Pergi ke kandungan

Christ the Lord Is Risen Today

This is a good article. Click here for more information.
Mantad Wikipedia

Christ the Lord Is Risen Today
Hymn
An 1873 depiction of a scene from the Bible, in which Jesus appears to his disciples after his resurrection
OccasionTadau Paska
Written1739 (1739)
TextCharles Wesley
LanguageEnglish
Based onMatthew 28:1-10
Meter7.7.7.7 with alleluias
Melody"Easter Hymn", or "Llanfair" by Robert Williams

"Christ the Lord Is Risen Today" nopo nga sinding kaparayahan Krisitian i mionit miampai Paska. Kogumuan nopo bangki sinding diti nga sinuat di Charles Wesley, om pinalabus miampai uhu "Hymn for Easter Day" id suang buuk Hymns and Sacred Poems i sinuat di Charles om John Wesley ontok toun 1739. Nointutunan o sinding diti miampai ungkapan "Alleluia" i sindingon miampai melisma kalapas monikid bangki, i pinoruhang do monunuat di au nointutunan, maan kanto pisudongo miampai melodi sinding kaparayahan i insaru gunoon ii no, "Easter Hymn". Pointindohoi o sinding diti sabaagi sinding perarakan koubasanan ontok Tadau Paska.[1]

Sajara

[simbanai | simbanai toud]
Fail:The Foundery.jpg
Numaan sindingo ii di kumoinsan nogi ontok tadau Paska ontok toun 1740 id The Foundery, London.

Charles Wesley, songulun mantd i minongimpuun do guraan Methodist movement, minonuat do sinding "Christ the Lord Is Risen Today" ontok 1739 om uhu mantad nopo daa dii nga "Hymn for Easter Day". Sinding kaparayahan kawawagu nopo diti nga numaan sindingo' kumoinsan nogi id suang kebaktian koiso id The Foundery Meeting House kalapas numaan di Wesley simbanai ii sumiliu chapel Methodist koiso.[2] Kalapas dii, numaan disio polobuso ii id suang himnal Hymns and Sacred Poems ontok toun 1739, om ii nopo di timpuunon po nga kiwaa hopod om iso bangki miampai apat baris monikid iso.[3][4] Sumusuhut, pinalabus o sinding diti id suang himnal A Collection of Hymns for the Use of the People called Methodists,[5] om ontok toun 1754, pinosuang ii id suang Harmonia Sacra, iso himnal i noulud di Thomas Butts.[6][7]

Numaan di Martin Madan edito o sinding diti montok posuangon id suang himnal Psalms and Hymns (1769) miampai minongidu bangki koturu, kawalu om kosiam. Nointutunan o sinding diti id suang Church of England kiikiro toun 1780. Tobpinai di Charles Welsey, i John Wesley au minoposuang do sinding diti id suang Wesleyan Hymn Bookdo Wesleyan Methodist Church,[3] montok mongilag kopomogunoon sinding kaparayahan poimbida montok timpu pointantu. Gisom toun 1831, soira pinalabus o Supplement to the Collection do songulun Methodist i au ointutunan, pinosuang nogi miampai pointatap o sinding "Christ the Lord is Risen Today" id suang himnal Gereja Methodist.[8] Pogulu pinalabus o sinding diti, popotindohoi o muzik gereja do gaya dinamik i miagal-agal do muzik om koponondigan mantad zaman Alkitab. "Christ the Lord Is Risen Today" nopo nga sinupu miampai gaya kasambaan di lobi otood om momosik sunduan, om popokito topurimanan peribadi kumaa Kinorohingan. Nosiliu o gaya diti do impohon toponsol kumaa koburuon muzik kristian gisom id era moden.[2]

Ii nopo timpuunon po, komposisi nopo do "Christ the Lord Is Risen Today" nga kiwaa hopod om iso bangki miampai apat baris monikid iso, om numaan di ingkuriai kumaa onom bangki.[9] Ontok koimpuunon abad ko-19, numaan poruhango' ungkapan "Alleluia" id kolimpupuson monikid baris.[9] Koimbulai di o "Alleluia" soginumu duo noho[pod om apat id suang sinding diti. Au noilaan nunu sabab kopio kinopomoruhanagn dii nga kipomusarahan o momoomorindak do sinding do numaan poruhango ii mooi kosudong miampai "Easter Hymn" tune.[5] Nokopongunsub o sinding diti do kopoingkawasan kopomogunaan do Alleluia sabaagi ungkapan ointutunan ontok karamayan paska, loolobi montotk mamaramai kinotungagan di Jesus.[5]

