Esther Hart
 | This article has multiple issues. Please help improve it or discuss these issues on the talk page. (Learn how and when to remove these template messages)
|
Esther Hart | |
|---|---|
 Esther (at the right) with her husband, Benjamin (who disappeared aboard the Titanic) and her daughter Eva | |
| Kinosusuon | 13 Mikat 1863 |
| Tadauwulan minidu pogun | 7 Manom 1928 (umul 65) |
| Sawo | George Brooke
(m. 1881; died 1890)Benjamin Hart
(m. 1900; died 1912) |
| Tanak | 10, including Eva Hart |
Esther Ada Hart (née Bloomfield; 13 Mikat 1863 – 7 Manom 1928) nopo nga songulun tondu di nokoidu mantad kaantakan nolonod do Titanic. Yau, sawo dau Benjamin om tanak tondu diolo, Eva manganu koutuson montok mion id Canada tu taang koposion di lobi akawas. Suminakai paganakan Hart do Titanic ontok 10 Ngiop 1912 suang kapamanahan kumoiso kumaa New York City sabaagi tutumanud taang koduo.
Koposion pogulu
[simbanai | simbanai toud]Nokosusu i Emily Esther Louisa Bloomfield ontok 13 Mikat 1863 id Stockwell, Surrey, England mantad molohing dau George Bloomfield om Esther Bloomfield (née Hayes).
Solinaid pisasawaan dau di kumoiso, pinosusu i yau soginumu siam tangaanak, nga toinsanan tanak dau minidu pogun namot omulok po. Minidu pogun nogi id George Brook ontok pogulu toun 1890.
Suminawo yau kawagu miampai Benjamin Hart (nokosusu 1864) ontok timpu magadau toun 1900. Mantad piupusan dii nakaanu yolo songulun tanak tondu, Eva di nosusu ontok 31 Milatok 1905.
Titanik
[simbanai | simbanai toud]Kumanggau yau kokomoi kapal dii, haro topurimanan do koingkawasan tinan id posorili miagal do 'sumaap kuasa Kinorohingan" om haro "isoiso di kororosi" otimbabaon papasabab amu korikot id New York.
Mantad pomusarahan dii, amu yau koodop solinaid totuong dii. Mantad dii, poimposik yau totuon di miampai momoguno bangkad di ogonop, om kotounda monimbaba "kaantakan di kororosi" mantad di nopurimanan dau.[1]
Minodop yau ontok tangadau. Mantad dii, kaanu yau poimposik namot nakatahub kapal di do ais tagayo ontok totuon 14 Ngiop om nopurimanan gura di oluhoi. Otumbayaan dau do iti nopo nga toud topurimanan kumanggau dau. Minonuhu yau di Benjamin montok mooi intong. Tumanud tanak diolo, Eva, Benjamin gumuli kawagu maya aiso boros om kotilombus mogowit paganakan dau sumoliwan mantad kabin. Sumakai paganakan Hart id geladak, om Esther miampai Eva sumakai bot monguguhup 14, mulong pia ugudi nga nolonod i Benjamin miampai di kapal.
Nokotongkiad i Esther om Eva soira tulun id bot diolo pinodalin id bot suai. Sumusuhut, nokouhup yolo di Carpathia.
Minion yolo id New York pogulu gumuli kawagu id England.
Koposion kalapas
[simbanai | simbanai toud]Mion i Esther om Eva id Chadwell Heath, misomok London miampai mologin di Esther. Minidu pogun i Esther Hart ontok 7 Manom 1928 id Romford, London, England ontok umul 65 toun. Otumbayaan yau om tanak dau, Eva do Titanik nabaagi kumaa duo pogulu nolodon, ogumu tulun amu otumbayaan gisom norubaan kapal dii ontok toun 1985.
Ontok 26 Ngiop 2014, iso surat di sinuat di Esther ontok tadau dii pinodagang miampai gatang £119,000. Norubaan kawagu surat dii id pakit jaket di natahak sawo dau. Noruput do iri nopo nga komunikasi tohuri mantad RMS Titanic.
Sukuon soliwan
[simbanai | simbanai toud]- Media related to Hart family (Titanic) at Wikimedia Commons
- ↑ Altner, Sandi (25 March 2012). "Titanic Survivor Esther Bloomfield Hart Recalls Tragic Sinking". Ravenscraig. Linoyog ontok 8 July 2013.