Aztek
Kaum Aztek nopo nga tulun Mesoamerika id Mexico tanga ii opuhawang miampai tinungkusan dongeng om koubasanan. Id suang boros Nahuatl, boros momogun kaum Aztek, "Aztek" nopo nga kirati sosongulun di kitadon mantad Aztlán. Kaum Aztek nogi nga sumuku kumaa diolo sondii sabaagi Mehika toi ko' Meshika toi ko' Mexica, ii kitadon do ngaran "Mexico". Pomogunoon ngaran Aztek sabaagi istilah kikolompok ii papahanggum do toinsanan diolo ii kiwaa ekonomi, adat, ugama om boros Mexica miagal di pinosogu di Alexander von Humboldt.
Lagenda
[simbanai | simbanai toud]Aztek nopo nga iso mantad piipiro koubasanan, ii norotian maya umum nopo nga sabaagi "nahuas" tumanud boros umum diolo. Soira nokorikot kaum Aztek kumaa id lembah Anahuac, naandasan iyolo do nahuas diolo sabaagi di aiso tamadun om gama dii, mininsingilo yolo mantad do toinsanan kaum suai, loolobi no id ahal do Toltec silam. Piniamung do kaum Aztek piipiro tradisi ii pinorolot miampai tradisi diolo sondiri. Mantad dii, kiwaa nogi piipiro dongeng kopomorunan sandad, iso nopo nga papagambal do apat timpu agung pogulu pomogunan dinondo, om toinsanan nga noompus miampai do malapetaka.