Boros nopo puru sajara Methodist, Bernard Lord Manning kokomoi diti:

Ontok insan sodop id gereja tokoro dii, sundung do au oku koilo kopio kokomoi sambayang dau, nga aiso ko;igaganan (keraguan) kokomoi sinding dii. Oilaan ku do suminding yahai sinding Paska karya di Charles Wesley, "Christ the Lord Is Risen Today," miampai 24 o "Alleluias: om tinondig kopio dahai ii. Id pialatan do Nonkonformus i poingigit kopio do koubasanan, sindingin kasari o sinding diti ontok Tadau Paska miagal do Sambayang Paska (Easter Collect) id suang Gereja Poinhimagon (Church of England). Om okon ko' aiso sabab do 24 "Alleluia" dii: kopomogunaan nopo "Alleluia" ontok tadau Paska nosukod mantad liturgi di nakalaid no om pantangon ii. Sinding kaparayahan toko nopo nga liturgi toko, iso liturgi di osoning kopio. Maan tokou soriuko', pantango'. gunoo', poburuo' om oondos montok dii.[5]

"Christ the Lord Is Risen Today" nopo tumanud kogumuan mononoriuk sinding kaparayahan miagal do i William Studwell, nga sabaagi sinding kaparayahan gereja toponsol om mobi do karamayan Paska.[10] Nosiliu nogi o sinding diti do poomitanan id nombo tutumanud Roman Katolik om Anglikan nopo nga au momoguno hogot "Alleluia" poingompus timpu mogkodos nga gunoon kawagu ii id suang ibadat ontok Tadau Paska.[5]

Charles Wesley

Suai ko' Methodism om Anglican Church, torimoon om gunoon nogi o "Christ the Lord Is Risen Today" do denominasi Kristian suai; Baptist nga momoguno nogi do sinding kaparayahan diti.[11] Ingkaa nogi do Presbyterian i monondig do sinding diti lobi kuang mantad abad ko-19, id nombo pinosuang nogi ii id himnal i gunoon montok kalaja misi id tanah jajahan do British.[12] Gunoon nogi o sinding kaparayan diti do the Church of Jesus Christ of Latter-day Saints; nga himnal gereja nopo dii nga kiwaa tolu bangki no do sinding diti om momoguno teks di nosimbanan no.[13][14]

Sinding kaparayan karya di Wesley nopo diti nga variasi mantad sinding di nokopogulu ii no "Jesus Christ Is Risen Today", iso sinding Latin mantad abad ko-14 i pinadalin kumaa Boros Inggilis om pinalabus id suang Lyra Davidica ontok toun 1708 (om sumusuhut ontok toun 1749 id suang Arnold's Compleat Psalmodist).[8] Id piipiro himnal, Jesus Christ Is Risen Today inopo nga kakal po versi tolu bangki mantad Compleat Psalmodist miampai iso toi ko' lobi bangki pinoruhang i sinuat di Wesley i pinotonggoi. Sundung do nointutunan o "Christ the Lord Is Risen Today" di timpuunon po id suang Church of England, nga soira kawaliu timpu minindaliu o tutumanud Anglikan kumaa "Jesus Christ Is Risen Today" om mininsodu mantad sinding kaparayahan versi di Wesley dii.[8]

Teks

[simbanai | simbanai toud]

Monikid bangki id suang "Christ the Lord Is Risen Today" nopo nga manahak tarad kumaa Kinotungagan di Jesus. Montok bangki kolimpupuson, minomoguno i Wesley do boros kikoulalaho deskriptif montok momulinahas apat syarat do tutumanud Kristian montok momodimpot koposion selajur miampai Kinorohingan. Tarad nopo dii nga mooi do kaanu tutumanud Kristian: mongintutun Kinorohingan, sumiliu saksi montok Kinorohingan, poposinding kotumbayaan diolo om mogiupus-upus kumaa tiso om tiso.[15]

