Pergi ke kandungan

Fethiye

Coordinates: 36°39′5″N 29°7′23″E / 36.65139°N 29.12306°E / 36.65139; 29.12306
Mantad Wikipedia
article nopo diti nga kokomoi the city and district of Muğla Province. For other uses, see Fethiye (disambiguation).

Fethiye
Settlement
Official logo of Fethiye
Logo
Pata popokito do Watas Fethiye id Muğla Province
Pata popokito do Watas Fethiye id Muğla Province
Fethiye is located in Turkey
Fethiye
Fethiye
Location in Turkey
Fethiye is located in Turkey Aegean
Fethiye
Fethiye
Fethiye (Turkey Aegean)
Coordinates: 36°39′5″N 29°7′23″E / 36.65139°N 29.12306°E / 36.65139; 29.12306
CountryTurkey
ProvinceMuğla
Government
Area
875 km2 (338 sq mi)
Populasi
 (2022)[2]
177,702
 • Ketumpatan200/km2 (530/sq mi)
Time zoneUTC+3 (TRT)
Postal code
48300
Area code0252
Websitewww.fethiye.bel.tr

Fethiye (Turkish pronunciation: [ˈfethije]) nopo nga iso kakadayan tagayo om watas id Wilayah Muğla, Turki.[3] Ginayo do watas diti nopo nga 875 km2,[4] miampai populasi soginumu 177,702 tulun di toun 2022.[2] Iti nopo nga iso ririkoton do tutumombului di bobos otutunan kopio id Turkish Riviera.

Sajara

[simbanai | simbanai toud]
Pata kisaja do Fethiye mantad di Piri Reis

Di pogulu, otutunan o Fethiye sabaagi do Makri.[5][6] Fethiye Nokoburu nopo nga poinladsong id kinoyonon kakadayan nokodori Telmessos, hinonggo bagas dau nopo nga milo intangan mantad do kakadayan miagal do Hellenistik teater id disan do dermaga tapangkal.

Legenda Lycian nopo nga popotolinahas do kinoanuan do ngaran Telmessos: Dewa Apollo nopo nga muhang do tanak tondu tohuri di Raja Phoenicia, Agenor. Sinumiliu isio do songinan tasu tokoro om minokianu do lisi mantad tanak tondu di obintingayaman. Kalapas nokohino kawagu isio sabaagi do songulun kusai di awantang, nakaanu yolo do songulun tanak kusai i pingungaranan do i 'Telmessos' (pogun binabang).[minog do kisukuon]

Nokosiliu o kakadayan tagayo diti do soboogian mantad Empayar Parsi kalapas kinosuangon di jonorol Parsi, i Harpagos maamaso di 547 Sm, miampai do kakadayan Lycian om Caria. Miniamung i Telmessos do Koisaan Attic-Delos i pinohimagon maamaso pintangaan abad ko-5 SM. Sinumoliwan isio do koisaan dii om nokosiliu sabaagi iso kakadayan di obibas, nga kakal po popotilombus do piromutan miampai koisaan dii gisom abad ko-4 SM.[minog do kisukuon]

Lycian sarcophagus id kakadayan nokodori Telmessos.

Okuri kopio noilaan kokomoi kakadayan diti maamaso timpu Bynzantine. Bongunan di kakal po haro nopo nga popobukti do kotoronongon di agayo maamaso Awal Antikuiti, nga kogumuan nopo nga nangaada'an maamaso abad ko-7 gisom ko-8 gama do Pisangadan Arab-Byzantine.[minog do kisukuon] Pinagaras o kakadayan diti maamaso abad ko-8, om nokoimbulai sabaagi "Temissos toi ko' Anastasioupolis" lobi kuang 800. Miinsomok do abad ko-10, ngaran nokodori diti nopo nga noolingan om nointutunan sabaagi do Makre toi ko' Makri (Μάκρη, "anaru"), mantad ngaran pulou id wayaan sumuang do tuundorongon kapal rahat. [5] Kiwaa tanda kotoronongon i noinwoguan maamaso abad ko-12 gisom abad ko-13: ninggayaan o tolig watu do kakadayan, luputan mantad 1106 ngaran Makre sabaagi longkod poposoliwan do miak toongi, om karya geografi mantad abad ko-13 popokito do kakadayan diti sabaagi longkod pomudagangan. Naratu o kinoyonon diti kumaa tulun Turki maamaso koompokon do abad ko-12 toi ko' koimpuunon do abad ko-13.[6]


Pinorinta o Telmessos di Anatolia beylik Menteşe tumimpuun do toun 1284, id siriba do ngaran Beskaza.

