Pergi ke kandungan

Carlo Acutis

Mantad Wikipedia

Saint

Carlo Acutis
Saint
Born(1991-05-03)3 Mikat 1991
London, England
Died12 Gumas 2006(2006-10-12) (umul 15)
Monza, Italy
Resting placeSanta Maria Maggiore, Assisi
Venerated inCatholic Church
Beatified10 Gumas 2020, Basilica of Saint Francis of Assisi, Assisi, Italy, by Agostino Vallini (on behalf of Pope Francis)
Canonized7 Manom 2025, Basilica of Saint Peter - Vatikan
Major shrineSanta Maria Maggiore, Assisi
Feast12 Gumas

Carlo Acutis (3 Mikat 1991 – 12 Gumas 2006) nopo nga songulun programmer Itali i nosusu id britain om ointutunan mayapengabdian dau kumaa Ekaristi om kopomogunoon disio media digital montok popointutun pengabdian Katolik. Nosusu id London, England, om pinagayo id Milan, mimpuun isio popokito rahi kumaa kompiuto om pomoinan vidiu, minsingilo sondii kokomoi pengaturcaraan om rika bontuk web, om monguhup do paroki om nogi sikul dau miampai projek digital. Ontok 7 Manom miampai di Beato Pier Giorgio Frassati, numaan isio kanonisasi do Gereja Katolik.

Aparagat id koposion paroki, momuru isio sabaagi kotigis om monguhup manahak inspirasi kumaa piipiro tulun montok tumanud ugama Katolik. Minomonsoi isio iso liwang sesawang montok dokumentasi sinundu Ekaristi om kopokitanan di Maria. Kiwaa toruol disio ii no Leukemia promielositik akut om minidu pogun ontok di hopod om limo toun nogi. Mantad nopo kinapatayon dau, pinokito o relik disio hilo Assisi om nokotongkop doid pomogunan o kopokitanan disio kokomoi sinundu Ekaristi.

Ontok toun 2020, pinosiliu isio do Gereja Katolik sabaagi beato kalapas kookunan kumaa iso sinundu ontok toun 2013 id Brazil i mionit miampai disio, om sinundu koduo id Costa Rica i nookunan ontok toun 2024. Carlo nopo nga poomitanan montok komulakan i otumbayaan om pinosiliu songulun santo (canonized) ontok 7 Manom 2025, miampai di Santo Pier Giorgio Frassati. Carlo nopo nga "Santo Mongungumolig Internet", "God's Influencer" om "santo milenial koiso".[1][2]

Koposion pogulu

[simbanai | simbanai toud]

Kinosusuon om paganakan

[simbanai | simbanai toud]

Nosusu i Carlo Acutis ontok 3 Mikat 1991 id London om molohing nopo disio nga i Andrea Acutis om Antonia Salzano, puru paganakan Itali i kiharo-haro.[3][4][5][6]Kumalaja o molohing di Carlo id London om Jerman pogulu minundaliu yolo kumaa Milan ontok Manom 1991.[3][7][8] Kumalaja o molohing disio id pongindopuan paganakan; paganakan nopo tapa dau nga kohompit id industri insurans Itali om paganakan nopo tama dau nga kiwaa iso syarikat kopolobusan.[9] Aki-odu (moyang) nopo dau poning id tama nga nosusu id Amerika Syarikat om mantad paganakan sanganu tana id New York.[10]

Tinamangan do mananamong om koinganan

[simbanai | simbanai toud]

Suai ko, impiipiro nokoongoi kakap id longkod panamanagan monikid tadau, kogumuan nopo timpu kapanamangan di Carlo di timpuunon po nga mantad mananamong.[9][11] Id sio timpu minoi kakap id longkod panamangan dii, umang-umangan isio do tanak suai. Songulun mananamong mantad Poland kopuriman do osonong tomod isio om mumbal do monuduk disio montok papatatap rontob mooi au tangaanak suai onuon o pomoinan dau. Nga simbar no isio do: "Au ounsikou i Yesus nung au oku otoboi."[8]

Pondidikan om kaanangan

[simbanai | simbanai toud]

Sikul tosiriba nopo di Carlo nga ontok Manom 1997 hilo San Carlo Institute in Milan; nga gama osodu o sikul dii mantad walai dau, minundaliu isio kalapas tolu tulan hilo Marcelline Tommaseo Institute, i toinaon do Sisters of St. Marcellina.[12] Maso nopo mamanau gakod mongoi sikul, popokito isio pinusou kumaa mananamong walai mantad labus poingompus wayaan dau, momuhondom ngaran diolo om mundorong montok sumuau miampai diolo monikid kosuabon.[13]

Kalapas nakaawi sikul opintanga siriba, minongoput i Carlo do ponginabasan id sikul pintangaan Jesuit Instituto Leone XIII.[14] Sundung do susumikul toomod isio, nga orohian isio mambasa om minsingilo gana akademik suai sondii, kohompi tno sains kompiuto.[15] Kiwaa nogi songulun tutor di Carlo i monguhup disio miampai kalaja walai om mongoruhang dau moi hilo panambayangan.[16]

Kiiman-imanon isio sumiliu songulun chef profesional. Mimbuul isio miampai koombolutan, orohian do pomoinan vidiu, om koubasanan ointutunan kohompit no The Simpsons.[17] Popoolu nogi isio timpu miampai tayam, loolobi tasu.[17] Suai ko ii, minsingilo nogi isio sondii mamain saksofon.[17][15]

Koposion pengabdian ugama

[simbanai | simbanai toud]

Nopodsu isio ontok 18 Mikat 1991 id Gereja Our Lady of Dolours, Chelsea.[18] Taki poning id tapa dau, Carlo, nopo nga nosiliu tapa baptis dau, om todu ponong id tama dau, Luana, nosiliu tina baptis dau.[19]

Latar likud ugama molohing disio

[simbanai | simbanai toud]

