Emily Stowe
Emily Stowe | |
|---|---|
 | |
| Kinosusuon | Emily Howard Jennings Mikat 1, 1831 Norwich Township, Oxford County, Ontario |
| Tadauwulan minidu pogun | Ngiop 30, 1903 (umul 71) |
| Momogun | Canadian |
| Pondidikan | New York Medical College for Women |
| Kalaja | |
Emily Howard Stowe (née Jennings; Mikat 1, 1831 – Ngiop 30, 1903) nopo nga dokutul Kanada om nogi dokutul tondu koiso ii noluda id Kanada, dokutul kilisin koduo id Kanada om songulun aktivis montok hak koonduan om hak mongundi. Minonguhup ii Stowe do monoodo gura hak mongundi koonduan id Kanada om kumimpin montok kolej koubatan konduan koiso id pogun dii.[1]
Koposion gulu
[simbanai | simbanai toud]Nosusu i Emily Howard Jennings id Bandar Norwich, Oxford County, Ontario, sabaagi songulun mantad onom tanak tondu do manaananom i Hannah Howard om Solomon Jennings.[2] Soira do minindaliu i Solomon kumaa do Methodism, Hannah (ii notudukan id seminari Quaker id Amerika Syarikat) nopo nga pinapagayo do tanak tondu dau sabaagi Quaker id suang komuniti ii mongunsub koonduan do magaanu boogian om monorimo do pondidikan. Suminikul isido id walai di Stowe om limo tadi tondu dau om minongia diolo do kabaalan momolingos herba.[2] Kopongo do mongia id sikul momogun solinaid turu toun, goos awam montok mamagampot do kesaksamaan montok koonduan nopo nga nokoimpuun ontok do toun 1852, soira minangapalai isido do sumuang id Kolej Victoria, Cobourge, Ontario. Miampai magada do sabab isido nopo nga tondu, minangapalai isido kumaa do Sikul Normal montok Kanada Sawat, ii ontok kawaawagu dii nopo nga pongasas nopo nga ii Egerton Ryerson id Toronto. Suminuang isido hilo ontok Milau 1853 om nakalantoi miampai kepujian kalas koiso ontok toun 1854.[3] Naanu isido sabaagi pongotua iso sikul awam do Brantford, Ontaria om isido nopo nga tondu koiso ii nosiliu do pongotua id sikul awam di Kanada Sawat. Minongia isido do hilo gisom do nakasawo ontok toun 1856.
Suminawo isido di John Fiuscia Michael Heward Stowe ontok toun 1856. Turu toun sumusuhut, kiwaa tolu tanak dau: duo tanak kusai om songulun tanak tondu. Au alaid mantad kinosusuon tanak kotolu diolo dii, suminakit o sawo dau do batuk kering, gisom do pinopoingkawas o korohian dau id gana koubatan. Soira kiwaa koinganan miampai tubat-tubat do herba om koubatan homeopati mantad toun 1840-an, tuminingkod i Emily Stowe do mongia om minomili montok sumiliu songulun dokutul.[3]
Koposion sondii
[simbanai | simbanai toud]Ontok do mongondos yau do tinan sondii sabaagi do Quaker gisom 1879, nosiliu isido do songulun Unitarian ontok toun 1879 om tuminindapou id Jemaah Unitarian Koiso id Toronto.
Legasi
[simbanai | simbanai toud]Stowe nopo nga pongotua sikul awam tondu do koiso id Ontario, dokutul tondu koiso ii pinapaharo koubatan id Kanada om nakalantoi koiso id koposion do hak koonduan ii nokoponguhup monoodo do Piisaan Hak Mongundi do Koonduan Kanada.[4]
Sikul tosiriba awam id kokompungan do Bandar Norwich (Sikul Awam Emily Stowe) om Courtice, Ontario nopo nga pinungaranan mihondot do ngaran dau.[5] Iso longkod mongumolig koonduan id Toronto, kanada, nogi nga pinungaranan kopihondot do ngaran dau. [6]Ontok 2018, nalantik isido id suang do Diwan Kemasyhuran Koubatan Kanada.[7]
Sukuon
[simbanai | simbanai toud]- ↑ "Dr. Emily Howard Stowe". Library and Archives Canada. July 21, 2008. Pinoopi mantad sand̠ad ontok February 17, 2015. Linoyog ontok March 15, 2013.
- ↑ 2.0 2.1 Raymond, Katrine (Milau 7, 2019) [Originally published 1 Ngiop 2008]. "Emily Stowe | The Canadian Encyclopedia". Linoyog ontok Ngiop 30, 2024.
- ↑ 3.0 3.1 "Dr. Emily Howard Stowe". Library and Archives Canada. Madas 21, 2008. Arkib mantad do tadon. ontok Mansak 17, 2015. Linoyog ontok Gomot 15, 2013.
- ↑ "Emily Stowe MD | Canadian Medical Hall of Fame". www.cdnmedhall.org. Arkib mantad do tadon ontok mansak 24, 2021. Linoyog ontok Mansak 27, 2021.
- ↑ "Dr. Emily Stowe Public School"/ emilystowe. kprdsb.ca. Linoyog ontok do Manom 5, 2022.
- ↑ George Haim (Milau 5, 2016). "For Kay Blair, giving back was 'part of her DNA': Obituary". Toronto Star. Linoyog ontok Gomot 30, 2019. "Her experience gave her a special insight when she later become a counsellor at the Emily Stowe Shelter for Women."
- ↑ "Emily Stowe, MD | Canadian Medical Hall of Fame". www.cdnmedhall.ord. Arkib mantad do tadon ontok Momuhau 24, 2019. Linoyog ontok Momuhau 24, 2019.