Nokosiliu iti soboogian mantad do Empayar Ottoman maamaso 1424, om lohowon sabaagi do مكرى Meğri gisom di toun 1934.[7]

Mantad 1867 gisom 1922, Meğri nopo nga soboogian do Aidin Vilayet mantad do Empayar Turki. Nokoburu o kakadayan diti maamaso abad ko-19, om kiwaa populasi Greek di agayo antakan dii.[5] Tumanud do kopiundolihon mogiigion do Greek om Turki, Greek do Makri nopo nga pinaatod kumaa Greece hinonggo nokobontol yolo do kakadayan Nea Makri (New Makri) id Greece.[5] Nion kawagu o kakadayan diti do Turk mantad Greece. Id Kayaköy di miinsomok, pogulu nopo nga Levissi, gereja Greek Ortodoks di naada'an nopo nga kakal po haro.[minog do kisukuon]

Maamaso di 1934, pinungaranan kawagu o kakadayan diti kumaa Fethiye sabaagi pamantangan kumaa kapten Fethi Bey [de], songulun popotulud kapal Ottoman Air Force, i napatai (miampai di Leftenen Kumoiso Tayyareci Sadık Bey [tr]) maamaso koligaganan kapal tulun antakan di 27 Mansak 1914 id Al-Samra, maamaso pongumbalan do momongo ponuludan kumoiso mantad Istanbul kumaa Cairo.[8]

Maamaso 3 August 1953, Air France Flight 152, maamaso tindalanon mantad Rom kumaa Beirut, pinataam kumaa Teluk Fethiye id labus do Kızılada. Mantad 8 tanak kapal om 34 sinumakai do kapal, apat tulun napatai gama do nolondod. Isai i noolu nopo nga numolig do mogiigion maamaso poingion yolo id kakadayan dii.[9][10][11]

Insaru do kawaya o Fethiye do gumogor pogun di opuhod om momirumbak, lobi-lobi po do gumogor pogun Fethiye 1957 maamaso 24 gisom 25 Ngiop miampai 67 napatai om 3,200 bongunan norumbak, m iri nopo nga 90% mantad bongunan id pointongkop kakadayan.[12] Winonsoi kawagu o kakadayan diti om baino, kiwaa tuundorongon kapal rahat di nokoburu om nogi marina.

Maamaso 14 Milatok 1969, noontok kawagu o Fethiye do ginumogor pogun miampai magnitud 6.2, miampai aiso kapatayon, nga kiwaa notogu om nogi korumbakan di signifikan kumaa bongunan.[13]

Maamaso 10 Mahas 2012, ginumogor pogun miampai magnitud 6.1 minogontok kawagu do Fethiye. Aiso o kapatayon, nga haro piipiro notogu miampai ogumu walai om kinoyonon kumalaja do nongorumbak.[14]

Kotombuluyan

[simbanai | simbanai toud]

Fethiye nopo nga iso kinoyonon di otutunan kopio sabaagi longkod kotombuluyan id Turki lobi-lobi po antakan timpu talasu. Muzium Fethiye, i ogumu kopio montok artifak di nokodori om wagu nopo nga pokitonon om popobukti do kopogioput-oputan do tamadun i haro id kinoyonon dii, nokotimpuun mantad do Lycia nokodori.

Piipiro kinoyonon kisajara di osonong kopio tombuluyon nopo nga miagal do: kakadayan nokodori Kadyanda (Cadyanda), Kayaköy - kokompungan Greek di naada'an, Afkule, Gemiler om Aya Nikola. Fethiye nogi nga ponokowalai kumaa Lobong Amyntas, lobong tagayo di nowonsoi maamaso 350 SM do Lycian.[15]

The most popular tourist towns of Fethiye are: Ölüdeniz, Çalış Beach area, Hisarönü and Ovacık, Fethiye. Butterfly Valley is in the Fethiye district.