Koduo-duo nopo molohing disio nga aiso o ugama.[20][3][7] Tama di Carlo, i Antonia pinagayo id paganakan sekular.[21] Nokotorimo isido sakramen pomogiratan ontok di hilo po kolej om sinumawo id gereja nga au insan do mongoi tanud do Misa pogulu nosusu i Carlo.[22] Miananahk isido kointalangan do kotumbayaan do tanak dau om poguhatan ngaawi dau di apangkal minogowit kawagu dau doid kotumbayaan.[21] Ontok nopo di minidu pogun isio, songulun no isio do tanak nga ontok toun 2010 mianaganak o molohing dau tanak miapid ontok kinouliton toun kinapatayon dau, id nombo pinionit do tama dau miampai sambayang syafaat di Carlo.[23]

Koinganan pogulu

[simbanai | simbanai toud]

Ontok di tolu nogi toun di Carlo, minidu pogun o taki ponong id tama disio, Antonio Salzano. Piipiro tadau pogulu dii, nokotindapou isio ontok minonorimo o taki dau Sakramen Pengurapan Tulun Sumakit.[24] Nokoipi isio taki dau do mokisambayang. Au alaid kalapas noiduan pogun, minamakai i Carlo kot dau om manamong o todu dau om mokiowit moi hilo gereja. Soira monguhit o todu dau, minomoros isio do sumambayang isio montok taki dau, i pinatayad dau do "nokoruba no di Yesus".[25] Soira popokito i Carlo rahi kumaa amalan ugama Katolik, poguhatan ngaawi nopo dau nga simbaron do mananamong paganakan dii mantad Poland.[26][27]

Ontok timpu talasu, mion i Carlo miampai taki om todu dau ponong id tama hilo Centola.[10] Kalapas sangadau id kotogisan, sumambayang isio joliu miampai piipiro komolohingan tondu id gereja paroki kinoyonon.[28] Kiwaa nogi bot do paganalan disio hilo Santa Margherita Ligure, poinsomok do Basilika of St. Margaret of Antiochia.[29]

Rahung kumaa suai

[simbanai | simbanai toud]

Minapakalaj o paganakan di Carlo do songulun mondidikot Hindu mantad Mauritius, Rajesh Mohur, do kumalaja id walai diolo. Miambalut isio di Carlo.[30][31] Maid-liad kalapas nokopiboros-boros miampai di Carlo kokomoi Kristian, mokipodsu i Mohur. Songulun tambalut di Mohur, Seeven Kistnen, nga tinumanud nogi ugama Kristian om nopodsu kalapas nokoruba di Carlo om nokorongou disio mimboros kokomoi kotumbayaan.[32] Tama di Mohur, i nokorikot tumombului mantad Mauritius, tuminindapou do Misa miampai di Mohur om Carlo, kalapas nokopiboros-boros miampai di Carlo, isido nga minokipodsu nogi.[33]

Minopotounda i Carlo do taakanon, beg toodopon om tiinumon talasu kumaa diolo i gelandangan momoguno toud disio sondii montok monguhup. Haro ruputan do melayani isio diolo miampai poimponu pinusou kumaa maruah om kosusukupan diolo.[17]

Komuni, kopogiratan om tonggungan sabaagi katekis

[simbanai | simbanai toud]

Ontok 16 Mahas 1998, ontok di turu nogi toun disio, nokotorimo i Carlo do Komuni koiso id konven Sant'Ambrogio ad Nemus, Milan.[34] Insaru i Carlo monorimo komuni om tumindapou adorasi Ekaristi.[35] Nokogirot isio kalapas limo toun ontok 24 Mikat 2003 id Gereja Santa Maria Segreta, Milan.[36]

Ontok di hopod om duo toun, nosiliu isio katekis id paroki dau, Santa Maria Segreta. Ontok dii, struktur katekesis id Itali nopo nga koubasan do tumanud kumaa momuruan omulok id tinimungan komulakan, misuai do tulun nosukod om manahak pondidikan ugama kumaa taambalut ampon diolo.[37] Boros nopo paado paroki kokomoi di Carlo nga:

{{blockquote|Carlo nopo nga songulun komulakan di otulid kopio. Manu kopio isio do mumamg buru id suang mongupus molohing, Kinorohingan, tambalut om nogi yolo i au songkuro oupus dau. Minggoos isio id pambalajalan montok mongia' tinan sondii, id kalas katekismud toi ko; id sikul om gana sains kompiuto.

Rahi kumaa santo om devosi

[simbanai | simbanai toud]

Popokito i Carlo do rahi di taralom kumaa koposion santo ngaawi loolobi Francis mantad Assisi, Antony mantad Padua, Francisco om Jacinta Marto, Dominic Savio, Tarcisius, Bernadette Soubirous,[20] om Mary Magdalene de' Pazzi.[38] Insaru isio sumambayang kumaa tasab mongungumolig om kiwaa devosi poimbida kumaa Santo Michael Tasab Tabantug.[39] Kiwaa nogi devosi disio kumaa Maria, tina di Yesus.[17]

Kalaja miampai kompiuto om teknologi

[simbanai | simbanai toud]

Kumalaja i Carlo miampai kompoiuto om pomoinan vidiu. mamain isio pomoinan mantad siri miagal do Halo, Mario, om Pokémon,[40] sundung do ka nopo tama disio nga kiwaa rontob dau solinaid sanjaam no pomoinan monikid minggu montok mongilag do sasatan.[41] Tulun nopo id posorili di Carlo nga momolohou disio do "cgeek kompiuto" gama do rahi taralom om kabaalan dau id suang kompiuto om internet.[3][20] Abaal nogi iisio doid pengaturcaraann Java om nogi C++[42] om insaru monguhup tulun suai monolibamban kobolingkaangan teknikal.[43]

