Bawang Jinzū

Bawang Jinzū Miya River (宮川, Miya-gawa, (upper reaches))
Bawang Jinzū id Wilayah Toyama
Native name	神通川 (Jepun)
Location
Country	Japan
Physical characteristics
Source
• location	Nulu Kaore
• elevation	1,626 m (5,335 ft)
Mouth
• location	Toyama Bay
• coordinates	36°45′42″N 137°13′19″E
Length	120 km (75 mi)
Basin size	2,720 km2 (1,050 sq mi)
Discharge
• average	163.6 m3/s (5,780 cu ft/s)
Basin features
River system	Bawang Jinzū

Bawang Jinzū (神通川, Jinzū-gawa toi ko Jintsū-gawa toi ko Jindzū-gawa) nopo nga bawang i lumuyung mantad Wilayah Gifu kumaa Wilayah Toyama id Jipun. Boogian sulok nopo do bawang diti id Gifu nga ointutunan sabaagi Bawang Miya. Konoruon nopo dii nga120 km (75 mi) om kiwaa sogohon miampai ginayo 2,720 square kilometres (1,050 sq mi).

Etimologi

Ngaran nokoimagon nopo do bawang diti nga "Jinzu Gawa" (posuaton sabaagi じんづうがわ (Jinzū-gawa toi ko' Jindzū-gawa)) tumanud do Pihak Berkuasa Maklumat Geospatial Jipun om Mongungumolig Kotogisan Jipun. Sundung do ingkaa, koroitan nopo do ngaran diti nga kiwaa piipiro variasi, kohompit no じんずうがわ (Jinzū-gawa) om じんつうがわ (Jintsū-gawa).

Geografi om koburuon

Lumuyung o Bawang Jinzū mantad tudan dau id kinawas 1,626 metres (5,335 ft) id lereng Nulu Kaore id Takayama, Wilayah Gifu om kopiruba do Bawang Takahara id piolitan do Gifu om Toyama Prefectures. Boogian kosulokon nopo do bawang diti id Wilayah nga ointutunan nogi sabaagi Bawang Miya (宮川, Miya-gawa). Mantad piolitan dii, lumutung o bawang diti kumaa id koibutan om opupusan id Teluk Toyama poinladsong id Rahat Jipun. Sogohon nopo do bawang diti nga kiginayo 2,720 square kilometres (1,050 sq mi).

Koumbal do mingkilong o bawang diti maya kakadayan Toyama, nga winonsoi iso wayaan waig wagu id boogian kotonobon do kakadayan dii montok mongilag luyud. Poinladsong o Diwan Bandaraya Toyama om piipiro upis porinta suai id timpak tanah tambak bagas wayaan bawang di laid.

Perbandaran

Wilayah Toyama

Toyama (kakadayan)

Lokos-lokos

• Bawang Ida
• Bawang Kumano
• Bawang Nagamune
• [[Bawang Takahara]

Korumbakon

Noyomutan o bawang diti do kadmium gama do abaabayan perlombongan om minopoimbulai do toruol itai-ita id kakadayan hilir kiikiro ontok Sangod Pomogunan II.

Legasi

Pinungaranan o Kapal penjelajah Tentera Laut Jipun Jintsū tumanud do bawang diti.

Sukuon

Kalaja sinuku

• 地名集日本2021 [Gazetteer of Japan 2021] (PDF) (id boros Jipun). Geospatial Information Authority of Japan and Japan Coast Guard. 2021. Pinoopi (PDF) mantad sanḏad ontok 17 December 2022. Linoyog ontok 2 February 2024.
• 神通川水系の流域及び河川の概要（案） [Overview of the basin and rivers of the Jinzū River system (draft)] (PDF) (id boros Jipun). River Bureau, Ministry of Land, Infrastructure, Transport and Tourism. 21 February 2008. Pinoopi (PDF) mantad sanḏad ontok 19 September 2023. Linoyog ontok 2 February 2024.