Id pulou Kızılada id Teluk Fethiye, 4 mi (6.4 km) labus do kakadayan,[16] nopo nga otutunan kopio sabaagi tuundorongon montok pimpanahan bot. Sabaagi alternatif, ogumu kinoyonon do mintolop. Afkule nopo nga iso kinoyonon di otutunan kopio montok aktiviti dii.[17] Walai Lampung Kızılada id pulou dii nopo nga kiwaa restoran taakanon rahat om asrama miampai siam linimput.[18]

  • Marina id Fethiye
    Marina id Fethiye
  • Fethiye bay by Oldypak lp photo Smirnov
    Teluk Fethiye
  • Lobong Amyntas id Fethiye.
    Lobong Amyntas id Fethiye.
  • Kotogisan Ölüdeniz id Watas Fethiye
    Kotogisan Ölüdeniz id Watas Fethiye
  • Butterfly Valley nopo nga iso kinoyonon ririkoton do tutumombului di otutunan kopio id Watas Fethiye
    Butterfly Valley nopo nga iso kinoyonon ririkoton do tutumombului di otutunan kopio id Watas Fethiye
  • Teater Telmessos – papan tanda id kinoyonon diti nopo nga popokito do iti nopo nga nakatalib do Hellenistik, miampai pantas di noruhangan maamaso c. 200 AD, niduanan miampai kakadayan, nukad di 1992-1995, miampai do kapasiti tirikohonon montok 6,0000 mogiigintong id 28 baris.
    Teater Telmessos – papan tanda id kinoyonon diti nopo nga popokito do iti nopo nga nakatalib do Hellenistik, miampai pantas di noruhangan maamaso c. 200 AD, niduanan miampai kakadayan, nukad di 1992-1995, miampai do kapasiti tirikohonon montok 6,0000 mogiigintong id 28 baris.


Komposisi

[simbanai | simbanai toud]

Kiwaa 41 sombol i Watas do Fethiye:[19]

  • Akarca
  • Babataşı
  • Bozyer
  • Cami
  • Çamköy
  • Çatalarık
  • Çenger
  • Çiftlik
  • Cumhuriyet
  • Eldirek
  • Esenköy
  • Faralya
  • Foça
  • Göcek
  • Gökben
  • Gökçeovacık
  • İncirköy
  • İnlice
  • Karaağaç
  • Karacaören
  • Karaçulha
  • Karagedik
  • Karagözler
  • Karakeçililer
  • Kargı
  • Kayaköy
  • Kesikkapı
  • Kızılbel
  • Koruköy
  • Menteşeoğlu
  • Nif
  • Ölüdeniz
  • Patlangıç
  • Pazaryeri
  • Söğütlü
  • Taşyaka
  • Tuzla
  • Yakacık
  • Yanıklar
  • Yeni
  • Yeşilüzümlü

Iklm

[simbanai | simbanai toud]

Iklim Fethiye nopo nga Iklim Mediterranean miampai timpu talasu di alasu, anaru om otu'u miampai purata 34 °C (93 °F) antakan dangadau. Kosimbanon iklim nopo nga mamarahung do suhu miampai timpu talasu di lobi alasu om otu'u kopiadang di sobolum. Timpu tosogit nopo nga osuhatan om rumasam miampai purata dangadau 16 °C (61 °F).

Klasifikasi iklim id Fethiye nopo nga Csa (Köppen)[20] om Csal (Trewartha)[21]

Climate data for Fethiye
Month Jan Feb Mar Apr May Jun Jul Aug Sep Oct Nov Dec Year
Mean daily maximum °C (°F) 16.0
(60.8) 		16.3
(61.3) 		18.9
(66.0) 		22.0
(71.6) 		26.4
(79.5) 		31.4
(88.5) 		34.3
(93.7) 		34.4
(93.9) 		31.3
(88.3) 		26.5
(79.7) 		21.1
(70.0) 		17.2
(63.0) 		24.7
(76.4)
Mean daily minimum °C (°F) 5.3
(41.5) 		5.7
(42.3) 		7.2
(45.0) 		10.1
(50.2) 		13.8
(56.8) 		17.6
(63.7) 		20.3
(68.5) 		20.2
(68.4) 		16.9
(62.4) 		13.1
(55.6) 		9.1
(48.4) 		6.6
(43.9) 		12.2
(53.9)
Average precipitation mm (inches) 159.8
(6.29) 		128.4
(5.06) 		80.1
(3.15) 		49.0
(1.93) 		25.8
(1.02) 		4.8
(0.19) 		3.1
(0.12) 		2.6
(0.10) 		17.6
(0.69) 		66.7
(2.63) 		123.3
(4.85) 		174.1
(6.85) 		835.3
(32.88)
Average rainy days 12.1 11.3 9.0 8.0 4.4 2.2 1.4 1.6 2.5 5.7 8.3 12.1 78.6
Mean monthly sunshine hours 145.7 156.8 213.9 237.0 300.7 342.0 359.6 344.1 294.0 244.9 165.0 127.1 2,930.8
Source: Devlet Meteoroloji İşleri Genel Müdürlüğü[22]

