Dataran Wenceslas

Dataran Wenceslas
Dataran Wenceslas
Dataran Umum
	Kopokitanan do Dataran Wenceslas
Features	Patung Saint Wenceslas; Muzium Pogun; zon wayaan mamanau gakod; Kakadayan; kadai; hotel;
Location	Prague, Repbulik Czech

Dataran Wenceslas (Czech: Václavské náměstí^ⓘ [ˈvaːtslafskɛː ˈnaːmɲɛstiː], boros sangaangadau do Václavák [ˈvaːtslavaːk]; Jerman: Wenzelsplatz) nopo nga iso dataran tapangkal om longkod komuniti pomudagangan om koubasanan id New Town, Prague, Republik Czech. Ogumu kinaantakan kisajara nokoindalan do hiti, om kinoyonon diti nopo nga kikowoowoyoon do koubasanan montok demonstrasi, karamayan om pitimungan awam di suai. Iti nogi nga iso kinoyonon miampai soborongon tulun mamanau bobos atangkangau id pointongkop pogun.^[1] Dataran diti nopo nga pinungaranan momoguno do ngaran di Saint Wenceslas, santo momuruan do Bohemia. Iti nopo nga soboogian mantad do longkod kisajaran Prague, Tapak Tinungkusan Pomogunan.^[2]

Di pogulu po, otutunan sabaagi Koňský trh (Pasar Kuda), gama do toodopon soroinsan-insan do pasar kuda maamaso Timpu Pintangaan, pinungaranan kawagu iti sabaagi do Svatováclavské náměstí (Boros Inggiris: Saint Wenceslas square) di toun 1848 maya sogu di Karel Havlíček Borovský.

Kowoowoyoon

Dataran Wenceslas i okoro mantad ko' iso boulevard nopo nga kibontuk do apat pasagi di anaru (750 m, ginayo nopo nga 45,000 m2), id ponong Koibutan Kotonobon - kabaatan kosilahon. Ralan poinruhuk kumaa ponong kabaatan kosilahon. Id dompok dii, ralan nopo nga naanu do Muzium Pogun Czech neoklasik i tagayo. Dompok do koibutan kotonobon nopo nga kolimpantai do piolitan montok Kakadayan Wagu om Kakadayan Laid.

Sajara

Antakan di toun 1348, Raja Bohemia, i Charles IV nopo nga minongimpohon do Kakadayan Wagu Prague. Palan diti nopo nga kohompit no do piipiro kinoyonon poingukab montok pasaran, hinonggo i koduo bobos tagayo nopo nga Koňský trh, toi ko' Pasar Kuda (i bobos tagayo nopo nga Dataran Charles). Id koompokon do kabaatan kosilahon do Gerbang Kuda, iso totobon nopo nga id limput do Kakadayan Wagu.

Di pogulu po, Patung Saint Wenceslas nopo nga poingkakat id taatanga do Dataran Wenceslas, miinsomok do Grandhotel Evropa, pinoundaliu id Vyšehrad di toun 1879. Maamaso Koingkakatan Kabansaan Czech id gana Czech Austria-Hungary di abad ko-19, ngaran di lobi abantug montok ralan dii nopo nga pinokianu. Maamaso dii, pinungaranan kawagu o dataran dii om Patung Saint Wenceslas i wagu winonsoi di toun 1912.

Antakan di 28 Gumas 1918, minambasa i Alois Jirásek o pongisytiharan kagabasan Czechoslovakia id dumbangan do patung Saint Wenceslas.

Maamaso Krisis Mikat 1938, dataran diti nopo nga kinoyonon demonstrasi tagayo montok mangada do pokionuon Nazi Jerman kumaa Sudentenland om dasar-dasar magada do Sekutu Republik Czech Kumoiso, i United Kingdom om Perancis.^[3] Id siriba do Protektorat Bohemia om Moravia, tinimungan mogiigion do Nazi momoguno do ralan montok demonstrasi tagayo diti. Maamaso Pemberontakan Prague di toun 1945, piipiro bangunan miinsomok do Muzium Pogun nopo nga naraag om nsinolianan do gedung serbaneka.

Antakan di 16 Milatok 1969, mokiikinobos Jan Palach nopo nga minonutud tinan dau sondii id Dataran Wenceslas montok mangada pencerobohan Pakatan Warsaw kumaa Czechoslovakia di toun 1968.

