Baang Fuji

Fuji River (富士川, Fuji-kawa or Fuji-gawa) nopo nga iso baang id Yamanashi om Prefektur Shizuoka id tanga Jipun. Kiwaa do rinaru 180 kilometer ii om kiwaa koiyonon ponimungan waig solinaab do 3990 kilometer pasagi (1540 watu pasagi).^[1] Miampai Baang Mogami om Baang Kuma, ondoson ii sabaagi iso mantad tolu luyungan di totos ologod id Jipun.

Baang dii nopo nga nokoimbulai mantad Nulu Nokogiri id Nuluhon Akaishi id kotonobon rahat Yamanashi sabaagi Baang Kamanashi om kopiruba miampai Baang Fuefuki id kakadayan Ichikawamisato hinombo minonimban ii do ngaran kumaa do Baang Fuji. Lumuyung nondo iti id posorili gakod kotonobon Nulu Fuji om kumaa Teluk Suruga id muara id kakadayan Fuji.

Tebing baang Fuji nopo nga koiyonon pisangadan Fujikawa ontok toun 1180, iso pisangadan gulu di totos oponsol montok Sangod Genpei. Panglima pisangadan zaman Sengoku Takeda Shingen nopo nga minomonsoi do benteng di alaab id potiitikid boogian Kamanashi baang, ii minomonsoi do luyud id zon penampan montok mantamong korumbakan. Daik di kakal po haro baino nopo nga lohowon do Shingen-zutsumi. Goos mantamong luyud nopo nga pinotilombus id siriba Keshogunan Tokugawa zaman Edo, soira benteng di alaab nopo nga winonsoi ontok 1674 kahapas 50 toun pamansayan montok popoundaliu baang di lobi osiriba kumaa koiyonon di kimogiigiyon i oruhai ontok do luyud.

Padsakayan waig kumaa baang mantad Teluk Suruga kumaa id podalaman Wilayah Kai nopo nga nokoburu ontok zaman Edo om gulu zaman Meiji, gisom kinoukaban do Wayaan Gulu Tokaid, Wayaan Gulu Chuo om kuritapui Fuji Minobu. Padsakayan baang komersial nopo nga pinoundorong ontok toun 1923.

Kiwaa ogumu ampangan montok momonsoi kuasa hidroelektrik om mantamong luyud id potiitikid mogikaakawo tanak baang id hulu baang. Baang Fuji nopo nga tanda mamaagi grid lotirik Jipun miampai frekuensi utiliti 50 hertz kumaa kosilahon om 60 hert kumaa kotonobon^[2]

Kokitanan mantad kuritapui Tōkaidō Shinkansen nopo nga sumoborong do baang miampai ponolikud do Nulu Fuji sabaagi mobi kokitanan di nointutunan do Jipun. ^{[minog do kisukuon]}^{[<span title="This claim needs references to reliable sources. (May 2011)">citation needed</span>]}

Sukuon

↑ 富士川 Archived 2007-12-13 at the Wayback Machine (Fujikawa), official site of the Ministry of Land, Infrastructure, Transport and Tourism (Retrieved on March 20, 2009)
↑ "Japan's incompatible power grids". The Japan Times. Linoyog ontok 25 April 2018.

35°06′56″N 138°38′28″E / 35.115437°N 138.641111°E / 35.115437; 138.641111 (mouth)

[1] 富士川 Archived 2007-12-13 at the Wayback Machine (Fujikawa), official site of the Ministry of Land, Infrastructure, Transport and Tourism (Retrieved on March 20, 2009)

[2] "Japan's incompatible power grids". The Japan Times. Linoyog ontok 25 April 2018.

[1]

[2]

Authority control databases
International	VIAF
National	Japan