Sasakayon

[simbanai | simbanai toud]

Tutubpoon Kapal Tulud Dalaman nopo nga popotounda do sasakyon id kinoyonon do Fethiye. Sasakayon awam di koubasan id Fethiye om kinoyonon di miinsomok nopo nga baas tokoro, i otutunan sabaagi do dolmuş (dol-moosh) id Turki, om kogumuan do wayaan nopo nga popiromut do Fethiye miampai do Ölüdeniz, Yaniklar, Kargi, Hisaronu, Ovacik, Seydikemer, Karaçulha.

Kinoyonon

[simbanai | simbanai toud]

Kinoyonon metropolitan pointongkop do kakadayan tagayo Fethiye nopo nga kumaa id dusok mantad do tuundorongon kapal rahat miampai sinodu lobi ko' 11 km, popiamung do piipiro kampung kumaa id kakadayan tagayo. Id koibutan do longkod kakadayan nopo nga kinoyonon do Çalış Plajı (Pantai), i popiamung do ralan tapangkal Barış Manço Bulvarı id tisan do pimpanahan di alaab id poingompud do kotogisan, hinonggo ogumu kopio o hotel do hilo. Kifungsi o kotogisan diti sabaagi kotogisan Fethiye miampai minsoosondii, tu' Fethiye nopo nga aiso kotogisan poinsoosondii. Id boogian do kosilahon nopo nga poinladsong o kinoyonon Günlükbaşı, Çamköy, Cumhuriyet, om nogi Esenköy id kabaatan kosilahon. Longkod kakadayan nopo nga iso kinoyonon id pialatan do Marina om Pasar Fethiye miinsomok do stadium buul tandang. Lobi kuang 4 km kumaa kabaatan kotonobon om kabaatan poinsoosondii, poinlongkod id kakadayan tagayo Kayaköy om Ölüdeniz, i koduo bobos otutunan id pomogunan tu' kotogisan om Blue Lagoon di miungkait. Kosiwatan montok popoindalan do paragliding nogi nga milo powonsoyon id Nulu Babadağ id Ölüdeniz, mantad mogikaakawo syarikat sipoot ekstrem i poinladsong id kinoyonon diti.

[simbanai | simbanai toud]
  • Kopokitanan mantad longkod Fethiye
    Kopokitanan mantad longkod Fethiye
  • Muzium Seramik Fethiye
    Muzium Seramik Fethiye
  • Mangkuk seramik amas
    Mangkuk seramik amas
  • Karangan tusak laurel amas
    Karangan tusak laurel amas
  • Prasasti dwiboros
    Prasasti dwiboros
  • Patung
    Patung
  • Kakasbos
    Kakasbos
  • Lagynos
    Lagynos
  • Patung Hadrian
    Patung Hadrian
  • Patung tondu
    Patung tondu
  • Ponginlumis siliu Kuil Letoon
    Ponginlumis siliu Kuil Letoon
  • Lobong watu Lycia id Fethiye (abad ko-4 SM)
    Lobong watu Lycia id Fethiye (abad ko-4 SM)

