Pergi ke kandungan

Bibimbap

Mantad Wikipedia

  

Bibimbap

Bibimbap (비빔밥, kopomolombusan boros Korea: [bibimbap],[1] koumbal i kadau posiliho id rumi moi do bi bim bap toi ko' bi bim bop) nopo nga sala iso taakanon do Korea. hidangan istimewa Korea. Maya harfiah rati do hogot di nopo nga "nasi campur". Bibimbap i posurungon id mangkuk kisuang do takano talasu di namaan sompono do namul (kootuan kiroso di namaan guringo) om gochujang (pes lado), kisap, toi ko' doenjang, pes kasang soya oosin. Tontolu mata toi ko' ginuring om tonsi di namaan sinsibo (koinsoruan nopo nga tonsi sapi) nopo nga tikanas koubasanan dau. Kalapas di maan sorungkoho alasu-lasu pogulu do akanon. [2]

Id Korea Kabataan, Jeonju, Jinju om Tongyeong oitutunan kopio o bibimbap diolo sondii.[3] Ontok 2011, nokosuang bibimbap id taang ko-40 id 50 taakanon di opoto id pomogunan maya pinongundian do pambasa i notimung mantad CNN Travel.[4]

Sajara

[simbanai | simbanai toud]

Ngaran do bibimbap nopo nga noguno mantad pogulu do ohotusan ko-20 Joseon (1392–ohotusan ko-16) gisom ohotusan ko-20, bibimbap roitan do goldongban, i kirati do takano i sinurungan miampai do pinoroloton do taakanon suai. Maya do koubasanan taakanon diti nopo nga akanon id toun wagu kamari tu masaan di kopuriman tongoulun do nuru maan diolo oiyo topod do tikanas toi ko' sinurungan pogulu do toun wagu toi ko' maan taamo. Ponolibambanan di nopo nga posuangon o topod id suang do takano om maan piroloto om gouron montok mangantob do kopomorubatan om kataaman do taakanon.[5] Bibimbap nogi nga aandasan kaanon do tulun di momutanom maasan do musim mananom tu ahal di nopo nga iso laang id bobos tosonong do potounda'on montok piipiro tulun. Bibimbap, nogi nga oitutunan sabaagi goldongban ontok timpu di hinombo maan posurungo kumaa raja' sabaagi do aakanon pitangadau toi ko' akanon mantad taakanon tagaan.[6]

Nokotimpuun do roitan Bibimbap id Siuijeonseo, buuk nansakan ontok tohuri ohotusan ko-19.[7][8] Buuk diri nopo nga minanahak do ngaranbubuimbap (부븸밥).[9] Piipiro puru sarjana minoposotol tadon do bibimbap nopo nga mantad koubasan sandad montok popirolot do toinsanai taakanon i posilihon sabaagi do kapanahakan ontok abaabayan jesa id suang do pogulu tumanud do abaabayan.[10]

Mantad tohuri do ohotusan ko-20, Nokotimpuun do nakaralad bibimbap id pogun suai, panangkasabab do kinoinsonongon do popotounda taakanon diti. Maan nogi posurungo taakanon diti id piipiro kotuludan i popiromut do Korea Kabaatan

Kopotoundaan

[simbanai | simbanai toud]
Pomilian samai montok momonsoi bibimbap

Kopogisuaian

[simbanai | simbanai toud]
Jeonju bibimbap

Kopogisuaian do taakanon diti, dolsot bibimbap (돌솥 비빔밥, dolsot kirati "poriuk watu"), posurungon id mangkuk watu di alasu tomod gisom do oonsok tontolu mata soira do ontok limput do mangkuk. Alasu kopio o mangkuk di gisom do nunu nopo i koigit nga berdesir ontok piipiro minit. Pogulu do poilihon takano id suang do mangkuk, boogian id siriba nopo nga kuaan do miak bijan, poposiliu do lapisan takano di kotopis do mangkuk

Kakadayan Jeonju, tina kakadayan Jeolla Koibutan, watas id Korea Kabaatan,[2] ointutunan pointongkop id pogun di miampai kawo bibimbap sondii,[11] noboros do poinsondiu kumaa taakanon raja masaa do timpu Dinasti Joseon.[3]

