Galeri Pogun Prague

 

Galeri Pogun Prague (Czech: Národní galerie Praha, NGP), ii dipogulu nopo nga Galeri Nasional id Prague (Národní galerie v Praze), iso galeri inus do karajaan sanganu id Prague ii manarampas koleksi inus tagayo id Republik Czech om poposolimbou karya agung inus halus Czech om sompomogunan id kopokitanan potilombus om sementara. Koleksi galeri nopo nga okon ko poiyonon id iso bangunan, nga posolimbohon id piipiro struktur kisajara id suang bandar Prague, om koiyonon do suai. Koiyonon galeri di totos tagayo nopo nga Trade Fair Palace, ii kiwaa koleksi inus moden Galeri Pogun. Liwang kopokitanan toponsol do suai nopo nga poingiliu id Convent of St Agnes of Bohemia, Kinský Palace, Salm Palace, Schwarzenberg Palace, Sternberg Palace, om Wallenstein Riding School. Notoodo iti ontok do 1796, sabaagi iso mantad do galeri inus koizaai totos totuo id pomogunan om muzium totos tagayo id Eropah Tanga .

Sajara

Šternberk Palace id Hradčany

Sajara Galeri Nasional nopo nga nokoimpuun pompod abad kumo-18 (ii nopo nga 5 Mansak 1796), ontok do sontinimungan mobi nointutunan do bangsawan patriotik Bohemia (Kolowrat Sternbeg, Nostitz) om intelektual kalas pintangaan minaganu kootusan do popoingkawas di lohowon diolo do "topurimanan artistik di hina" do mogiigiyon. Institusi dii nopo di nga nokotorimo pamalahawan do Koisaan Tambalut Inus Patriotik ii minonoodo do Akademi Inus Halus om Galeri Kigambal. Ontok toun 1918, nosiliu o Galeri Kigambal do longkod koleksi Czechoslovakia ii wagu do nowonsoi.

Ontok toun 1995, noukaban o liwang wagu ii nodedikasi montok inus abad kumo-19 om kumo-20 id Veletržní Palác (Trade Fair Palace), ii noinwoguan om iso monumen kabansaan sabaagi bangunan fungsional totos tagayo id Prague om iso poomitanan gulu montok gaya inus pamansayan do bandar (nokoimpuun o pombinaan ontok toun 1925).

St George's Convent (Hradčany) nopo dipogulu po nga noguno montok popokito Inus Zaman Pintangaan id Bohemia om Eropah Tanga, inus barok om inus abad kumo-19 Bohemia.

Koleksi

Master Laid

• Convent of St Agnes of Bohemia (Old Town) – Inus Zaman Pintangaan id Bohemia om Eropah Tanga
• Sternberg Palace (Hradčany) – Inus Eropah mantad Purba gisom tohuri zaman Baroque
• Schwarzenberg Palace (Hradčany) – Baroque id Bohemia

Inus Abad kumo-19

• Salm Palace (Hradčany)

Inus Moden om Kontemporari

The atrium id Veletržní palác.

• Trade Fair Palace (Veletržní palác), Holešovice – kumo-19 -, kumo-20 -, om kumo-21 - koleksi totos tagayo do Galeri Pogun. Mantad 2012, Slav Epic Alfon Mucha nopo nga nokopokito do hiti.

Koleksi Sompomogunan kohompit no mogikaakawo artis miagal ko Picasso, Monet, Van Gogh, Rodin, Gauguin, Cézanne, Renoir, Schiele, Munch, Miró, om Klimt; nopo nga kogumuan sinakadai mantad koleksi puru sajara inus Vincenc Kramar.

Picasso, nopo nga kiwaa linimput di alaab montok dau sondii id galeri, i kiwaa duo potret dau do hilo om duo gambal aiso rasuk sabaagi pomoruhang kumaa karya di lobi abstrak. Karya Rodin ii nopo nga karya gulu do abad kumo-20 nopo nga minanahak bagas poinralom kumaa arca Czech solinaid do tounan kopongo dii kohompit no do iso siri patung om figura kiginayo poimponu ontok mogikaakawo subjek id suang galeri. Koleksi di laab di nopo nga kiwaa ogumu lukisan om arca Czech om Slovak, kohompit no karya di Alfons Mucha, Otto Gutfreund, František Kupka, T. F. Šimon, Rudolf Fila, Vincenc Beneš, om Bohumil Kubišta. Miampai nogi do Walai Madonna Oitom om Muzium Kampa, koleksi istana kopokitanan Perdagangan nga iso nogi koleksi Kubisme Czech di totos nointutunan id Prague. Karya dii nopo nga kohompit no Don Quixote mantad Gutfreund, Military Funeral mantad Beneš, i kiwaa mogikaakawo lukisan Kupka i kahanggum osomok no toinsanan gaya ii noumbalan dau do minomonsoi.

• House of the Black Madonna (Kota Laid) – Kubisme Czech

Koleksi Grafik

• Kinský Palace (Kota Laid)

Inus Oriental

• Kinský Palace (Old Town) – Inus Asia om Inus Pomogunan Purba

Pointalang id labus Prague

• Kinský castle Žďár nad Sázavou – Inus Baroque mantad Koleksi Galeri Pogun id Prague
• Fryštát castle in Karviná – Inus Czech abad kumo-19 mantad Koleksi Galeri Nasional id Praque

Intangai nogi

• Kointayadan muzium id Prague
• Kointayadan galeri nasional
• Kointayadan muzium inus totos tagayo

Pautan labus

• Official website
• Collections of NGP
• National Gallery Prague id Google Arts & Culture