Maamaso di 28 Gomot 1969, tinimungan hoki ais kabansaan Czechoslovakia minangala do tinimungan USSR montok kumoinduo id suang do Piaalan Sompomogunan Hoki Ais toun dii, Gama do Republik Sosialis Czechoslovakia nopo nga kakal id siriba do ponjajahan Soviet,kinalantayon diti nopo nga pinopoimbulai do karamayan di agayo. Lobi kuang 150,000 tulun tinumimung id Dataran Wenceslas, om pioduhan miampai pulis nopo nga nokoinggayo, Sontinimungan provokator minanagod do upis Prague montok syarikat ponuludan Soviet Aeroflot, i poinladsong id ralan. Vandalisme kifungsi sabaagi ponokosabap montok tisuli om timpu i lohowon sabaagi normalisasi.

Antakan di toun 1989, maamaso Revolusi Velvet, demonstrasi tagayo (miampai hatusan ribu tulun toi ko' lobi) nopo nga pinaharo do hiti.

Dataran Wenceslas nopo nga noponu do hotel, upis, kadai runcit, gerai poninggalanan tusin om kadai taakanon tosikap. ogumu nogi kelab jalur id posorili do Dataran Wenceslas. Dataran Wenceslas nogi nga iso kinoyonon di otutunan kopio montok manaandak do Toun Wagu, kinoyonon suai di otutunan nogi nga id teres miinsomok do bawang. Pasar Krismas (Vánoční trhy) nogi nga pohoroon do hiti monikid toun mantad kotimpuunon do wulan Momuhau gisom do minggu kumoiso wulan Milatok.

Pamansayan Kawagu

Pamansayan kawagu Dataran Wenceslas nopo nga pinoindalan mantad po di toun 2020. Boogian siriba nopo nga nopongo di toun 2023. Pamansayan boogian sawat wagu (mantad ralan Vodičkova) nopo nga impuunan ontok Madas 2024. Kahangkum iti do wayaan mamanau gakod di lobi alaab, trek trem, wayaan bosikol, lorong wagu om mongingkuri do liwang montok wayaan do sasakayon kimutu. Opongo iti miampai poimponu maamaso timpu alasu 2027.^[4] Kos montok pamansayan kawagu diti nopo nga lobi kuang 1.24 bilion mahkota Czech.^[5]

Inus om inus winonsoi

Wayaan trem om boogian koibutan kotonobon do dataran

Duo mercu tanda Dataran Wenceslas i otolinahas kopio poinladsong id kabaatan kosilahon, dompok do nulu: Bongunan Muzium Pogun 1885–1891, i winonsoi do arkitek Czech, i Josef Schulz, om patung Wenceslas.

Bongunan signifikan suai id dataran dii nopo nga kohompit no do:

Bongunan upis om longkod pomoomolian Antonin Pfeiffer om Matěj Blecha "Palác Koruna", #1–2, 1912–1914, miampai do arca inus winonsoi di Vojtěch Sucharda

"Bongunan Lindt" Ludvík Kysela, No. 4, karya tosopung do inus winonsoi konstruktivisme

kadai kasut BAŤA, No. 6, 1929
Matěj Blecha om Emil Králíček "Adam Pharmacy", No. 8, 1911–1913

"Bongunan Peterka" Jan Kotěra, No. 12, 1899–1900

"Hotel Juliš" sanganu di Pavel Janák, No. 22, 1926

"Hotel Evropa" Alois Dryák, #25–27, 1872, 1905 reka bontuk kawagu, miampai pongukir inus winonsoi Ladislav Šaloun
"Walai Wiehl" Antonin Wiehl, No. 34, 1896

"Bongunan Melantrich", No. 36, 1914, hinonggo i Alexander Dubček om Václav Havel nokoulai miampai id balkoni di wulan Milau 1989, ababayan tapangkal do Revolusi Velvet

"Hotel Adria",^[6] No 26, winonsoi kawagu di toun 1912, pinojual di 1918 kumaa di František Tichý, Teater Burian (1925–1928)

Sakayon

Wayaan A Metro Prague nopo nga id siriba do Dataran Wenceslas, om duo stesen Metro bobos atangkangau, Muzeum (wayaan A om C) om Můstek (wayaan A om B), nopo nga haro wayaan sumuang id ralan. Maamaso di, trem nopo nga katalib do dataran. Wayaan trem nopo soninaru apat pasagi nopo nga pinoundaliu di toun 1980; sogu montok popointutun kawagu do wayaan trem nopo nga nosokodung, om pamansayan kawagu nokotimpuun di toun 2024.^[7] Kogumuan do ralan nopo nga poingukb kumaa wayaan korita, nga id dompok do koibutan kotonobon nopo nga wayaan do mamanau gakod mantad po di toun 2012.^[8]

Sukuon Sastara

Iso kadai tiinumon id dataran, Golden Goose, noroitan id Franz Kafka's Amerika, sabaagi iso kinoyonon hinonggo kumalaja i Manageress pogulu dii.
Dataran Wenceslas nopo nga ngaran do dram teater di Larry Shue, poinladsong id Prague.
Dataran Wenceslas nopo nga ngaran susuyan i sinuat di Arthur Phillips, i nokoindalan id Republik Sosialis Czechoslovakia antakan di koompokon Pisangadan Dingin. Susuyan diti nopo nga nokosoliwan id kompendium Wild East: Stories from the Last Frontier,^[9] i pinokito id episod ko-337^[10] palan rodiu WBEZ This American Life.
"Wenceslas Square" nopo nga pinokito id filem toniba Marc Adnitt "You Want Christmas?" antakan di wulan Momuhau 2008.

