Dango

*Dango*
	Mitarashi dango
Type	Sweets, Dumpling
Place of origin	Jepun
Main ingredients	Tapung Takano
Other information	Unicode Emoji 🍡
	Media: Dango;

Dango (団子) nopo nga iso kawo ladu' Jepun di nowonsoi mantad tapung wagas toomod om tapung wagas pulut.^[1] Kosoruan nopo, bulugoin iti om haro tolu toi ko limo tinan di porulukon id lidi, i ointutunan sabaagi kushi-dango (串団子). Akanon o dango miampai gula', sirap, pes kasang aragang, om pongomis suai. Koubasanan nopo, poinsuang o dango id kategori wagashi (taakanon koubasanan Jepun), om asaru posurungon miampai teh otomou. Akanon iti do soira nopo nga haro mogiisuusuai kawo nogi ii akanon tumanud musim pointantu. Sumoonu, piagalon o dango miampai mochi nga misuai iti tu koubasanan nopo mochi nga owonsoi mantad wagas pulut toomod no.

Iso kawo dango di popular, hanami dango, nopo nga pinosili sabaagi emoji Unicode (🍡).

Kawo

Kosoruan nopo, pungaranan o mogisuai-suai dango tumanud roso' toi ko' pomoroso di pinorolot miampai diti toi ko' kinua'an id sawat dau.^[2]

Dango popular

Anko dango (あんこ団子) nopo nga koubasanan kua'an do pes kasang aragang noomisan; kakamot suai ko' azuki nopo nga amu asaru gunoon. Topping suai kohompit no zunda (ずんだ) owonsoi mantad pes edamame om pes kurumi (walnut).
Cha dango (茶団子) nopo nga dango kiroso' teh otomou (matcha).^[3]
Shoyu dango (醤油だんご) nopo nga dango baked (yaki dango (焼き団子)) om kinua'an pomoroso kisap soya. Suai ko iri, ii nopo nolopot miampai nori nga lohoon sabaagi isobe dango (磯辺団子).
Hanami dango (花見だんご) ointutunan nogi sabaagi sanshoku dango (三色団子) nopo nga akanon mamaaso hanami. Haro tolu wotik (buragang, opurak om otomou), om koubasanan owonsoi maamaso timpu kopogintangan do sakura, iri pogi nolodi ngaran dau (hanami kirati "mintong tusak"; hana kirati "tusak", om mi kirati "mintong"). Nuludan do ladu' kiwotik diti nopo nga sumuku kumaa nuludan kopongusakan do sakura. Buragang sumuku kumaa cherry buds, opurak sumuku kumaa sakura nosukod, om otomou sumuku kumaa roun sakura alapas naratu. Nopili nogi iti sabaagi emoji Unicode do Dango,🍡.
Kibi dango (きび団子) nopo nga iso kawo dango ii nowonsoi mantad tapung millet. Kawo diti ointutunan maya susuya Momotarō, songulun boyoon tongoulun Jepun di manahak buul obulugu (amu rulukon do lidi) kumaa tolu tayam di milo mimboros sabaagi pialanan montok mokianu kouhupan diolo sumangod do rogon.
Kinako dango (きなこ団子) nopo nga owonsoi matnad tapung soya nolugu.
Kusa dango toi ko' yomogi dango (草団子 or よもぎ団子)nopo nga owonsoi mantad piralatan roun yomogi, miagal kusa mochi.Asaru iti kua'an do anko (pes kasang aragang oomis).
Mitarashi dango (みたらし団子) nopo nga kua'an do sirap i owonsoi mantad shouyu shouyu (kisap soya), gula' om kanji.
Sasa dango (笹団子)nopo nga owonsoi om aakan loolobi po id Wilayah Niigata. Haro duo kawo do Sasa dango: onna dango om otoko dango. Onna dango (maya literal kirati "dango tongoondu") kisuang do anko (pes kasang aragang oomis), om otoko dango (maya literal kirati "dango kusai") kisuang kinpira (rapaon di noonsok maya tumis-oomis, koubasanan lubak om burdock). Lopoton o dango diti do roun sasa montok pengawetan.
Shiratama dango (白玉だんご) nopo nga akanon id anmitsu toi ko' mitsumame.
Tsukimi dango (月見だんご) nopo nga dango opurang ii akanon ontok Tsukimi, kohompit do festival Mid-Autumn.