Maso 14 o toun, minokiuhup o paado paroki dau do momonsoi iso liwang sesawang montok paroki dau, Santa Maria Segreta id Milan.[42] Kalapas dii, songulun paado id sikul pintangaan disio mokiuhup dau momonsoi liwang sesawang montok popointutun kalaja-kalaja sukarelawan. Montok goos dii, nakalantoi isio iso pialaan taang kabansaan ii no Sarai volontario (boros Itali, "Osiliu ko songulun sukarelawan").[44] Minapaasil nogi i Carlo iso liwang sesawang poimbida montok momonsoi katalog monikid mukjizat Ekaristi i pinoruput pointongkop pomogunan om minapatayad kopokitanan Tina Maria i nookunan do Gereja Katolik.[45] Pinalabus o liwang seswang dii ontok toun 2004[36] om minggoos isio kontok dii solinaid duo toun satanga miampai minopohompit oinsanan paganakan dau id suang projek dii. Pinoimagon ii ontok 4 Gumas 2006, kopihondot do Pesta St. Francis, piipiro tadau pogulu kinapatayon disio.[46] Gama do hilo isio lamin pongusapan, au isio kaanu kotindapou id kopongukaban kopokitanan koiso disio id Gereja San Carlo Borromeo, Rom.[47] Pinosolimbou nogi o kopokitanan dii id sikul pintangaan disio, Leo XIII Institute.[46]

Toruol om kinapatayon

[simbanai | simbanai toud]

Diagnosis

[simbanai | simbanai toud]

Ontok 1 Gumas 2006, noontok i Carlo do keradangan id ludukan. Noowit isio do molohing disio rumuba dokutul, om nodiagnosis isio parotitis om dehidrasi, diagnosis nopo dii nga nookunan nogi songulun kawagu dokutul ii koombolutan do paganakan diolo.[48] Piipiro tadau sumusuhut, notumbalun o toruol dau om mimpuun kosobu do raha. Ontok tadau Tiwang, 8 Gumas, oluhoi kopio isio tumungag om tumindapou do Misa. Noowit i Carlo kumaa klinik poimbida montok toruol raha om nokohimagon do kiwaa toruol leukemia promyelositik akut disio.[49] Okoro no kosiwatan disio do olingasan. Noowit isio kumaa unit rawatan rapi miampai tosikap om numaan onuai kkamot ponguhup momuhobo. Kalapas nakawaya totuong miampai au nokoodop, pinawaliu isio hilo lamin Pongusapan San Gerardo Hospital id koibutan Milan — iso mantad lamin pongusapan id Itali i kiwaa koumatan montok mongusap toruol dii.[50]

Tadau kolimpupuson

[simbanai | simbanai toud]

Minomolohou o kukumalaja hiri lamin pongusapan do paado diolo montok manahak sakramen pengurapan tulun sumakit. Soira sinumuang o songulun noos ,omtok mongusap di Carlo, minomisunud isio do au momosik molohing dau tu ohuyan tomod yolo om mada yau do aganggagaru yolo.[51] Pinatahak di Carlo o koinggoritan disio montok Pope Benedict XVI om Gereja Katolik miampai boros: "Patahakon ku Kinorohingan o koinggoritan ku diti montok Paus om Gereja."[52][49] Minonguhot o dokutul i mongusap toruol kolimpupuson dau kodung orualan tomod isio ko au, om sisimbar nopo disio nga: "Haro tulun i lobi oinggorit ko yoho."[51][3] Boros kolimpupuson nopo disio kumaa tama dau nga:

Ama, kada podosi. Mantad nopo nosiliu tulun i Yesus, kapatayon nopo nga nosiliu ralan kumaa koposion, om au tokou nuru mogidu mantad dii. Tumounda tokou no montok koinganan i lobi ogingo id suang koposion selajur.[53]

Koma i carlo om noowit kumaa unit pongusapan rapi montok pongusapan pomolidangan raha. Kalapas nakawaya pendarahan tutok, napatai o tutok disio ontok 11 Gumas, di 15 toun dau. Suab dii, minidu pogun i Carlo, 12 Gumas 2006, ontok bobog ko 6.45 sosodopon.[54]

Kapamalabangan om penyasaran

[simbanai | simbanai toud]

Noowit do molohing dau o tinan dau montok kapamantangan kotohurionon, om nokorikot o tulun ginumuan do manahak kapamantangan solinaid apat tadau. Sontinimungan tulun au otitunan nokotindapou doid kapamalabangan dau, kohompit no komulakan i nokotongkiad mantad gereja, om ginumuli kawagu yolo do tumindapou Misa kasarahan kalapas tolu tulan.[55]

Gaab kotohurionon nopo di Carlo nga lisokon hilo Assisi. Ontok 6 Ngiop 2019, noowit o tinan disio hilo Sanctuary of the Spoliation om nonuan kapantangan id kinoyonon tuundorongon kolimpupuson disio. Poingompus totuong, minundorong o perarakan id Katefral San Rufino om suminding o koir diosesan do Non io, ma Dio, ("Okon ko yoho, nga Kinorohingan"), iso hymn i sinupu si Marco Mammoli poimbida montok abaabayan dii.[56] Sundung au kokitanan nopo nga au noromuk o tinan di Carlo idkaca do lungun dau, nga numaan ii kuaai do dian i numaan bontuko' tumanud kouros-uros kolimpupuson disio – iso gaya umum montok popokito tinan tulun obitua moi do kokito o penziarah ngaawi do tueos diolo kalapas kinapatayon.[57] Nokoboros o rektor Santa Maria Maggiore id Assisi, kinoyonon lobong di Carlo do apanggor po o tinan disio sundung do au ogonop.[58][59]

Legasi

[simbanai | simbanai toud]

Gama do rahi disio kumaa pomoinan vidiu ontok di poimpasi po, nolohou i carlo sabaagi "tulun tobitua gamer koiso".[41][60] Winonsoi iso liwang sesawang montok tudu kanonisasi disio. Winangun o liwang suai montok tongomongingia', komulakan, tinimungan sumambayang om nogi montok monikid kopokitanan mantad ilham disio.[61] Nokoumbal isio nokoboros insan do: "Nosusu oinsanan tulun miampai poinsandad nga ogumu i napatai sabaagi fotokopi".