Sukuon

[simbanai | simbanai toud]
  1. ↑ "2019 Muğla Fethiye Election Results - Turkey's March 31 Local Elections". Pinoopi mantad sand̠ad ontok 5 Ngiop 2019.
  2. ↑ 2.0 2.1 "Address-based population registration system (ADNKS) results dated 31 December 2022, Favorite Reports" (XLS) (id boros Inggilis). TÜİK. Linoyog ontok 19 Manom 2023.
  3. ↑ Büyükşehir İlçe Belediyesi, Turkey Civil Administration Departments Inventory. Retrieved 19 September 2023.
  4. ↑ "İl ve İlçe Yüz ölçümleri". General Directorate of Mapping. Linoyog ontok 19 Manom 2023.
  5. ↑ 5.0 5.1 5.2 5.3 Diana Darke, Guide to Aegean and Mediterranean Turkey, M. Haag, 1986, 296 pages. Page 165, The town grew considerably at the end of the 19th century, and until the exchange of Greco-Turkish populations in 1923 it had a large Greek population. Its name at that time was Makri in modern Greek.
  6. ↑ 6.0 6.1 Foss ", Clive; Kazhdan, Alexander P. (1991). "Makre". In Kazhdan, Alexander P. (ed.). Oxford Dictionary of Byzantium. New York; Oxford: Oxford University Press. pp. 1271–1272. ISBN 978-0-19-504652-6.
  7. ↑ Tahir Sezen, Osmanlı Yer Adları, Ankara 2017, T.C. Başbakanlık Devlet Arşivleri Genel Müdürlüğü Yayın No: 26 s.v. Fethiye, Meğri, pp. 270, 539 Archived 5 Gomot 2023 at the Wayback Machine
  8. ↑ Letter from Kibbutz Ha’On: Fallen Flyers Hadassah Magazine, 17 March 2014
  9. ↑ "F-BAZS – Constellation Air France" (id boros Perancis). Avio Techno. Linoyog ontok 13 Milatok 2016.
  10. ↑ "Rapport d'Enquête sur l'accident survenu à Fethiye (Turquie) le 3 aoǜt 1953, à l'avion Lockheed 749 A – F.BAZS, de la Compagnie Air France" (PDF). Journal Officiel de la République Française (id boros Perancis): 149–154. 16 Gomot 1954. Linoyog ontok 13 Milatok 2016.
  11. ↑ Selener, Necdet (31 Magus 1953). "Fethiye açıklarında denize inen Fransız yolcu uçağı". Milliyet (id boros Turki). Pinoopi mantad sand̠ad ontok 25 Milatok 2019. Linoyog ontok 13 Milatok 2016.
  12. ↑ "Significant Earthquakes in Turkey, 1947 – 1970". Boğaziçi University, Kandilli Observatory and Earthquake Research Center, Istanbul – Turkey. Linoyog ontok 25 Mansak 2011.
  13. ↑ "Fethiye ilçesinin deprem durumu" (id boros Turki). www.erdemyerbilimleri.com.tr. Pinoopi mantad sand̠ad ontok 1 Momuhau 2018. Linoyog ontok 14 Gumas 2021.
  14. ↑ "Akdeniz'de 6.1 şiddetinde deprem" (id boros Turki). Pinoopi mantad sand̠ad ontok 2 Milatok 2019. Linoyog ontok 20 Momuhau 2014.
  15. ↑ Berens, Kallie. "Fethiye Tomb in the Mountainside". Mysendoff.com. Pinoopi mantad sand̠ad ontok 21 Gumas 2011. Linoyog ontok 19 Gumas 2011.
  16. ↑ "Kızıl Ada Yeşile Bürünecek". Haberler (id boros Turki). 11 Milatok 2014. Linoyog ontok 16 Milatok 2016.
  17. ↑ "Fethiye-Ölüdeniz-Kızılada-Fethiye". Hürriyet (id boros Turki). Linoyog ontok 16 Milatok 2016.
  18. ↑ "Kızıl Ada'nın feneri, gezgin midelerin yeni gözdesi oldu". Sabah (id boros Turki). 30 Manom 2007. Linoyog ontok 16 Milatok 2016.
  19. ↑ Mahalle, Turkey Civil Administration Departments Inventory. Retrieved 19 September 2023.
  20. ↑ Meteocorne [1]
  21. ↑ Meteocorne [2]
  22. ↑ İl ve İlçelerimize Ait İstatistiki Veriler- Meteoroloji Genel Müdürlüğü. Dmi.gov.tr. Retrieved on 16 April 2011. Archived 10 Gumas 2011 at the Wayback Machine

Intangai nogi

[simbanai | simbanai toud]

Noputan labus

[simbanai | simbanai toud]
Naanu mantad "https://dtp.wikipedia.org/w/index.php?title=Fethiye&oldid=20196"