Variasi dango suai

Botchan dango (坊っちゃん団子) nopo nga haro tolu wotik. Iso owotikan do kasanga aragang, duo mantad tontolu om kotolu mantad teh otomou. Botchan dango nogi nga ngaran proguk do miyagegashi di Ehime miyagegashi, id hombo pinungaranan alapas Botchan sinuat di Natsume Sōseki.
Chichi dango (乳団子) nopo nga oomis tokuri, taakanon agaan om akanon sabaagi dessert.
Denpun dango (でんぷん団子) mantad Hokkaido nopo nga owonsoi mantad tapung kantang om onsokon miampai kasang oomis di notonok.
Kuri dango (栗だんご) nopo nga kinua'an do pes kasang chestnut.
Niku dango (肉団子) nopo nga iso kawo meatball Jepun.^[4] Manuk niku dango nopo nga lohowon sabaagi tsukune, om akanon momoguno lidi.

Istila nokoinlaab

Tukadan Jepun, "hana yori dango" "hana yori dango" (花より団子, maya literal, "dango lobi ko' tusak")nopo nga sumuku kumaa momonsol do guamaon praktikal ko' kolumison toi ko' estetika.

Iso woyo tobuk id hombo timbuku nopo nga koyo-yo do dango id koduo-duo sampaping do tulu nopo nga sumoonu lohoon sabaagi odango.

Dorodango nopo iso bontuk inus Jepun id hombo tana' om waig nopo nga bontukon mooi do kaasil o sfera aalus om oluninang, koyoyo' do buul biliard.

Id Vietnam

Bánh hòn nopo noga dessert poimbida mantad Phan Thiết. Owonsoi o kui diti mantad tapung mundok, piasau, kasang tana nolugu, silaon om gula'. Opongo nopo, maan kua'ai do parut piasau id sawat om porulukon id lidi miagal dango Jepun. ^{[citation needed]}

Karakter unicode

Karakter emoji Unicode 🍡 nopo nga mongobi hanami dango. Karakter diti pinontutun ontok Oktober 2010.^[5]

Intangai nogi

Jian dui
Wagashi, taakanon koubasanan Jepun

Sukuon

↑ 大辞林第三版「だんご〔団子〕」- コトバンク 2020年4月3日閲覧
↑ Rachel (April 14, 2008). "Dango Digest: A Thorough Look at Japanese Dumplings, Part Two". theanimeblog.com. Pinoopi mantad sand̠ad ontok 2008-09-15.
↑ "Wagashi: Chadango and Minazuki". June 29, 2008. Linoyog ontok 2009-03-28.
↑ "Niku Dango - Sumo Kitchen". Sumokitchen.com. Linoyog ontok 21 December 2017.
↑ "Unicode Character 'DANGO' (U+1F361)". Fileformat.info. Linoyog ontok 2017-03-02.

[1] 大辞林第三版「だんご〔団子〕」- コトバンク 2020年4月3日閲覧

[2] Rachel (April 14, 2008). "Dango Digest: A Thorough Look at Japanese Dumplings, Part Two". theanimeblog.com. Pinoopi mantad sand̠ad ontok 2008-09-15.

[3] "Wagashi: Chadango and Minazuki". June 29, 2008. Linoyog ontok 2009-03-28.

[4] "Niku Dango - Sumo Kitchen". Sumokitchen.com. Linoyog ontok 21 December 2017.

[5] "Unicode Character 'DANGO' (U+1F361)". Fileformat.info. Linoyog ontok 2017-03-02.

[1]

[2]

[3]

[4]

[5]