Montok kahandaman di Carlo, minonguhup i Bishop Raffaello Martinelli om Angelo Comastri do papaanjul kopokitanan gambar minggura kokomoi oinsanan kinoyonon mukjizat Ekaristi. Kopokitanan nopo dii nga nokotongkop no id ogumu pogun doid limo benua.[62] Boros pengantar montok versi cetakan koiso kopokitanan dii sinuat di Kardinal Angelo Comastri[46] om nakadalin kumaa 18 boros. Noowit ii kumaa lobi mantad 10,000 kinoyonon, kohompit no garaja, istana kongres, kalab komulakan om longkod ponuau-suau. Noowit nogi o kopokitanan diti ontok kanonisasi Francisco om Jacinta Marto id Fátima, Portugal.[63]

Sabab kanonisasi

[simbanai | simbanai toud]
Santa Maria Maggiore, Assisi, kinoyonon pinamalabangan di Carlo

Nokoimpuun o kapamalahawan moi do maan beatifikasi i Carlo kalapas do noiduan isio pogun.[3] Aparagat o Gereja id Assisi do popointutun kultus Acutis, ii no amalan Katolik i mamantang toi ko' popokito devosi kumaa tulun tobitua.[64] Fr. Nicola Gori, i minonuat do Carlo Acutis: The First Millennial Saint, om kitonggungan sabaagi postulator montok sabab kanonisasi di Carlos.[65] Montok tonggungan misaup diti, kitonggungan i Nicola do popoburu proses dii id suang Vatikan om monimung dokumentasi di oponsol.[66]

Kinopongukaban do gama

[simbanai | simbanai toud]

Ontok 12 Gumas 2012, kinouliton ko-6 toun kinapatayon disio, numaan do Keuskupan Agung Milan ukabo o gama kanonisasi Carlo.[67] Pinaharo o kopongukaban sisatan id taang diosesan ontok 15 Mansak 2013, om pinohimagon di Kardinal Angelo Scola. Minimboros i Scola do au nolohou i Carlo sumiliu "rombituon filim, nga rombituan id Surga" om i carlo nopo nga "kotos wagu id suang Gereja Ambrosian".[68]

Ontok 13 Mikat 2013, minapalabus o Congregation for the Causes of Saints do nihil obstat i papatayad do aiso kaantob montok potilombuson gama dii.[69] Nolohou isio sabaagi Hamba Allah toi ko' Servant of God, ii no taang koiso id suang ralan kumaa kobituahon.[20][70] Numaan do Lombardy Episcopal Conference torimoo' petisyen montok gama kanonisasi poinhimagon dii montok potilombuson ontok toun 2013.[70] Ontok 5 Madas 2018, nookunan di Pope Francis o koposion di carlo sabaagi songulun i kiwaa heroic virtue om minopohimagon dii sabaagi Venerable (I Tabantug).[71][72]

Beatifikasi

[simbanai | simbanai toud]

Ontok 14 Milau 2019, minapatayad o Vatican's Medical Council of the Congregation for the Causes of Saints do pomuandaman positif kokomoi iso mukjizat id Brazil i mionit miampai sambayang syafaat di Carlo.[73][74] Ontok toun 2020, nookunan do Gereja Katolik pomolingasan songulun tanak mantad toruol pankreas sabaagi mukjizat i mionit miampai sambayang syafaat di Carlo.[75] Ontok kinouliton toun kinapatayon di Carlo, minogowit i Luciana Vianna do tanak dau i Mattheus minongoi Misa. Nosusu I Mattheus miampai nakakung kongenital annular pankreas (pankreas kibontuk pondulung) i monusa disio makan. Sinumambayang i Luciana novena miampai minokianu syafaat di Carlo. Ontok ibadat samayang kalapas Misa Tobitua, minonium i Mattheus do relik bangkad di Carlo om minokianu moii do au nodi isio "insaru do koilob". Kalapas nopo Misa, minomisunud isio tama disio do kopuriman nolingasan om minokianu taakanon pejal soira nokorikot yolo id walai. Pogulu nopo dii, diet waig no akanon disio.[76][77] Minanahak o dokutul do kopoilaan kokomoi kouyuuyuhon pankreas disio i okito normal maya imbasan ultratuni.[73] Mantad dii, minomisunud o tama di Carlo do media kokomoi nokoimbulai i Carlo id nipi disido om minimboros do okon nopo ko nosiliu beato nga maan nogi isio posiliho sabaagi santo ontok timpu dumontol. [78] Kalapas siasatan taralom, nookunan di Pope Francis o katapatan mukjizat dii maya iso dekri ontok 21 Mansak 2020, i minogowit kumaa beatifikasi di Carlo.

Sundung do ingkaa, id suang timpu sonwulan kalapas pinoilo dekri dii, numaan po sapado o abaabayan beatifikasi gama pandemik COVID-19 id Itali, masaan do popoindalan o pogun dii porinta moguung. Numaan kawagu uludo timpu wagu do abaabayan dii kumaa 10 Gumas 2020 aom pinoindalan id Gereja Basilica of Saint Francis of Assisi hilo Assisi, Itali, binuruan di Agostino Vallini sabaagi mongongobi do Paus.[79][80] Postulator nopo montok gama kanonisasi di Carlo nga i Nicola Gori.[70][81]

Kanonisasi

[simbanai | simbanai toud]

Ontok 23 Mikat 2024, nookunan di Pope Francis o mukjizat koduo i mionit miampai sambayang syafaat di Carlo.[82][83][84] Kinaantakan mukjizat nopo dii nga ontok toun 2022, soira songulun tondu mantad Costa Rica kingaran do i Valeria Valverde naratu mantad id bosikol disido hilo Florence, Italy, om nakawaya pendarahan tutok. Minanahak o dokutul prognosis do kosiwatan nopo disido masi nga okro no. Sinumambayang o tama disido i Lilliana, mokianu syafaat di Carlo om ninoi kakap do lobong disio. Kopihondot tadau dii, milo no kawagu i Valeria momuhobo sondii om suab dii, milo no isio mamanau om natagak oinsanan kointalangan kokomoi pendarahan tutok disido.[85][86]

