | 2014 | Non-album singles |
| "Beautiful" | 2015 | |
| "Mama" feat. Elizabeth Tan |
2016 | |
| "Jangan" | 2017 | |
| "Hana" with Hannah Delisha |
2018 | |
| "Jauh" | 2019 | |
| "Kembali" | ||
| "Chica" (JOOX Originals) | 2020 | |
| "Dua Puluh Dua Puluh" | ||
| "Sayang Kau Tercipta" | 2021 | |
| "Kan" | 2022 | |
| "Kita" with Alan D | ||
| "Hanya Mahukan Bye" | Yang Benar | |
| "Too Good At Telling Lies" | Non-album single | |
| "011" | 2023 | Yang Benar |
| "TY (for ruining my life)" with | ||
| "JARAK" with Aisha Retno | ||
| "Mengapa Harus Begini" | ||
| "Good Girl" | Non-album singles | |
| "Akhir Cerita" with Dalia Farhana | ||
| "LDDT" | ||
| "Dance In The Rain" | 2024 | |
| "Ketipak Ketipung Raya" with Aisha Retno | ||
| "Janji" | ||
| "Teman (Alhamdulillah)" | ||
| "Ketipak Ketipung Raya (2025)" with Aisha Retno |
2025 | |
| "Ruang & Waktu" | ||
| 2025 |
Kopokitanan sabaagi tombului
[simbanai | simbanai toud]| Uhu | Toun | Artis suai | Album |
|---|---|---|---|
| "Ajarkan Aku" | 2025 | Amir Jahari | Penghibur Jalanan |
Filmografi
[simbanai | simbanai toud]Filim
[simbanai | simbanai toud]| Toun | Uhu | Kono | Nuut |
|---|---|---|---|
| TBA | Ammara Batrisya The Movie | Muhd Adif | Filim koiso |
Drama
[simbanai | simbanai toud]| Toun | Uhu | Kono | TV Channel | Nuut |
|---|---|---|---|---|
| TBA | Ammara Batrisya 3 | Muhd Adif | TV3 | Drama koiso |
Televisyen
[simbanai | simbanai toud]| Toun | Uhu | Kono | Broadcast | Nuut | Ref. |
|---|---|---|---|---|---|
| 2019 | Big Stage 2 | Participants | Astro Ria | Mobi do Brunei | [12] |
Sukuon
[simbanai | simbanai toud]- ↑ Dennis, Chua (2014-12-29). "Aziz Harun gives his heart and soul". New Straits Times. Linoyog ontok 2023-10-26.
- 1 2 3 4 "Aziz Harun". Deezer (id boros Inggeris British). Linoyog ontok 2023-10-26. Ralat maganu:Tag
<ref>tidak sah, nama ":1" digunakan secara berulang dengan kandungan yang berbeza - ↑ "Aziz Harun – Songs, Events and Music Stats | Viberate.com". www.viberate.com (id boros Inggeris British). Linoyog ontok 2023-10-26.
- ↑ Dennis, Chua (2014-12-29). "Aziz Harun gives his heart and soul". New Straits Times. Linoyog ontok 2023-10-26.
- 1 2 3 4 Bakar, Rasidah Hj Abu (2017-09-21). "Aziz Harun unveils new single 'Jangan'". The Scoop (id boros Inggeris British). Linoyog ontok 2023-10-26.
- 1 2 3 4 5 Dennis, Chua (2014-12-29). "Aziz Harun gives his heart and soul". New Straits Times. Linoyog ontok 2023-10-26.
- ↑ YEOH, ANGELIN. "Teenage singer-songwriter Aziz Harun is Beautiful". The Star (id boros Inggilis). Linoyog ontok 2023-10-26.
- ↑ "'Hijrah' Aziz Harun – Hiburan – Kosmo Online". 2019-08-10. Pinoopi mantad sand̠ad ontok 2019-08-10. Linoyog ontok 2023-10-26.
- ↑ "Aziz Harun". Info Untuk Kita Bersama. 2019-11-11. Linoyog ontok 2023-10-26.
- ↑ Hiburan (2023-03-16). "Jarak satukan Aisha Retno, Aziz Harun". Utusan Malaysia (id boros Malayu). Linoyog ontok 2023-10-26.
- ↑ ""Saya Tak Akan Terus Menyepi"- Aziz Harun Pertaruhkan Single Terbaru 'Kembali'". Murai MY (id boros Inggeris AS). 2019-12-16. Linoyog ontok 2023-10-26.
- 1 2 "Big Stage kembali, BBNU Korea Selatan jadi tumpuan – Hiburan | mStar". www.mstar.com.my (id boros Inggilis). 2019-08-06. Linoyog ontok 2023-10-26.
- ↑ "Drama Big Stage bermula, Aziz Harun umum tarik diri… "Saya tengok muka awak dah pucat" – Hiburan | mStar". www.mstar.com.my (id boros Inggilis). 2019-09-01. Linoyog ontok 2023-10-26.
- ↑ "Aziz Harun tampil single terbaharu » Media Permata Online". Aziz Harun tampil single terbaharu (id boros Inggeris AS). 2022-05-26. Linoyog ontok 2023-10-26.
- ↑ "Bruneian Raya song goes viral amid festivities » Borneo Bulletin Online". Bruneian Raya song goes viral amid festivities (id boros Inggeris AS). 2024-04-16. Linoyog ontok 2024-12-04.
- 1 2 "Catching up with Aziz Harun on UBDFM!". Catching up with Aziz Harun on UBDFM!. Linoyog ontok 2023-10-26.
- ↑ "Rano360.com » Aziz Harun's Jangan making waves in Malaysia". rano360.com. Linoyog ontok 2023-10-26.
- 1 2 "Aziz Harun nekad pindah KL » Media Permata Online". Aziz Harun nekad pindah KL (id boros Inggeris AS). 2023-03-10. Linoyog ontok 2023-10-26.
- 1 2 "Sanggup berjauhan dengan keluarga… Aziz Harun nekad pindah KL, tak perlu lagi ulang-alik ke Brunei – Hiburan | mStar". www.mstar.com.my (id boros Inggilis). 2023-03-09. Linoyog ontok 2023-10-26.