Comhairle na nÓg
Comhairle na nÓg (Boros Inggilis: youth council) nopo nga majlis komulakan i haro id 31 kinoyonon id Ireland, i manahak do kosiwatan kumaa komulakan id Ireland do mampayat id suang koburuon perkhidmatan om dasar kinoyonon. Comhairle na nÓg nopo nga montok komulakan kiumul 12 gisom 18 id suang pondidikan pintangaan om manahak diolo liwang popokomi kokomoi isu, dasar om perkhidmatan i mamarahung diolo id kinoyonon sondii tu aiso mekanisme kopomilian diolo montok popokomi tua' pomusarahan diolo.[1]
Popotounda ii do platform montok komulakan do mitimbungak kokomoi kobolingkaangan nasional om kinoyonon i oponsol montok diolo.
Nookunan o Comhairle na nÓg sabaagi struktur nokoimagon do Porinta Ireland montok pakawasa komulakan do mampayat doid koburuon dasar om perkhidmatan. Ahal nopo diti nga ingkaa mooi kohompit o komulakan montok mombontuk dsar om nogi perkhidmatan.[2]
Sajara
[simbanai | simbanai toud]Koponuridangan
[simbanai | simbanai toud]Ontok toun 2002, tinuridong o Comhairle na nÓg do City and County Development Boards id monikid 32 kinoyonon puru kikuasa kinoyonon, sabaagi soboogian mantad Strategi Tangaanak Kabansaan (National Children's Strategy). Minonuridong o Jabatan Tangaanak om Hal Ehwal Komulakan toi ko' The Department of Children and Youth Affairs (DYCA) do Comhairle na nÓg montok manahak kosiwatan kumaa komulakan montok momonsoi kosimbanon id kinoyonon wilayah diolo.
Pongintangan 2005 do DYCA
[simbanai | simbanai toud]Iso pongintangan kawagu do Comhairle na nÓg, i pinatahak do Upis Montiri montok Tangaanak om Hal Ehwal Komulakan toi ko' Office of the Minister for Children and Youth Affairs (OMCYA) nakaanu pongintangan do ogumu mantad 31 Comhairle na nÓg id Ireland i au kibagas id suang popohompit do komulan. Pongintigasan ruputan dii okito id siriba.
"koubasanan pointongkop pogun nopo nga mogisuai-suai om atalang kopio ii, doid kualiti abaabayan Comhairle na nÓg om nogi ginumu mogititimung o komulakan montok popokomi pomuandaman diolo om nogi papatantu orongou ii"
Ahal nopo diti nga nokopogowit do koponuridangan Tinimungan Papapanau Comhairle na nÓg (Comhairle na nÓg Implementation Group) ontok Mahas 2006, moi do koindalan o Comhairle na nÓg miampai kibagas.
Dáil na nÓg
[simbanai | simbanai toud]Papaanjul o kotinanan diti do Dáil na nÓg, ii no Pitimungan Komulakan Kabansaan id Leinster house monikid toun. Puru nopo dau nga mongobi kinoyonon kopomilian Dáil id suang sesi pleno.[3]
Persidangan Komulakan Monikid Toun
[simbanai | simbanai toud]Monikid toun, papaharo o monikid Comhairle na nÓg do Persidangan Komulakan Tikid Toun toi ko' Annual Youth Conference (AYC) ontok wulan Manom toi ko' Gumas. Alapon oinsanan komulakan mantad sikul kinoyonon toi ko' tinimungan komulakan. Pilion iso jawatankuasa Comhairle na nÓg maya persidangan dii.[4]
Maso AYC, momili o komulakan ngaawi do uhu/topik i oponsol montok diolo. Topik nopo dii nga osiliu panatalan do jawatankuasa montok toun sumusuhut.
Sukuon
[simbanai | simbanai toud]- ↑ "Who We Are". Comhairle na nÓg (id boros Inggeris AS). 2013-04-17. Pinoopi mantad sanḏad ontok 20 October 2016. Linoyog ontok 2016-11-03.
- ↑ "About Comhairle na nÓg Comhairle na nÓg - Oifig Náisiúnta Leanai". www.dcya.gov.ie (id boros Inggilis). Pinoopi mantad sanḏad ontok 4 November 2016. Linoyog ontok 2016-11-03.
- ↑ "Dáil na nÓg 2019" (PDF). Comhairle na nÓg. Pinoopi (PDF) mantad sanḏad ontok 8 July 2022. Linoyog ontok 8 July 2022.
- ↑ "Newly-elected Comhairle na nOg council to hit the ground running". Longford Leader. 12 November 2014. Pinoopi mantad sanḏad ontok 4 November 2016. Linoyog ontok 2016-11-03.