Ontok 1 Madas 2024, binuruan di Pope Francis o konsistori toomod do kardinal ngaawi i minapasaga kanonisasi 15 tulun, kohompit no i Carlo Acutis.[87] Ontok 20 Milau 2024, haro kopoilaan do maan kanonisasi i Carlo id suang Jubli 2025 kopihondot Jubli Komulakan ontok 25 gisom 27 Ngiop 2025, om nookunan do Keuskupan Asisi do tadauwulan nopo dii nga ontok tadau Tiwang, 27 Ngiop.[88] Sundung do ingkaa, gama do minidu pogun i Pope Francis ontok 21 Ngiop 2025, ii no ontok Tontolu Paska, minanahak kopoilaan o Vatikan do maan po kawagu sapadon po kwagu abaabayan di montok manahak liwang kumaa abaabayan pamalabangan paus om konklaf sumusuhut.

Ontok 13 Mahas 2025, minanahak kopoilaan i Paus Leo XIV maya konsistori tabantug do maan kanonisasi i Carlo miampai di Pier Giorgio Frassati.[89] Abaabayan kanonisasi dii nokoindalan id St. Peter's Square ontok 7 Manom 2025, i binuruan di Pope Leo. Nokotindapou nogi molohing om tobpinai di Carlo, om tadi dau i Michele minambasa iso mantad pambasaan ontok Misa Tobitua.[90]

Kritikan kumaa proses

[simbanai | simbanai toud]

Minapatayad o songulun mananahak komi do kiwaa osigo' kumaa goos kanonisasi Carlo id pialatan soboogian tutumanud otumbayaan om nogi pomogunan sekular.[91] Id suang kolobusan Gomot 2025 majalah The Economist, minanahak i John Phipps . Minonuat i Phipps do, "Aiso nunu-nunu id susuyan koposion disio i popointalang poingkuro songulun komulakan kusai i andang osiliu santo tagayo koiso ontok abad ko-21."[64] Id suang ponorubungan di miagal, minanahak o tambalut di Carlo mantad tokoro po do kointalangan do au isio kosorou di Carlo sabaagi songulun tanak i "ogirot id ugama", om au nogi nokoilo do kiugama i Carlo. Koombolutan disio id sikul nga minanahak do kointalangan do i Carlo nopo nga songulun i osonong ginawo nga au yolo kosorou dau sabaagi songulun i popokito kesalehan miampai poingukab, sundung do minangakun yolo do koumbal isio minapatayad do piromutan seks pogulu pisasawaan nopo nga au kotunud. Kointalangan nopo diti nga numaan di Antonia (tama di carlo) songkiwalo (pertikai).[64]

Numaan kanonisasi i carlo kalapas 19 toun kinapatayon disio, iso timpu i osikap kopio tumanud piawai Gereja Katolik. Nakaanu nogi perhatian kritis o proses diti tu haro ruputan i popohompit sakadai kousinan mantad paganakan disio. Minangakun o molohing disio do numaan disido tonggungo kos mionit dokumentasi, kapamanahan om mogikaakawo kos suai i nuru montok goos dii Ii nopo pengkritik ngaawi nga kipomusarahan do sokodung kousinan miagal dii nakarahung kanto kalantasan om koikapan proses kanonisasi.[92][66] Minanahak kotolinahasan o tama disio do: "Koubasanan nopo, montok iso goos kanonisasi, puru nopo di monoinan nga nuru mokianu kouhupan dana mantad tulun ginumuan, nga id suang kaantakan ku, kaanu oku mananggung dii om ii no pogi minomonsoi oku ingkaa."[66]

sabaagi respon, minimboros i Gori, postular montok gama kanonisasi di Carlo kumaa do Washington Post: "Au otopot iti. Koinsanai nopo proses dau nga miagal i sundung do tadon nopo disio nga mantad paganakan osusa. Miagal o proses diti montok oinsanan tulun. Au posikapon ii gama do haro o tusin. Nung aiso kemasyhuran kokomoi kobituahin disio, notingkadan no o proses diti."[93]

Kinoyonon obitua om relik

[simbanai | simbanai toud]
Relik ginawo di Carlo Acutis

Mantad abaabayan beatifikasi ontok 10 Gumas 2020, numan pokitonpo o relik di Carlo miampai lobong disio id Gereja Santa Maria Maggiore.[94] Pinoopi o relik kaagal-agal ginawo disio id Katedral San Rufino id Assisi, id altar i numaan dedikasi montok Beato dii, i pinoimagon ontok 16 Gumas 2022.[95]

Pinokito nogi iso relik i kiwaa tobuk di Carlo montok kapamantangan awam id gereja San Francis id Rabat, pulau Gozo, Malta.[96] Pinoopi om pinokito nogi o relik miagal dii mantad 11 Manom 2023, id Alife, id kinoyonon tobitua Madonna della Grazia,[97] om nogi Paroki San Tommaso Apostolo id Rom, watas Infernetto.[98] Iso kawagu relik "ex capillis" (mantad tobuk) pinokito id Paroki San Gennaro hilo Benevento mantad 20 Ngiop 2025.[99]

Gereja Our Lady of Dolours id London, kinoyonon kinopodsuan di Carlo, kiwaa iso kinoyonon tobitua poindoros kulam pomodsuan i numaan simbanai mantad iso kupuk kookunan laid. Pinoopi o iso tobuk disio id suang iso payanan relik.[100][101]

Mengecam o Gereja Katolik do kapadagangan relik di Carlo miampai aiso kasagaan poinhimagon. Kakamot miagal do tobuk dau pinoru[ut do numaan lelong maya talian miampai gatang di takawas, gisom minongunsub Keuskupan Assisi do mokianu kouhupan pulis.[102] Miampai togirot, mengecam o puru gereja do kapadagangan relik di. Minongimpuun do siasatan o pendakwa raya Itali kokomoi abaabayan poboli om momoli relik dii.[103]

