Grace Wilson
Grace Margaret Wilson | |
|---|---|
 Grace Wilson on Lemnos island during the Gallipoli Campaign | |
| Born | 25 Mahas 1879 South Brisbane, Queensland |
| Died | 12 Milatok 1957 (umul 77) Repatriation General Hospital, Heidelberg, Victoria |
| Service/ | Australian Army |
| Years of service | 1914–1941 |
| Commands held | Australian Army Nursing Service (1925–1940) |
| Battles/wars | World War I World War II |
| Awards | Commander of the Order of the British Empire Royal Red Cross Mentioned in Despatches (4) Florence Nightingale Medal |
Grace Margaret Wilson (25 Mahas 1879 – 12 Milatok 1957) nopo nga noos di akawas o taang doid Soujor Tindal maamaso Sangod Pomogunan 1 om toun koiso do Sangod Pomogunan II. Nosusu i Wilson id Brisbane om minomongo pinsingubasan sabaagi noos ontok 1908. Kalapas nokoimbulai o Sangod Pomogunan I, minampayat isido do Australian Army Nursing Service (AANS) om pinoundaliu kumaa First Australian Imperial Force.
Mantad 1915 gisom 1919 isido nopo nga Luguan Matron do 3rd Australian General Hospital. Momuruan isido sabaagi Luguan Matron daamot id Longkod Upis AIF, London mantad po id dompok do toun 1917 gisom kotimpuunan do toun 1918. Guminuli i Wilson kumaa id Australia di toun 1920 om minonongkiad do AIF montok kumalaja id lamin pongusapan koizaai. Nolantik isido sabaagi do Luguan Matron do AANS di toun 1925 om id wulan Manom 1940 tuminanud isido do Second Australian Imperial Force. Momuruan isido id Tanga Kosilahon gisom Magus 1941, om guminuli kawagu id Australia tu waro suminakit. Tinumongkiad isido mantad soujor id wulan sumusuhut nga id wulan September 1943, kuminalaja isido id boogian kapanamangan do noos do Jabatan Lokis Koulunan (Victoria).
Koposion Pogulu om Sangod Pomogunan I
[simbanai | simbanai toud]Nosusu i Grace Wilson id South Brisbane ontok 25 Mahas 1879. Tuminindapou isido doid Brisbane Girls Grammar School om tuminimpuun pinsingubasan do sabaagi noos id Lamin Pongusapan Brisbane di toun 1905. Minomongo isido do komilaan disido id toun 1908. Maamaso timpu kopomuruanan disido id Lamin Pongusapan Brisbane, nosiliu i Wilson sabaagi lulumantoi koiso midol amas di kiprestij montok kinalantayon do konooson.[1] kalapas dii minoi id London montok minsigubas montok gana kobidanan id Lamin Pongusapan Charlotte's Lying-in.[2] Kalapas di kuminalaja i Wilson id Lamin Pongusapan Nasional mpilepsi id London. Guminuli kawagu isio id Australia ontok Madas 1914, om nosiliu sabaagi matron do Lamin Pongusapan Brisbane[3][4]