Gillian Oliver

Dame Gillian Frances Oliver, DBE, FRCN (Nokosusu 10 Gumas 1943) . Yau nopo nga songulun mongungulud noos British. Sabaagi abaal suang gana kanser om kapanamangan paliatif, agayo tonggungan dau montok kapamansayan toud om strategi kanser id UK om id taang kabansaan.

Kohompit nogi id suang gana noos solinaid piipiro toun, id taang pinludaan sabaagi noos id wad, id taang organsasi om ponguludan sabaagi Luguan Perkhidmatan Susumakit, om id taang kabansaan kumalaja sabaagi Ponguhup Noos Onkologi id RCN miampai organisasi suai. ^{[minog do kisukuon]}^{[<span title="This claim needs references to reliable sources. (April 2016)">citation needed</span>]}

Karaja

Nokolimpupu pinludaan di Oliver sabaagi noos id Middlesex Hospital om monimpuun goos dau solinaid koposion montok manamong tulun di kitoruol kanser om mongulud ponguhupan kokomoi kanser.

Kosiliu yau mobi noos kanser id suang ogumu koisaan pogun om kabansaan, kohompit no Lembaga Koisaan Kabansaan Noos om Kapanamangan Kanser, Tinimungan Ponguhup Abaal Kokomoi Kanser montok Luguan Pegawai Pongusapan, om di kawawagu, Tinimungan Ponguhup Kabansaan kokomoi Kapanamangan Paliatif om Sokodung id Jabatan Kolidasan.

Kohompit nogi yau id suang puru tinimungan abaal di papaasil ruputan Calman–Hine report kokomoi ponguhupan kansed id UK, di pinotounda montok porinta ontok toun 1995. Ontok Ngiop 2000, tuminaud yau Macmillan Cancer Relief sabaagi Luguan Ponguhupan UK om maya agaras mogowit tua pomusarahan tulun di momoguno ponguhupan kokomoi toilaan, kabaalan om koinganan profesional suang komogoton ponguhupan kanser di kibagas.

Kalapas nokotingkod kumaraja poimponu timpu ontok Gumas 2004, kotilombus yau kumaraja miampai Macmillan maya poimponu timu sabaagi Ponguhup montok Noos om Profesional Kolidasan Miiso. Kosiliu nogi yau pemegang Amanah id Majlis Kabansaan montok Kapanamangan Paliatif di pinoindalan mogisusuai projek di mionit ponguhupan kanser, noos om kapanamangan.

Sukuon