Gunung Santubong

 

Gunung
Gunung Santubong, pandangan dari Pantai Pasir Pandak
Titik bobos akawas
Kinawas	810 m (2,660 ft)Kosmo, 13 Ogos 2017
Prominence	810 m (2,660 ft)
Geografi
Lokasi	Sarawak, Malaysia

Gunung Santubong nopo hilo id Sarawak, Malaysia nopo iso mantad nulu legenda i noilaan ginumuan tulun id Sarawak. Poinggion iti do 35 km id Utara do kakadaian Bandar Kuching. Koingkawason kiikiro 810 meter, nulu diti poinggion id semenanjung tokoro i pinomungaran semenanjung Buntal i popular tu' miampai aktiviti-aktiviti kotumbuluian.

Linahasan

Nulu Santubong iti poinggion kiikiro 35 kilometer id boogian Utara Pusat Kakadaian Kuching om nuluhon dau nopo milo pointalang okitaan mantad ibu negeri Sarawak maamaso woyo tawan dau osonong. Korotian nopo Santubong iti nga mantad boros Kaum Sandad Dayak Iban di pogulu po.

Tumanud sajara dau, ontok abad ke-14 Masihi longkod komersial kotoinaan negeri Sarawak nopo Santubong id nongo mantad Timur om Barat montok aktiviti tumaran. Nokitaan mogisuusuai artifak toi'ko kakamot laid id posorili dau popogirot kotumbayaan do boros kokomoi kiwaa dii pointopot om haro bagas pitaranan id Santubong kumaa kopoilaan ugama Islam om Hindu id Sarawak.

Id suang sajara bansa sandad Dayak Iban, nontodon Nulu Santubong nopo mantad boros Iban i kikomoyon lungun toi'ko perahu roh.

Lagenda Dewi Kayangan i noilaan ginumuan tulun id Santubong nopo nontodon do sajara bansa Iban Dewi Kumang om Dewi Lulong(Iban Goddess) i popowiliu kabaalan tinunturu Pua Kumbu kumaa tondu Iban id Santubong di pogulu po kaa'ka.

Ontok di pogulu po Nulu Santubong ti noilaan id suang sajara pahlawan Iban miagal do sajara Unggang Lebor Menoa i koikipi nokoruba miampai Bunsu Kumang om Bunsu Lulong iri nopo duo tulun Dewi mantad kayangan i mogiigion id timpak Nulu Santubong.

Mitos

Tumanud kotumbayaan tulun ginumuan i poingiyon hilo, Nulu Santubong iti nopo mantad tinan puteri kayangan i kingaran Puteri Santubong kalapas pinosumpah kosiliu do nulu.

Tumanud mitos, Puteri Santubong om tadi dau sondii, Puteri Sejinjang pinorinta di tapa diolo, Dewata Mulia montok lumintuhun id pomogunan do monguhup manalasai konflik i notoguang tulun Kampung Pasir Panjang om nogi tulun Kampung Pasir Pandak.

Pogulu lumintuhun doid pomogunan, miniakun diolo doungoduo montok au miodu miampai tongo diolo sondii soira gumoos monginsonong piantakan montok koduo-duo kampung diri. Goos diolo nogi nakalantoi. Koduo-duo kampung nokoinsonong piantakan om mogisokodung id suang kegiatan perdagangan miampai piipiro id labus pogun suai.

Mantad dii, ogumu putera raja mantad piipiro labus pogun suai gumoos momuhaboi montok koduo-duo puteri kayangan dii. Nga, oinsanan lamaran dii au notorimaan. Mulong pia, koduo-duo puteri kayangan mumang om orohian kumaa songulun putera raja om haro dii pogoduhan miampai diolo sondii.

Kootuson pogoduhan i minanahub do sumpah diri, Puteri Santubong om Puteri Sejinjang nosumpah di tapa diolo om kosiliu nadadi nulu.

Mitos i noilaan kogumuan nopo id suang kogumuan tulun sandad dilo nogi kointutunan Nulu Santubong sabaagi iso mantad destinasi katakadon i noilaan kopio id Sarawak.

Intangai nogi

• Nulu Sejinjang