Gozan no Okuribi

Gozan no Okuribi (五山送り火, i kirati lobi uang "Limo Tapui Pitongkiadan id Nulu"), i lobi ointutunan sabaagi Daimonji (大文字, lobi kuang "pimato tagayo"), nopo nga iso panaandakan id Kyoto, Japan. Ii nopo nga dimpak do karamayan Obon ontok 16 Magus, id nombo posikiton limo uwun tapui tagayo id konuluan id posorili kakadayan dii. Panaandakan nopo diti nga panakatanda do rusod puru paganakan i napatai no - i gumuli kaka id pomogunan diti ontok Obon, pinaatod gumuli hilo pomogunan rusod—om ii no do Okuribi (送り火, lobi kuang "tapui pitongkiadan") o ngaran dau.

Sajara

Au atalang kopio o nontodon do panaandakan diti,^[1] nga ogumu otumbayaan do ii nopo kakak nga mantad di timpu purba. Paganakan-paganakan pointantu nopo nga kiwaa tonggungan pinasandad montok monoina oinsanan aspek logistik uwun tapui dii, om maganu yolo ogumu timpu monikid toun miampai kasagaan ginawo moi do kakal kotindohoi o koubasanan diti.

Jadual

Mimpuun do 8 totuong, posikiton o uwun tapui tagayo, miampai bontuk sondii. Tolu mantad uwun tapui diti mombontuk aksara kanji tagayo, om duo nopo nga mombontuk simbol i ointutunan do ginumuan. Aksara, kinoyonon, rati om timpu koposikitan nopo nga miagal id siriba:

Daimonji (大文字), aksara i kirati "agayo" toi ko' "abantug", poopuyon id Daimonji-Yama/Higashi-Yama, Nyoigatake ontok jaam ko-8 totuong;
Myō/Hō (妙・法), aksara i kirati do "dharma i menakjubkan" (sumuku do kaajalan Buddha), poopuyon id Matsugasaki, Nishi-Yama/Higashi-Yama ontok jaam ko-8.10 totuong;
Funagata (舟形), ii no bontuk do kapal, poopuyon id Nishigamo, Funa-Yama ontok jaam ko-8.15 totuong;
Hidari Daimonji (左大文字), insan po kawagu, aksara i kirati "agayo", poopuyon id Daihoku-San, Hidaridaimonji-San ontok jaam ko-8.15 totuong;
Toriigata (鳥居形), kibontuk do shrine gate, poopuyon id Toriimoto, Mandara-San ontok jaam ko-8.20 totuong.

Ii nopo bobos ointutunan—om koiso do poopuyon—nga aksara dai (大), id Nulu Daimonji-yama (大文字山, daimonjiyama) hilo Kyoto. Apat ueun tapui di suai nopo nga poopuyon monikid limo giom hopod minit, om mondidikot do jaam 8.30 totuomh, okito o oinsanan aksara. Monikid nopo uwun tapui nga ,amhapaui solinaid 30 minit.

Ontok toun 2020, abaabayan nopo diti nga ningkurian miampai signifikan hama do COVID-19, id nombo kiwaa onom titik no id aksara "Daimonji" poopuyon om iso no titik poopuyon id monikid apat kinoyonon suai.^[2]

Kinoyonon pongintangan

Kinoyonon tosonong montok mintong do kapanaandakan diti nga mantad Watas Nakagyō, i poinladsong id tanga do kakadayan. Ogumu hotel i manahak do pakej ogingo Daimonji id nombo, miampai bayaran pointantu, kawasa o tutumombului mintong do kolimo-limo uwun tapui. Ogumu nogi tulun i orohian mongoi hilo Bawang Kamo, id pialatan do ralan Sanjo om Imadegawa, montok mongintong kokitanan uwun tapui di koiso om bobos atalang. Maya poimbida, kinoyonon nopo ngaawi diti nga insaru roitan sabaagi kinoyonon tosonong montok mongintong kapanaandakan diti:^[3]

Koyonon	Kinoyonon
Daimonji	Disan Bawang Kamogawa id pialatan Sunsuyon Marutamachi om Sunsuyon Misono.
Myōhō	Ralan Kitayama poindoros do Sikul Tosiriba Notre Dame, id disan Bawang Takano id boogian koibutan Sunsuyon Takano.
Funagata	Ralan Kitayama (kumaa hilo koibutan kotonobon Sunsuyon Kitayama Ōhashi)
Hidari Daimonji	Ralan Nishioji id pialatan Shijo om koyonon Kinkakuji.
Toriigata	Id sorili Sunsuyon Matsuo toi ko' miinsomok Kolam Hirosawa.

Latitud om longitud

Templat:GeoGroup

Sukuon

↑ "Gozan-no-Okuribi (Part 1)". 13 August 2008. Linoyog ontok 2018-08-31.
↑ "五山の送り火、今年は「大」の字浮かばずそれでも歓声". 16 August 2020. Linoyog ontok 31 August 2020.
↑ "Kyoto Recommends" (PDF). Kyoto City Tourism Association. Pinoopi mantad sand̠ad (PDF) ontok 2017-02-11. Linoyog ontok 2018-08-31.

Noputan labus

[1] "Gozan-no-Okuribi (Part 1)". 13 August 2008. Linoyog ontok 2018-08-31.

[2] "五山の送り火、今年は「大」の字浮かばずそれでも歓声". 16 August 2020. Linoyog ontok 31 August 2020.

[3] "Kyoto Recommends" (PDF). Kyoto City Tourism Association. Pinoopi mantad sand̠ad (PDF) ontok 2017-02-11. Linoyog ontok 2018-08-31.

[1]

[2]

[3]