Gereja St. Anthony mantad Padua, Istanbul

Gereja St. Anthony of Padua
Gereja St. Anthony of Padua
Location	Beyoğlu, Istanbul
Country	Turkey
Denomination	Roman Catholic
Architecture
Architect(s)	Giulio Mongeri
Style	Neo-Gothic
Groundbreaking	1906
Completed	1912

Gereja St. Anthony mantad Padua (Boros Turki:Sent Antuan Kilisesi), toi ko' ointutunan nogi sabaagi Gereja Sant'Antonio di Padova toi ko' S. Antonio di Padova, nopo nga gereja Katolik bobos agayo id Istanbul, Turki. Poinladsong ii hilo İstiklal Avenue id watasBeyoğlu.

Miampai gereja St. Mary Draperis (ii nga hilo nogi id İstiklal Avenue), om nogi SS. Peter om Paul id Galata, ii nopo nga iso mantad tolu paroki Levantine id Beyoğlu. Baino nopo nga toinaon ii do paado Itali. Misa ontok tadau Kukuak id suang Boros Inggilis nopo nga mimpuun ontok jam 19:00; misa ontok tadau Tiwang id suang boros Itali nopo nga ontok jam 11:30, om id suang boros Poland ontok jam 11:30 hilo kalabangan, id suang Boros Inggilis ontok jam 10:00 om ontok jam 19:00 id suang boros Turki; om misa ontok tadau Mirod nopo id suang boros Turki nga mimpuun ontok jam 11:00. Misa Tadau Tiwang nopo nga id suang Boros Inggilis ontok jam 8:00 om id suang boros Turki ontok jam 19:00.

Sajara

Panambayangan mantad nopo do St. Anthony of Padua nga winonsoi do komuniti Itali id Istanbul ontok toun 1725, nga numaan huyaso om sinowolianan do bangunan dinondo i winonsoi id kinoyonon di miagal. Gereja miampai basilika i haro dinondo, miampai bangunan tionon misampaping (ointutunan sabaagi St. Antoine Apartmanları) winonsoi nogi do komuniti Itali id kakadayan dii ( kogumuan nopo nga mantad sakag Genoa om Venesian kiikiro 40,000 tulun ontok koimpuunon abad ko-20) id pialatan toun 1906 gisom 1912 miampai woyo Venetian Neo-Gothic. Rineka o bangunan dii do arkitek Levantine i Giulio Mongeri, i minonguntayad bontuk nogi do bangunan oponsol suai id Turki, miagal do Maçka Palas id Nişantaşı om bangunan bank Neo-Byzantine Karaköy Palas id Karaköy (Galata), Istanbul, om nogi ibu pejabat koiso Türkiye İş Bankası id Ankara.

Koumbal i Pope John XXIII manahak kaajalan hiti solinaid 10 toun soira nosiliu isio duta Vatican kumaa Turki pogulu nopili sabaagi paus. Ointutunan isio sabaagi "Paus Turki" gama kabaalan disio mimboros Turki om insaru popolombus topurimanan oupus kumaa Turki, loolobi Istanbul. Winonsoi iso patung disio id natad do gereja dii.

Mantad toun 2016, iso pioduhan undang-undang i potilombus kokomoi gereja dii pinosuul montok pobolion kumaa songulun kusai i mamadawa sabaagi puru sanganu kopio tapak dii. Tumanud ruputan abal, nakaanu i Sebahattin Gök do suat kuasa mobi mantad sanganu tana dii om minumbal daa poboli dii pogulu minaganu laang o luyal di mongobi Vatican montok mangantob kopobolian dii.

Galeri

• 
  Gereja St. Anthony mantad Padua
• 
  Gereja St. Anthony mantad Padua id dumbangan kompleks
• 
  Apartmen id dumbangan do Gereja St. Anthony mantad Padua
• 
  Id suang do Gereja St. Anthony mantad Padua
• 
  Id suang do Gereja St. Anthony mantad Padua
• 
  Id suang do Gereja St. Anthony mantad Padua
• 
  Tompok kotonobon do Gereja St. Anthony mantad Padua
• 
  Patung di Pope John XXIII

Sukuon

• "Sent Antuan Kilisesi" [Church of St. Antony] (id boros Turkish). Linoyog ontok 5 Mahas 2010.{{cite web}}: CS1 maint: unrecognized language (link)

Noputan labus

• Some more pictures
• "Church of St. Antony". on katolik kilisesi.