Ilham nopo roroiton sinding "Christ the Lord Is Risen Today"nga mantad piipiro teks id Alkitab. Tarad nopo koinsanai sinding diti nga mantad Injil Matius 28:5–6 id nombo sinundan i Maria Magdalene om maria di songulun po do tasab kokomoi kotungagan di Yesus.[3] Kopomogunoon nopo hogot "Alleluia" nga naanu mantad Kitab Mazmur miampai piipiro mazmur i noguno miagal do Mazmur 106, Mazmur 111, Mazmur 112, Mazmur 113, Mazmur 117 om Mazmur 135.[5] Sumuku nogi ii do Wahyu 19 id nombo sininding o "Alleluia" mantad surga.[5]

Ontok toun 1989, minonimban o United Methodist Church maya United Methodist Hymnal do baris koduo id suang bangki koiso mantad "Sons of men and angels say" kumaa "Earth and Heaven in chorus say". Kosimbanon nopo diti nga iso mantad ogumu kosimbanon roroiton sinding i kikoulalaho neutral koulunan, sabaagi iso goos poposiliu sinding kaparayahan lobi inklusif.[16] Versi nopo di nosimbanan nga gunoon nogi piipiro denominasi Kristian suai.[3]

Melodi

[simbanai | simbanai toud]
"Easter Hymn"
Kosolimbahan MIDI sinding montok "Christ the Lord Is Risen Today"
Problems playing this file? See media help.

Soira pinalabus di Thomas Butts o "Christ, the Lord, is ris'n today" ontok toun 1754 id suang himnal Harmonia Sacra, pinisudong ii miampai melodi "Maccabaeus". Melodi nopo di kisunduan diti nga sinupu di George Frideric Handel, di timpuunon i montok oratorio 1747 Joshua, om sumusuhut pinosuang nogi id suang oratorio Judas Maccabaeus (1746). Pomilian nopo tema muzik kikoulalaho' ketenteraan diti montok popohirot ponginruaian metafora Kristus i nokotungag sabaagi songulun boyoon i nakaala do kapatayon om kuasa tangaraat. Timpu baino, lobi ointutunan o melodi diti maya pionitan dii miampai sinding kaparayahan toun 1923 "Thine Be the Glory".[6][7][17]

Timpu baino, kiwaa duo melodi i koubasan gunoon montok "Christ the Lord Is Risen Today", ii no "Easter Hymn" om "Llanfair". "Easter Hymn", i insaru gunoon, di pogulu po kiuhu "The Resurrection" om pinalabus miampai aiso ngaran id suang Lyra Davidica ontok toun 1708.[18] Sundung do aiso ngaran, oborulong o tulun do melodi diti sabaagi karya piipiro lundu miagal do i J. W. Worgan, Henry Carey om George Frideric Handel.[19] Minongomoi i James T. Lightwood (monunuat) do: "aiso kanto melodi id suang pomogunan Kristian i sindingon miampai pointongkop id nombo-nombo tadau karamayan miagal do Easter hymn, miampai "Hallelujah", i mogulinggou ontok kosuabon Paska."[18] Suai ko ii, ointutunan nogi o "Christ the Lord Is Risen Today" sabaagi sinding kaparayahan tangaanak gama do melodi dau i ouhan do pinsingilaan sundung do boros nopo id suang roroiton dau nga kompleks.[19]

Sinupu di Robert Williams o "Llanfair" id Llanfairpwllgwyngyll, Anglesey, Wales om pinungaranan o melodi dii tumanud ngaran kakadayan dii.[20] Sinding kaparayahan diti nga numaan nogi harmoni do Pengarah Muzik do University College, Oxford, David Evans.[20] Noguno nogi melodi suai montok "Christ the Lord Is Risen Today" kohompit no "Orientis Partibus", "Savannah," om "Resurrexit". Iso mantad melodi diti nopo nga melodi sandad kanto ontok kumoinsan nogi pinosolimbou di Wesley, nga au oilaan kopio o ahal diti.[21]

Minapalabus i John Rutter , songulun komposer British do iso kouludan koral montok "Christ The Lord Is Risen Today", momoguno melodi "Easter Hymn" ontok toun 2016.[22]

