Gargee'an
Gargee'an (Arab: قرقيعان), sumoonu ijaon sabaagi Gerga'oon (Arab: قرقاعون), nopo nga karamayan mintanga tounan[1] , i taandakon loolobi id Timur Arab. Koindalan ii ontok sodop ko-15 id suang wulan Ramadan tumanud kalendar Islam. Taandakon o karamayan diti do tangaanak om tulun nosukod miampai mamakai bangkad koubasanan om mongoi mantad walai kumaa walai montokk monorimo gula-gula om kasang mantad sombol, miampai suminding sinding tradisional. Karamayan tradisional diti taandakon do tulun Sunni om Syiah. Nokoimbulai no o tradisi diti mantad hotusan toun nakatalib om nakagamut id suang koubasanan id piipiro boogian Teluk Parsi,[2] loolobi id Iraq, Kuwait, Bahrain om Qatar.[3]
Etimologi om ngaran alternatif
[simbanai | simbanai toud]Nontodon kopio nopo do hogot Qarqī'ān nga au oilaan, sundung kiaa piipiro teori kokomoi dii. Iso nopo mantad teori dii minapatayad do tadon nopo dii nga mantad hogot Qarqa'ah (Arab: قرقعة “klik”, “tuni kologong”), sumuku do tuni periuk besi i kisuang tongoomis i kopogitutugu soira posurungon o taakanon oomis dii.[4]
Karamayan nopo diti nga ointutunan maya ngaran suai id pomogunan Arab di lobi agayo: Majeena toi ko Garangao id Iraq.[5][6]
Kapansalan ugama
[simbanai | simbanai toud]
Karamayan قرنقعو (قرقيعان) nopo nga tradisi id Teluk Parsi, Iraq om kabaatan Iran. Popionit o tutumanud Islam Syiah dii miampai kinosusuon Imam Hassan ibn Ali (AS),i nosusu ontok pintangaan wulan Ramadan.
Tradisi
[simbanai | simbanai toud]Tumimung o tangaanak id suang tinimungan koir tokoro id dumbangan walai om suminding. Sinding nopo dii nga kitudu mokianu Kinorohingan do barakat montok tanak tohuri id paganakan mooi do olidas kasaru om otood kasari o tama. Sokiro alaid yolo suminding nga lobi ogumu tongoomis om kasang aanu. Tudu nopo do Garqee'an diti nga montok papasarabak tupus, kataadan om kouludan id pialatan tulun nosukod om tangaanak.
Ontok timpu moden, mogiala o pasaraya, syarikat korporat om longkod pomoli-molian montok mamagayat rahi tangaanak maso karamayan diti maya iklan om nogi manahak promosi poimbida om papaharo abaabayan Qarqee'an eksklusif sabaagi strategi pemasaran diolo.[7]
Sukuon
[simbanai | simbanai toud]- ↑ Sometimes the holiday is only celebrated annually, during the month of Ramadan.
- ↑ "القرقاعون من أهم الاحتفالات الرمضانية الشعبية في مملكة البحرين". Bahrain News Agency. 2 August 2012. Linoyog ontok 3 February 2013.
- ↑ "بوليفارد رياض سيتي تستضيف فعالية القرقيعان الرمضانية | مجلة سيدتي". www.sayidaty.net (id boros Arab). Linoyog ontok 2022-09-10.
- ↑ "القرقاعون من أهم الاحتفالات الرمضانية الشعبية في مملكة البحرين". Bahrain News Agency. 2 August 2012. Linoyog ontok 3 February 2013.
- ↑ "Coronavirus forces Basra children to celebrate Garangao festival indoors". Reuters. 10 May 2020.
- ↑ ""قرقيعان" عيد الأطفال في منتصف رمضان... واحتفالات الأهواز". Raseef22. 20 May 2019.
- ↑ ""البحرين سيتي سنتر" يحتفل بليلة القرقاعون مساء اليوم". Al Ayam. 31 July 2012. Linoyog ontok 3 February 2013.
| Obligations |  | |
|---|---|---|
| Meals | ||
| Prayers and observances | ||
| Ramadan culture | ||
Eid | ||
|---|---|---|
| Festivals |  | |
| Topics | ||