Pergi ke kandungan

Caritas Colombia

Mantad Wikipedia

Caritas Colombia
Pastoral Social Cáritas Colombiana
Established1956 (creation)
1977 (legal registration)
TypeNonprofit
Purposedevelopment aid, humanitarian aid, social services
HeadquartersCra. 58 No. 80 87, Barrios Unidos
Location
Coordinates4°40′58″N 74°04′25″W / 4.68290°N 74.07363°W / 4.68290; -74.07363
OriginsCatholic Social Teaching
Region served
Colombia
Secretary General
Rafael Martín Castillo Torres
Ponorikohon
Luis José Rueda Aparicio
AffiliationsCaritas Internationalis, Caritas Latin America and Caribbean
Revenue
COP 65,719,026,510[1]
Websitecaritascolombiana.org

Caritas Colombia (Boros Sepanyol: Cáritas Colombiana, ointutunan sabaagi Pastoral Social Cáritas Colombiana) nopo nga iso organisasi okon ko untung id Colombia. Ii nopo nga kotinanan mongunguhup nokoimagon do Gereja Katolik id Colombia.

Organisasi nopo diti nga surupu do persekutuan global Caritas Internationalis om nogi Caritas Amerika Latin om Caribbean.[2]

Caritas Colombia nopo nga iso rangkaian mogikaakawo struktur. Sekretariat kabansaan organisasi diti ointutunan sabaagi Secretariado Nacional de Pastoral Social (SNPS).

Latar likud

[simbanai | simbanai toud]

Mantad toun 1913, manahak o Persidangan Episkopal Colombia do promosi kalaja-kalaja kotundunan sosial id pogun dii. Ontok toun 1956, maamaso sangod piobpinayan (civil war), minaganu i Uskup ngaawi do kootuson montpk monuridong Caritas Colombia sabaagi kotinanan monoina montok kalaja sosial Katolik. Naanu kootuson do manahak o kotinanan diti do ruputan kumaa Suruhanjaya Pastoral Sosial om Amal (Social Pastoral and Charitable Commission) id siriba Persidangan Uskup ngaawi.[2][3][4]

Ontok toun di wagu po noturidong, manahak o Caritas Colombia do panatalan kumaa goos papabaagi taakanon kumaa di tulun di kikogunoon id paroki-paroki. Ontok toun 1960-an, minimpuun o Caritas Colombia minonuridong do "walai taakanon" poimbida.[clarification needed] Miampai latar likud dinamika politik i misimban-simban id suang pogun, nokoimbulai o tantaman wagu; id kinoyonon labus kakadayan, pituubungan potilombus do tinimungan gerila om tinimungan kisenjata mongunsub Gereja montok maganu inisiatif monokodung paganakan id labus kakadayan, kaampai no monguhup diolo popoingkawas asil pomutanaman.[5]

Ontok 4 Magus 1977, tinuridong o Secretariat Kebangsaan Pastoral Sosial (National Secretariat of Social Pastoral toi ko' SNPS) miampai nokoimagon montok monoina abaabayan panamangan pastoral om manahak promosi koburuon insan miampai pointongkop.[3] Ontok timpu dii, mimpuun o organisasi diti manahak sokodung kumaa mangsa kadaat pomogunan om songkosuai suang. kohompit nogi o Caritas Colombia id suang goos kouhupan om ponondulian kumaa mangsa gempa Popayán om tragedi Armero 1985.[5]

Ontok toun 1982, minapaharo o Caritas Colombia do kimpin mokianu dana koiso maso timpu Prapaska. Ontok toun 1990-an, nosiliu o panansasana'an kakadayan gama pongidaran dadah do isu tagayo id Colombia. Sabaagi koimaan monuli, mimpuun organisasi diti do popoindalan projek kopoimbulayan kotoronongon om kohompit id suang inisiatif katapatan om pibabasan. Ontok timpu di miagal, tumilombus nogi ii manahak kouhupan koulunan kumaa mogigion i norutum gama do kadaaton pomogunan. Ontok toun 1996, miampot o Caritas Colombia monuridong Tinimungan Kalaja (Working Group) montok Colombia (GTC) montok popogirot goos SNPS id suang momodimpot kotoronongon om pibabasan. Ontok toun 2000, minapaanjul organisasi diti do Kongres Nasional Pibabasan (National Congress of Reconciliation) di koiso.[5]

Struktur om kalaja

[simbanai | simbanai toud]

Noulud organisasi diti kumaa 10 wilayah i popohompit 13 diosis agung, 52 keuskupan, 10 vikariat apostolik om iso ordinariat tentera.[3]

Ontok toun 2023, minopoindalan o Caritas Colombia do 62 projek id 51 kinoyonon geografi id suang gana kuasa gereja, miampai ginumu bajet kiikiro 66 riong peso Colombia.[1]

Sukuon

[simbanai | simbanai toud]
  1. ↑ 1.0 1.1 "Informe de gestión 2023" (PDF) (id boros Spanish). 2024. Linoyog ontok 5 Mikat 2024.{{cite web}}: CS1 maint: unrecognized language (link)
  2. ↑ 2.0 2.1 "Where we work: Colombia". caritas.org. Linoyog ontok 5 Mikat 2024. Ralat maganu:Tag <ref> tidak sah, nama "caritasint" digunakan secara berulang dengan kandungan yang berbeza
  3. ↑ 3.0 3.1 3.2 Castillo Cadena, Hugo Andrés (2010). "fortalecimiento de la planeación estratégica en el Secretariado Nacional de Pastoral Social SNPS" (PDF) (id boros Spanish). Pontifical Bolivarian University, School of Engineering and Administration, Faculty of Industrial Engineering Bucaramanga. Linoyog ontok 5 Mikat 2024.{{cite web}}: CS1 maint: unrecognized language (link) Ralat maganu:Tag <ref> tidak sah, nama "Cadena" digunakan secara berulang dengan kandungan yang berbeza
  4. ↑ Jhon Fredy, Ramirez Cardozo; Salamanca Rodríguez, Germán David; Sepúlveda Zotaquira, Luis Alejandro (2017). "La evangelización del Papa Francisco. Una propuesta misional para los jóvenes de confirmación de la parroquia Nuestra Señora de la Consolación" (id boros Spanish). Universitaria Agustiniana; Faculty of Humanities, Social Sciences and Education; Specialisation in Pedagogy. Linoyog ontok 5 Mikat 2024.{{cite web}}: CS1 maint: unrecognized language (link)
  5. ↑ 5.0 5.1 5.2 "Breve recorrido histórico de Cáritas Colombiana, en sus 60 años de servicio solidario". caritascolombiana.org (id boros Spanish). 20 Manom 2016. Linoyog ontok 5 Mikat 2024.{{cite web}}: CS1 maint: unrecognized language (link) Ralat maganu:Tag <ref> tidak sah, nama "historia" digunakan secara berulang dengan kandungan yang berbeza

Noputan labus

[simbanai | simbanai toud]
Naanu mantad "https://dtp.wikipedia.org/w/index.php?title=Caritas_Colombia&oldid=21733"