Sukuon

[simbanai | simbanai toud]
  1. ↑ "Easter Processional on Christ the Lord Is Risen Today; Alleluia". Concordia Publishing House. 15 Momuhau 2017. Linoyog ontok 13 Milatok 2018.
  2. 1 2 Collins, Ace (2009). "Christ the Lord is Risen Today". Stories Behind the Traditions and Songs of Easter. Zondervan. ISBN 978-0310542261.
  3. 1 2 3 4 "Christ the Lord is risen today". Hymnary.org. Linoyog ontok 13 Milatok 2018.
  4. ↑ Wesley, John (1739). Hymns and sacred poems. Published by John Wesley, .. and Charles Wesley. 1739. Internet Archive.
  5. 1 2 3 4 5 6 7 Hansen, Collin (8 Magus 2008). "'Hymn for Easter Day'". Christianity Today. Linoyog ontok 13 Milatok 2018.(subscription required)
  6. 1 2 Temperley, Nicholas; Banfield, Stephen (2010). Music and the Wesleys (id boros Inggilis). University of Illinois Press. p. 15. ISBN 978-0-252-07767-8. Linoyog ontok 6 Ngiop 2021.
  7. 1 2 Butts, Thomas (1754). "Christ, the Lord, is ris'n today". Harmonia Sacra, or a Compilation of Psalm and Hymn Tunes (1816 ed.). Andover: Flagg & gould. p. 118.
  8. 1 2 3 "Christ the Lord is risen today". Canterbury Dictionary of Hymnology. Linoyog ontok 13 Milatok 2018. (subscription required)
  9. 1 2 "History of Hymns "Christ the Lord Is Risen Today"". United Methodist Church. Pinoopi mantad sand̠ad ontok 15 Milatok 2018. Linoyog ontok 14 Milatok 2018.
  10. ↑ Studwell, William (1996). The National and Religious Song Reader: Patriotic, Traditional, and Sacred Songs from Around the World. Psychology Press. p. 143. ISBN 0789000997.
  11. ↑ "Baptist Hymnal 1991 159. Christ the Lord is risen today". Hymnary.org. Linoyog ontok 26 Mansak 2018.
  12. ↑ Hope, Charles (1842). A Selection of Hymns for the use of Presbyterian Churches in Jamaica (2nd ed.). C. Hope. p. 206. OCLC 561377501.
  13. ↑ "Christ the Lord Is Risen Today". LDS Church. Linoyog ontok 26 Mansak 2018.
  14. ↑ "Christ The Lord Is Risen Today - Mormon Tabernacle Choir". BBC Music. Linoyog ontok 26 Mansak 2018.[noputan di napatai]
  15. ↑ Chilcote, Paul Wesley (2009). The Song Forever New: Lent and Easter with Charles Wesley. Church Publishing, Inc. pp. 151–152. ISBN 978-0819227256.
  16. ↑ United Methodist Communications (10 Ngiop 2017). "Risen today! A Wesley hymn devotion for Easter". UMC. Linoyog ontok 21 Mansak 2018.
  17. ↑ Til, Marian Van (2007). "Guns to Good Effect". George Frideric Handel: A Music Lover's Guide to His Life, His Faith & the Development of Messiah and His Other Oratorios (id boros Inggilis). WordPower Publishing. p. 16. ISBN 978-0-9794785-0-5. Linoyog ontok 8 Ngiop 2021.
  18. 1 2 Clapp-Itnyre, Alisa (2016). "1. Congregational Singing and Musical Education". British Hymn Books for Children, 1800–1900: Re-Tuning the History of Childhood. Ashgate Publishing, Ltd. ISBN 978-1472407016.
  19. 1 2 "Christ the Lord is risen today — British 19th Century Children's Hymns". Indiana University East. Pinoopi mantad sand̠ad ontok 22 Mansak 2018. Linoyog ontok 22 Mansak 2018.
  20. 1 2 Mulder, John (2014). "11. Christ the Lord Is Risen Today". 28 Hymns to Sing before You Die. Wipf and Stock Publishers. ISBN 978-1630874117.
  21. ↑ "Hymn story, Christ the Lord Is Risen Today". Sermonwriter.com. 18 Mikat 2016. Linoyog ontok 13 Milatok 2018.
  22. ↑ Christ the Lord is risen today - John Rutter. The Cambridge Singers Hymn Series. Oxford University Press. Mahas 2016. ISBN 978-0-19-341655-0. Linoyog ontok 21 Mansak 2018.

Pambasaan potilombus

[simbanai | simbanai toud]

Noputan labus

[simbanai | simbanai toud]
Naanu mantad "https://dtp.wikipedia.org/w/index.php?title=Christ_the_Lord_Is_Risen_Today&oldid=24079"