Intangai nogi

[simbanai | simbanai toud]

Sukuon

[simbanai | simbanai toud]
  1. ↑ Cernuzio, Salvatore; Christopher Wells (13 Mahas 2025). "Carlo Acutis and Pier Giorgio Frassati to be canonized together". Vatican News. Linoyog ontok 13 Mahas 2025.
  2. ↑ Povoledo, Elisabetta (5 Manom 2025). "Carlo Acutis, a Saint for the Modern Age". The New York Times (id boros Inggilis). Linoyog ontok 7 Manom 2025.
  3. ↑ 3.0 3.1 3.2 3.3 3.4 3.5 "Italy moved by teen who offers life for the Church and the Pope". Catholic News Agency. 24 Gumas 2007. Pinoopi mantad sanḏad ontok 11 Gomot 2017. Linoyog ontok 6 Mikat 2017.
  4. ↑ "Carlo Acutis 'Always Lived in the Presence of God'". National Catholic Register. 27 Mahas 2020. Pinoopi mantad sanḏad ontok 30 Manom 2020. Linoyog ontok 10 Gumas 2020.
  5. ↑ Guatri Luigi (14 Milatok 2014). Vite vissute Cultura & Società (id boros Itali). EGEA spa. ISBN 978-8823876057. Acutis family background and leading role in Italy's business community.
  6. ↑ Conquer 2021, pp. 16, 18–19.
  7. ↑ 7.0 7.1 Smith, Scott. "Blessed Biographies: Carlo Acutis, Future Patron Saint of the Internet". All Roads Lead to Rome. Pinoopi mantad sanḏad ontok 27 Madas 2021. Linoyog ontok 27 Madas 2021.
  8. ↑ 8.0 8.1 Conquer 2021, p. 19.
  9. ↑ 9.0 9.1 Conquer 2021, pp. 18–19.
  10. ↑ 10.0 10.1 Conquer 2021, p. 20.
  11. ↑ Conquer 2021, p. 41.
  12. ↑ Conquer 2021, pp. 23, 191.
  13. ↑ Conquer 2021, pp. 23–24.
  14. ↑ Conquer 2021, pp. 46, 191, 192.
  15. ↑ 15.0 15.1 Conquer 2021, pp. 46–47.
  16. ↑ Conquer 2021, p. 48.
  17. ↑ 17.0 17.1 17.2 17.3 17.4 "15 Fun Facts About Saint Carlo Acutis". Ascension (id boros Inggilis). 3 Manom 2025. Linoyog ontok 7 Manom 2025.
  18. ↑ "Carlo Acutis beatified in Assisi". rcdow.org.uk Diocese of Westminster. 13 Gumas 2020. Pinoopi mantad sanḏad ontok 18 Gumas 2020. Linoyog ontok 17 Gumas 2020.
  19. ↑ Conquer 2021, p. 16.
  20. ↑ 20.0 20.1 20.2 20.3 "Servant of God Carlo Acutis". Santi e Beati. Pinoopi mantad sanḏad ontok 11 Gumas 2008. Linoyog ontok 31 Gumas 2017.
  21. ↑ 21.0 21.1 Conquer 2021, p. 151.
  22. ↑ Conquer 2021, p. 187.
  23. ↑ CNA. "Mom of Carlo Acutis says son led her back to the Catholic faith". Catholic News Agency (id boros Inggilis). Linoyog ontok 7 Manom 2025.
  24. ↑ Conquer 2021, pp. 43–44.
  25. ↑ Conquer 2021, p. 45.
  26. ↑ Kock, Claudia (11 Gumas 2020). "Der Wochenheilige. Der selige Carlo Acutis" [This week's saint. Blessed Carlo Acutis]. Die Tagespost (id boros Jerman). Pinoopi mantad sanḏad ontok 11 Gumas 2020. Linoyog ontok 11 Gumas 2020.
  27. ↑ "Biograf. Polnische Babysitterin lehrte seligen Carlo Acutis beten" [Biography. The Polish babysitter taught blessed Carlo Acutis to pray] (id boros Jerman). kathpress.at. 27 Gumas 2020. Pinoopi mantad sanḏad ontok 31 Gumas 2020. Linoyog ontok 27 Gumas 2020.
  28. ↑ Conquer 2021, p. 22.
  29. ↑ Conquer 2021, p. 82.
  30. ↑ Pothiah, Marjoreland (26 Milatok 2025). "Rajesh Mohur, le Mauricien qui a croisé la route d'un saint" [Rajesh Mohur, the Mauritian who crossed paths with a saint]. Le Défi Media Group (id boros Perancis). Pinoopi mantad sanḏad ontok 27 Milatok 2025. Linoyog ontok 27 Milatok 2025.
  31. ↑ Conquer 2021, pp. 28–29.
  32. ↑ Conquer 2021, pp. 31–32.
  33. ↑ "The Hindu man who converted after meeting Carlo Acutis". Aleteia — Catholic Spirituality, Lifestyle, World News, and Culture (id boros Inggilis). 20 Mahas 2023. Pinoopi mantad sanḏad ontok 27 Mikat 2024. Linoyog ontok 27 Mikat 2024.
  34. ↑ Conquer 2021, pp. 91, 191.
  35. ↑ Conquer 2021, p. 100.
  36. ↑ 36.0 36.1 Conquer 2021, p. 192.
  37. ↑ Conquer 2021, pp. 109, 124.
  38. ↑ Conquer 2021, p. 98.
  39. ↑ Conquer 2021, p. 189.
  40. ↑ Treisman, Rachel (1 Madas 2024). "A teen tech whiz nicknamed 'God's influencer' will become the first millennial saint". NPR (id boros Inggilis). Linoyog ontok 23 Gomot 2025.
  41. ↑ 41.0 41.1 Valentine, Rebekah (1 Madas 2024). "The Catholic Church Is About to Canonize Its First Gamer Saint". IGN (id boros Inggilis). Linoyog ontok 23 Gomot 2025.
  42. ↑ 42.0 42.1 Conquer 2021, p. 124.
  43. ↑ Conquer 2021, pp. 132–3.
  44. ↑ Conquer 2021, p. 126.
  45. ↑ Murphy, Alyssa (7 Gumas 2020). "17 Things Every Catholic Should Know About Soon-to-be-Saint Carlo Acutis". National Catholic Register. Pinoopi mantad sanḏad ontok 22 Manom 2023. Linoyog ontok 24 Mikat 2024.