Sukuon

↑ "Tepnou pěší dopravy v Praze je horní část Václavského náměstí. Za hodinu tam projde přes 4 tisíce lidí". iROZHLAS (id boros Czech). 11 Magus 2019. Linoyog ontok 21 Magus 2019.
↑ "Historic Centre of Prague - World Heritage Site - Pictures, info and travel reports". Pinoopi mantad sand̠ad ontok 15 Milatok 2004. Linoyog ontok 30 Ngiop 2016.
↑ Bouverie, Tim (2019). Appeasement: Chamberlain, Hitler, Churchill, and the Road to War (1 ed.). New York: Tim Duggan Books. p. 256. ISBN 978-0-451-49984-4. OCLC 1042099346
↑ "Rekonstrukce Václavského náměstí v Praze se prodraží až o 109 mil. Kč". ČeskéNoviny.cz (id boros Czech). Linoyog ontok 15 Mikat 2021.
↑ "Stavba nové tramvajové trati na Václavském náměstí začne na konci června". Pražský patriot (id boros Czech). Linoyog ontok 15 Ngiop 2024.
↑ "Hotel with rich history in Prague center". www.adria-hotel.cz.
↑ Soukup, Jaroslav (12 Manom 2022). "Návrat tramvají na Václavské náměstí se blíží. Dopravní podnik vypsal zakázku". Novinky.cz. Linoyog ontok 26 Milatok 2023.
↑ "Nejezděte na Václavák, je pěší zónou". Praha.eu. Linoyog ontok 23 Mansak 2020.
↑ Fishman, Boris (21 Mansak 2003). Wild East: Stories from the Last Frontier. Justin, Charles & Co. ISBN 978-1-932112-15-3.
↑ "This American Life". Pinoopi mantad sand̠ad ontok 11 Gumas 2007.

Lazarova, Daniela (27 November 2004). The Changing Face of Wenceslas Square Radio Praha.
Stankova, Jaroslava, et al. (1992) Prague: Eleven Centuries of Architecture. Prague: PAV. ISBN 80-900003-1-2.

Noputan labus

Wenceslas Square in Prague
Media related to Wenceslas Square at Wikimedia Commons

50°04′53″N 14°25′39″E / 50.08139°N 14.42750°E / 50.08139; 14.42750

[1] "Tepnou pěší dopravy v Praze je horní část Václavského náměstí. Za hodinu tam projde přes 4 tisíce lidí". iROZHLAS (id boros Czech). 11 Magus 2019. Linoyog ontok 21 Magus 2019.

[worldheritagesite2-2] "Historic Centre of Prague - World Heritage Site - Pictures, info and travel reports". Pinoopi mantad sand̠ad ontok 15 Milatok 2004. Linoyog ontok 30 Ngiop 2016.

[3] Bouverie, Tim (2019). Appeasement: Chamberlain, Hitler, Churchill, and the Road to War (1 ed.). New York: Tim Duggan Books. p. 256. ISBN 978-0-451-49984-4. OCLC 1042099346

[4] "Rekonstrukce Václavského náměstí v Praze se prodraží až o 109 mil. Kč". ČeskéNoviny.cz (id boros Czech). Linoyog ontok 15 Mikat 2021.

[5] "Stavba nové tramvajové trati na Václavském náměstí začne na konci června". Pražský patriot (id boros Czech). Linoyog ontok 15 Ngiop 2024.

[6] "Hotel with rich history in Prague center". www.adria-hotel.cz.

[7] Soukup, Jaroslav (12 Manom 2022). "Návrat tramvají na Václavské náměstí se blíží. Dopravní podnik vypsal zakázku". Novinky.cz. Linoyog ontok 26 Milatok 2023.

[8] "Nejezděte na Václavák, je pěší zónou". Praha.eu. Linoyog ontok 23 Mansak 2020.

[9] Fishman, Boris (21 Mansak 2003). Wild East: Stories from the Last Frontier. Justin, Charles & Co. ISBN 978-1-932112-15-3.

[10] "This American Life". Pinoopi mantad sand̠ad ontok 11 Gumas 2007.

[1]

[2]

[3]

[4]

[5]

[6]

[7]

[8]

[9]

[10]

Authority control databases
International	VIAF
National	Germany Czech Republic