Roitan o kawo bibimbap suai sabaagi do hoedeopbap, momoguno do taakanon rahat mata miagal sada tilapia, salmon, aya toi ko' koumbal i kurita, nga monikid mangkuk do takano nopo nga haro iso no kawo taakanon rahat di pilion. Istila hoe id ngaran do taakanon nopo nga kirati do sada mata. Ointutunan o taakanon diti id disan do rahat Korea i haro ogumu sada. [<span title="Dakwaan ini memerlukan rujukan kepada sumber sahih. (November 2008)">perlu rujukan</span>] Suai ko ii, haro po kaagu ogumu kawo bibimbap, miagal ko bibimbap tougi, bibimbap rusap, om bibimbap kakap mangkuk tagayo.

Lambang

[simbanai | simbanai toud]

Kakamot di gunoon id bibimbap kigatang do perlambangan. Oitom toi ko' wotik otuong i mobi do Koibutan om luulunsou tawak - sabaagi poomitnan, kingkilat <i id="mwsA">shiitake</i>, pucuk paku toi ko' rumpai laut. Aragang toi ko' urin mobi Kabaatan om tunduundu, miampai lado, lubak aragang om tua jujube. Otomou mobi Kosilahon om tunduundu, miampai sangop om sansam. Opurak nopo nga Kotonobon toi ko' topos, miampai taakanon miagal tougi, lubak opurak om takano. Tohuri nopo nga osilou mobi tanga, toi ko' tian. Takanon diti kohimpit do tawadak, kantang toi ko' tontolu.

Globalisasi

[simbanai | simbanai toud]

Ogumu goos nokoindalan montok paprayad do taakanon sandad Korea id sorili do pomogunan, kohimpit nogi bibimbap. Minanganu Industri bibimbap kosiwatan duo kawo i maan poinglaabo iri nopo nga : tukuan om kowoyowoyoon sondii. Nowonsoi Bibimbap mantad kakamot di milo tukuan, miagal kinotuan om <i id="mwzw">gochujang</i> (pis lado taragang) om milo simbanan tumanud topurimanan sondii maya momoruhang to ko' mongingkuri kakamot tumanud kowoyowoyoon sondi. Haro piipiro koilaan takawas do kaanu bibimbap mangala do taakano tosikap suai miagal ko burger om piza. Nakaanu kointutunan o Bibimbap mantad mogikaakawo pogun tu haro kawo di mogisuusuai miampai pogun suai id pisuk do kopogisuusuaian kakamot i posuangon id iso taakanon.[12] Organisasi swasta i pinomungaranan sabaagi 'tinimungan momoompogun bibimbap' minopoindalan do iso goos di osonong montok popoimagon do bibimbap taang sompomogunan okon ko bibimbap no nga taakanon Korea di suai nogi. Potilombus nogi CJ CheilJedang montok monokodung kousinan do tinimungan diti om yolo nogi i popotounda do sampel taakanon aiso gatang lolobi po id abaabayan di pinomungaranan do Tadau Taakanon Korea id mogisuusuai kinoiyonon, sabaagi poomitanan id Wharton School of the University of Pennsylvania om Universiti Oxford. Mantad ruputan noilaan do kinootusan mantad pinomolian do taakanon poomitanan di nopo nga nakalantoi kopio montok mamagayat rahi tulun ginumuan miampai poposotol do roso di aadang taakanon di i nokosiliu sabaagi iso kouyuuyuo tosonong do bibimbap.[13] minomonsoi nogi Sarikat CJ do ristoran id posorili do pomogunan miampai ngaran Bibigo i paparayad do roso bibimbap. Popotounda nogi yolo do bibimbap tumanud do kowoyoon kinoiyonon sondii. Ontok timpu diti, noukab ristoran di id China, Indonesia, Jepun, Singapura om id United Kingdom.[14]

Kounalan montok kolidasan

[simbanai | simbanai toud]