  46. ↑ 46.0 46.1 46.2 Conquer 2021, p. 128.
  47. ↑ Conquer 2021, p. 129.
  48. ↑ Conquer 2021, p. 160.
  49. ↑ 49.0 49.1 Conquer 2021, p. 161.
  50. ↑ Conquer 2021, pp. 162–163.
  51. ↑ 51.0 51.1 Conquer 2021, p. 164.
  52. ↑ Palleck, Angela Mengis (10 Gumas 2020). "Carlo Acutis: Millennial generation has a Blessed – Vatican News". Vatican News. Pinoopi mantad sanḏad ontok 13 Gumas 2020. Linoyog ontok 11 Gumas 2020.
  53. ↑ Conquer 2021, p. 152.
  54. ↑ Conquer 2021, p. 165.
  55. ↑ Conquer 2021, pp. 166–168.
  56. ↑ Conquer 2021, pp. 175–177.
  57. ↑ Kosloski, Philip (9 Gumas 2023). "Is the body of Blessed Carlo Acutis incorrupt?". Aleteia. Linoyog ontok 17 Gumas 2024. Updated 3 February 2025.
  58. ↑ Kosloski, Philip (7 Mahas 2022). "How Blessed Carlo Acutis' tomb highlights the universal call to holiness". Aleteia. Linoyog ontok 17 Gumas 2024.
  59. ↑ Mares, Courtney. "Tomb of Carlo Acutis is opened for veneration ahead of beatification". Catholic News Agency. EWTN News. Linoyog ontok 17 Gumas 2024.
  60. ↑ Stanton, Rich (2 Madas 2024). "Catholic Church prepares to canonise its first gamer saint—and yep, one of his favourites was Halo". PC Gamer (id boros Inggilis). Linoyog ontok 29 Gomot 2025.
  61. ↑ Conquer 2021, p. 131.
  62. ↑ Ko Din, Jean (4 Mahas 2016). "Photo exhibit chronicles the miracle of the Eucharist". The Catholic Register. Pinoopi mantad sanḏad ontok 13 Madas 2017. Linoyog ontok 6 Mikat 2017. Ralat maganu:Tag <ref> tidak sah, nama "photo" digunakan secara berulang dengan kandungan yang berbeza
  63. ↑ Conquer 2021, p. 130.
  64. ↑ 64.0 64.1 64.2 Phipps, John (28 Gomot 2025). "The secret life of the first millennial saint". The Economist. Pinoopi mantad sand̠ad ontok 31 Gomot 2025. Linoyog ontok 31 Gomot 2025.
  65. ↑ "Book Review - Carlo Acutis, the first Millenial Saint". The Catholic Weekly (id boros Inggeris Australia). 4 Ngiop 2022. Linoyog ontok 7 Manom 2025.
  66. ↑ 66.0 66.1 66.2 Hauschild, Dominic (6 Manom 2025). "Carlo Acutis and the secret process of how a saint is made". The Times (id boros Inggilis). Linoyog ontok 7 Manom 2025.
  67. ↑ Conquer 2021, p. 170.
  68. ↑ Conquer 2021, p. 174.
  69. ↑ Conquer 2021, p. 171.
  70. ↑ 70.0 70.1 70.2 "Cause of beatification starts!". Associazione Amici di Carlo Acutis. 2013. Pinoopi mantad sanḏad ontok 21 Ngiop 2017. Linoyog ontok 31 Gumas 2017.
  71. ↑ "Venerable Carlo Acutis: A patron of computer programmers?". Catholic News Agency. Pinoopi mantad sanḏad ontok 6 Madas 2018. Linoyog ontok 12 Magus 2018.
  72. ↑ Conquer 2021, p. 178.
  73. ↑ 73.0 73.1 Filipe, Domingues (20 Milau 2020). "Carlo Acutis could become the first millennial saint. Here's the story behind his first miracle". Pinoopi mantad sanḏad ontok 12 Madas 2021. Linoyog ontok 12 Madas 2021.
  74. ↑ "Italian teenage computer whiz beatified by Catholic church". WLS-TV. 3 Ngiop 2021. Pinoopi mantad sanḏad ontok 27 Madas 2021. Linoyog ontok 27 Madas 2021.
  75. ↑ Domingues, Filipe (20 Milau 2020). "Carlo Acutis could become the first millennial saint. Here's the story behind his first miracle". America Magazine (id boros Inggilis). Linoyog ontok 28 Mansak 2025.
  76. ↑ "The Miracle Attributed to Carlo Acutis' Prayers". National Catholic Register. 10 Gumas 2020. Pinoopi mantad sanḏad ontok 1 Milau 2020. Linoyog ontok 10 Gumas 2020.
  77. ↑ Hunter-Kilmer, Meg (24 Mansak 2020). "With a miracle approved, beatification awaits computer programmer Carlo Acutis". Pinoopi mantad sanḏad ontok 8 Gumas 2020. Linoyog ontok 4 Gumas 2020.
  78. ↑ Alfaro, Gigliola (22 Mansak 2020). "Carlo Acutis futuro beato. La mamma: "Ha aiutato tante anime ad avvicinarsi a Dio"" [Carlo Acutis, future Blessed. His mother: "He helped so many souls draw closer to God."]. Agensir (id boros Itali). Pinoopi mantad sanḏad ontok 10 Gumas 2020. Linoyog ontok 11 Gumas 2020. Ralat maganu:Tag <ref> tidak sah, nama "beato" digunakan secara berulang dengan kandungan yang berbeza
  79. ↑ Mares, Courtney (10 Gumas 2020). "Beatification of Carlo Acutis: The First Millennial Is Declared 'Blessed'". National Catholic Register. Pinoopi mantad sanḏad ontok 11 Gumas 2020. Linoyog ontok 11 Gumas 2020.
