Bawang Nairobi
| Nairobi River | |
|---|---|
 Bawang Nairobi hilo id CBD | |
  Location of mouth | |
| Location | |
| Country | Kenya |
Bawang Nairobi nopo nga bawang i lumuyung poingompus Nairobi, ibu kota Kenya. Ii nopo nga bawang toponsol id Lembangan Bawang Nairobi, miampai piipiro koluyungon selari i lumuyung kumaa id kosilahon. Oinsanan bawang id lembangan Nairobi miamung ponong id kosilahon Nairobi om kopiamung do Bawang Athi, om lumuyung kumaa Rahat Hindi. Kogumuan nopo do bawang diti nga okoro om nadalaan noyomutan,[1] sundung do goos nopo di kawawagu pinoindalan nga pinopoingkawas kualiti waig.[2]
Koluyungon toponsol, ii no bawang nairobi, popirontob do longkod kakadayan id boogian koibutan, id nompo soboogian nopo di nga dikanal.
Lokos-lokos
[simbanai | simbanai toud]Tudan nopo do Bawang Nairobi nga mantad Ondiri Swamp id Kikuyu.[3] Kiwaa piipiro lokos-lokos id Bawang Nairobi:[4]
- Bawang Athi
- Bawang Gathara-ini
- Bawang Gitathuru
- Bawang Kiu
- Bawang Mathari
- Bawang Mbagathi
- Bawang Nairobi
- Bawang Ngong
- Bawang RuiRuaka
Lumuyung o Bawang Motoine kumaa Empangan Nairobi, iso kolumpa winonsoi-wonsoi montok toud waig tiinumon kumaa mogigion Nairobi. Linuyung nopo do bawang dii nga pinotilombus sabaagi Bawang Ngong.
Lokos Gatharaini[5] mantad kinoyonon kihimbaan id boogian sawaKonuluhon Aberdare om lu,uyung maya mogikaakawo kinoyonon i kiwaa mogigion. Norumbak o koluyungon bawang diti gama binuru tulun poingompus wayaan om kinoyonon sogohom dau. Id boogian sulok Kiambaa om Kanunga, koluyung o bawang diti maya kinoyonon kihimbaan om lecak, miampai pomutanaman om tionon tulun sabaagi kawo guno tana toponsol. Id boogian tanga do Kiambu, kiwaa tanom kupi di agayo om nogi pomutanaman mirolot.
Id boogian kosilahon Nairobi, koluyung ii maya Syarikat Perkumbahan id Ngundu, Kamulu.
Id boogian sawa Githurai om Zimmerman, koluyungon nopo bawang diti nga kikowoowoyoo pananaman kupi, pomutanaman mirolot miampai intensif om industri miagal do Kilang Penyamakan Kulit Kamiti. Waig nopo id boogian sawa do bawang diti nga kikoulalaho payau om outong. I nopo pogulu po, pomutanaman sara diri id disan bawang miagal do pananaman guol om kinotuan kailan nopo nga ahal di koubasan no pointomgkop kinoyonon diti. [<span title="This claim needs references to reliable sources. (May 2021)">citation needed</span>] Au po nokotimpuun o goos do manamong om mononduli do bawang diti.
Noyomutan o bawang-bawang id Nairobi gama abaabayan pomutanaman, kinoyonon setinggan om industri.[6][7] Ontok timpu rumasam, insaru kalabai o bawang id kinoyonon tosiriba om koontok do luyud.
Kiwaa iso po kawagu bawang id Kenya kingaran Nairobi mantad Nulu Kenya om ii nopo nga lokos kumaa Bawang Sagana om Tana, ii no bawang bobos anaru id pogun dii.[8]
Sukuon
[simbanai | simbanai toud]- ↑ Ndiritu, G. G., N. N. Gichuki, P. Kaur, and L. Triest. 2003. The Nairobi river is mainly used by local citizens for bathing, washing clothes, and cleaning their homes. Characterization of environmental gradients using physicochemical measurements and diatom densities in Nairobi River, Kenya. Aquatic Ecosystem Health & Management, 6 (3): 343–354.
- ↑ "Nairobi River Basin" (PDF). Pinoopi mantad sand̠ad (PDF) ontok 2016-03-04. Linoyog ontok 2015-05-13.
- ↑ Obura, Fredrick. "Increased human activities threaten source of Nairobi River - Smart Harvest". www.farmers.co.ke. Linoyog ontok 2020-05-29.
- ↑ Galimo Askumo (27 May 2017). "A Guide to Nairobi's Rivers and Streams".
- ↑ Ndaruga, A. M., G. G. Ndiritu, N. N. Gichuki and W. N. Wamicha.N. 2004. The impact of water quality changes on riverine macroinvertebrate assemblages along a tropical stream, Kenya. African Journal of Ecology 42: 208–216
- ↑ "Biosafety News, October/November 2002". Pinoopi mantad sand̠ad ontok 2006-10-23. Linoyog ontok 2006-10-13.
- ↑ Ndiritu, G. G., N. N. Gichuki and L. Triest. 2006. Distribution of epilithic diatoms in response to environmental conditions in an urban tropical stream, Central Kenya. Biodiversity and conservation 15:3267-3293
- ↑ Rough Guide Map Kenya (Map) (9 ed.). 1:900,000. Rough Guide Map. Cartography by World Mapping Project. Rough Guide. 2006. ISBN 1-84353-359-6.