Toinsanai komponen id suang do bibimbap nopo nga ogumu kounalan montok kolidasan om milo monguhup do diet sosongulun tu bibimbap nopo nga milo simbanon, monowoli do kakamot pogulu poposiliu do taakanon di moi do lobi olidas om mongingkuri do kalori id suang. Sabaagi poomitanan sosongulun di milo monimban do takano topurak miampai takano taragang hinombo okon ko okuri gatang kalori nga lobi olidas nogi. I nopo mangakan nga amu minog do atangkabo do okuri kaakanon do protein tu kakamot duai nga haro nogi protein. Satanga kakamot id bibimbap nopo nga haro nogi kounalan kolidasan. Kasang soya nopo nga haro protein miagal do tonsi om kosiliu sabaagi toud di osonong montok vitamin C om serat. Sansam nopo nga haro antioksidan om magnesium, om gosari (tunduk paku) nopo nga ogumu o Vitamin A om C om asid lemak Omega 3. Ogumu po kaagu kakamot suai i haro khasiat dau sondii[15] Gochujang i insaru do poroloton id bibimbap om nogi ogumu khasiat miampai kakamot sandad dau.

Intangai nogi

[simbanai | simbanai toud]

 

  • Bulgogi
  • Dano
  • Gochujang
  • Heotjesabap
  • Masakan Korea
  • Kimci
  • Nurungji
  1. ↑ Никольский, Л.Б.; Цой Ден Ху и др. (1976). Большой корейско-русский словарь. Москва: Русский язык.
  2. 1 2 "Organic Vegetables Bibimbap". Seoul Metropolitan Government. Pinoopi mantad sanḏad ontok 2011-10-01. Linoyog ontok 2015-04-15. Ralat maganu:Tag <ref> tidak sah, nama "Metropolitan" digunakan secara berulang dengan kandungan yang berbeza
  3. 1 2 "Introduction to Bibimbap: From Jeonju to Jinju style". Pinoopi mantad sand̠ad ontok 2017-03-16. Linoyog ontok 2015-04-15. Ralat maganu:Tag <ref> tidak sah, nama "wmama" digunakan secara berulang dengan kandungan yang berbeza
  4. ↑ Cheung, Tim (7 September 2011). "Your pick: World's 50 best foods". CNN. Linoyog ontok April 12, 2015.
  5. ↑ "Rice with Leftovers (1st Lunar Month)". Pinoopi mantad sand̠ad ontok 2015-04-17. Linoyog ontok April 8, 2015.
  6. ↑ "Origin of Bibimbap". Bibimbap Globalization Foundation. Linoyog ontok April 12, 2015.
  7. ↑ Koo Chun-sur, Director, World Food Culture Research Institute. "Bibimbap: High-nutrition All-in-one Meal". The Korea Foundation. Pinoopi mantad sand̠ad ontok 2012-03-07. Linoyog ontok 2015-04-15.{{cite web}}: CS1 maint: multiple names: authors list (link)
  8. ↑ 비빔밥. Encyclopedia of Korean National Culture (Empas) (id boros Korean). Linoyog ontok 2006-12-06.{{cite web}}: CS1 maint: unrecognized language (link)
  9. ↑ 전주비빔밥. Jeonbuk Food Culture Plaza (id boros Korean). Linoyog ontok 2006-12-06.{{cite web}}: CS1 maint: unrecognized language (link)
  10. ↑ Choe, Sang-Hun; Christopher Torchia (2 April 2007). Looking for a Mr. Kim in Seoul. Master Communications. p. 168. ISBN 978-1-932457-03-2.
  11. ↑ Hong Mi-Kyung (May 19, 2008). "Top 10 Korean Dishes & Restaurants". Korea Tourism Organization. Pinoopi mantad sand̠ad ontok 2015-03-05. Linoyog ontok 12 April 2015.
  12. ↑ Song Byeong Lak (19 November 2001). "Economics Talk". Dong-A Daily News. Pinoopi mantad sand̠ad ontok 2015-04-16. Linoyog ontok 2015-04-15.
  13. ↑ "CJ제일제당, '비빔밥 유랑단' 후원 "한식 알리겠다"". 아시아경제. 22 January 2013.
  14. ↑ "Overseas stores". Bibigo. Pinoopi mantad sand̠ad ontok 2015-04-17. Linoyog ontok 2015-04-15.
  15. ↑ "Bibimbap Deconstructed – Taste of Harmony". KoreaTaste. April 30, 2011. Pinoopi mantad sand̠ad ontok 2015-04-14. Linoyog ontok 2015-04-15.

Pautan soliwan

[simbanai | simbanai toud]

 

Naanu mantad "https://dtp.wikipedia.org/w/index.php?title=Bibimbap&oldid=24252"