  80. ↑ Gomes, Robin (22 Mansak 2020). "Indian martyr, Devasahayam, cleared for sainthood". Vatican News. Pinoopi mantad sanḏad ontok 22 Mansak 2020. Linoyog ontok 22 Mansak 2020.
  81. ↑ Mac Donald, Sarah (30 Madas 2019). "Venerable Teenager". Messenger of Saint Anthony. Pinoopi mantad sanḏad ontok 8 Momuhau 2023. Linoyog ontok 23 Mikat 2024.
  82. ↑ Mares, Courtney (23 Mikat 2024). "Carlo Acutis to be canonized: Pope Francis recognizes second miracle". Catholic News Agency. Pinoopi mantad sanḏad ontok 23 Mikat 2024. Linoyog ontok 23 Mikat 2024.
  83. ↑ Gerken, Tom (23 Mikat 2024). "Pope clears way for 'God's influencer' to become a saint". BBC News. Pinoopi mantad sanḏad ontok 24 Mikat 2024. Linoyog ontok 25 Mikat 2024.
  84. ↑ "Pope clears sainthood for Italian Millennial known as 'God's Influencer'". Reuters. 23 Mikat 2024. Linoyog ontok 25 Mikat 2024.
  85. ↑ CNA. "Carlo Acutis to be canonized with Pier Giorgio Frassati on Sept. 7". Catholic News Agency (id boros Inggilis). Linoyog ontok 9 Manom 2025.
  86. ↑ Watkins, Devin (23 Mikat 2024). "Pope Francis clears path for canonization of Blessed Carlo Acutis". Vatican News. Pinoopi mantad sanḏad ontok 23 Mikat 2024. Linoyog ontok 23 Mikat 2024.
  87. ↑ Watkins, Devin (1 Madas 2024). "Carlo Acutis and 14 Blesseds approved for canonization". Vatican News. Linoyog ontok 1 Madas 2024.
  88. ↑ Mares, Courtney (20 Milau 2024). "Pope Francis announces 2025 canonizations for Carlo Acutis, Pier Giorgio Frassati during Jubilee celebrations". Catholic News Agency. Linoyog ontok 20 Milau 2024.
  89. ↑ McElwee, Joshua (13 Mahas 2025). "Pope Leo to make Carlo Acutis first millennial saint on September 7". Reuters. Linoyog ontok 7 Manom 2025.
  90. ↑ Connolly, Kate; Giuffrida, Angela (7 Manom 2025). "Pope Leo XIV declares 15-year-old computer whiz Carlo Acutis "God's influencer" saint". The Guardian. Linoyog ontok 7 Manom 2025.
  91. ↑ Wolfe, Jaymie Stuart (3 Mikat 2025). "St. Carlo and timing". Catholic Review (id boros Inggeris AS). Linoyog ontok 7 Manom 2025.
  92. ↑ Brown, Mick (6 Gumas 2024). "I came face-to-face with the Nike-wearing saint". The Telegraph. Linoyog ontok 7 Manom 2025.
  93. ↑ "Pope Leo canonizes Carlo Acutis, the teen deemed 'God's Influencer'". The Washington Post. 7 Manom 2025. ISSN 0190-8286. Linoyog ontok 8 Manom 2025.
  94. ↑ Lucie-Smith, Alexander (27 Gumas 2020). "Do not be afraid – a pilgrim is profoundly moved by his visits to Saint Carlo Acutis". The Tablet. Pinoopi mantad sand̠ad ontok 1 Milau 2020.
  95. ↑ Stellacci, Silvia. "Catholic Church denounces online sale of Carlo Acutis relics". National Catholic Reporter (id boros Inggilis). Linoyog ontok 7 Manom 2025.
  96. ↑ "Blessed Acutis new reliquary at St Francis church in Gozo". Times of Malta (id boros Inggeris British). 4 Manom 2023. Linoyog ontok 7 Manom 2025.
  97. ↑ "Alife. Il 10 settembre le reliquie del Beato Carlo Acutis al Santuario della Madonna delle Grazie" [Alife. On September 10, the relics of Blessed Carlo Acutis will be brought to the Sanctuary of Our Lady of Grace.]. Clarus (id boros Itali). 6 Manom 2023. Linoyog ontok 7 Manom 2025.
  98. ↑ "Home". Parrocchia san Tommaso apostolo (id boros Itali). Linoyog ontok 7 Manom 2025.
  99. ↑ "Carlo Acutis diventa Santo, una reliquia nella Chiesa di San Gennaro" [Carlo Acutis becomes a saint, a relic in the Church of San Gennaro]. Realtà Sannita (id boros Itali). 20 Ngiop 2025. Linoyog ontok 7 Manom 2025.
  100. ↑ Ralat maganu:Tag <ref> tidak sah; tiada teks disediakan bagi rujukan yang bernama maqbool
  101. ↑ "Saint Carlo Acutis". Our Lady of Dolours Servite Parish. Linoyog ontok 7 Manom 2025.
  102. ↑ "You shouldn't buy a piece of a saint. Catholic Church denounces online sale of Carlo Acutis relics". AP News. 5 Ngiop 2025. Linoyog ontok 7 Manom 2025.
  103. ↑ Mares, Courtney (27 Gomot 2025). "Italian prosecutors investigate illegal sale of apparent Acutis relics online". Catholic News Agency. Linoyog ontok 7 Manom 2025.

Kalaja sinuku'

[simbanai | simbanai toud]
  • Conquer, Will (2021). Carlo Acutis: A Millennial in Paradise. Sophia Institute Press. ISBN 9781644134849.

Noputan labus

[simbanai | simbanai toud]
Wikimedia Commons has media related to Carlo Acutis.


Naanu mantad "https://dtp.wikipedia.org/w/index.php?title=Carlo_Acutis&oldid=23245"