Pergi ke kandungan

Hildegard Lächert

Mantad Wikipedia
Hildegard Lächert
Kinosusuon(1920-03-19)19 Gomot 1920
Berlin, Weimar Republic
Tadauwulan
minidu pogun		14 April 1995 (aged 75)
Berlin, Germany
Criminal statusDeceased
MotiveNazism
Conviction(s)Poland
Crimes against humanity
West Germany
Accessory to murder
Criminal penaltyPoland
15 toun panjara
West Germany
12 toun panjara

Hildegard Martha Lächert (19 Gomot 1920 – 14 Ngiop 1995)[1] nopo nga songulun tondu mantamong toi ko' Aufseherin, id piipiro kiim nanga-gakom id kapanamangan do Nazi German. [2] Nointutunan yau manatd ko'obian dau id Ravensbrück, Majdanek om Auschwitz-Birkenau.

Koposion Pogulu

[simbanai | simbanai toud]

Nokosiliu ii Lächert sabaagi tama ontok umul 18 toun om insan kaagu ontok 23 toun, goduo-duo tanak dau dii nopo nga aasil mantad piaantakan soliwan do pisasawaan.[3]

Servis Kiim

[simbanai | simbanai toud]

Ontok Gumas 1942, id umul 22 Lächert nopo nga songulun noos, ii nolohou montok kumaraja id Majdanek sabaagi Aufseherin. Solinaid do timpu pakalaja yau id Majdanek, ohulit yau montok koimaan dau di araat. Id bobos tokuri intolu yau noontok do tindakan disiplin mantad pagawai takawas SS, sundung pia do toinsanai dii nopo nga kasalaan kotoinaan. Napanjara yau solinaid do limo tadau tu amu tuminanud do ponuhuan mogintobon om walu tadau kaagu montok kinatagakan do pistol dau.

Ontok 1944, kahapas do nosusu tanak dau di ko tolu, kuminalaja ii Lächert id kiim Auschwitz. Minogidu yau mantad kiim di ontok Momuhau 1943 pogulu kinorikatan do soudor aragang. Haro piipiro ruputan do timbaba'on tohuri dau nopo nga id Bozen, iso kiim id koibutan Itali[4] om iso id kiim Muthausen Gusen id Austria.[5]

Ontok Madas 1945, Lächert om kasalaan dau ii amu po noilaan ontok dii, guminuli id Berlin om kuminalaja id iso walai pongusapan Amerika gisom do Gumas, pogulu do guminuli id Austria montok popotilombus do kalaja dau sabaagi noos. Ontok 30 Gomot 1946, minangantob pagawai pulis Austria dau tu koumbal yau kumalaja id SS. Kahapas di pinatahak yau kumaa koobian kikuasa British, om sumusuhut pinoundaliu kumaa id Poland ontok Momuhau.

Pibarasan

[simbanai | simbanai toud]

Ontok Milau 1947, bagas puruan Schutzstaffel (SS) dii nopo nga namaa onuai pogibabarasan id iso kuut id Kraków, Poland, miampai 40 tulun mantamong SS suai id pibarasan Auschwitz. Poirikau ii Lächert id sampaping do tolu bagas mantamong tondu SS ii suai — Alice Orlowski, Therese Brandl, dan Luise Danz. Sabab do winonsoi tangaraat aantakan do pisangadan id Auschwitz om Płaszów, bagas mantamong dii, hinombo ontok timpu dii nopo nga songulun tama kumaa duo tanak ii kakal po poimpasi, noonuan do ukum jijiilan solinaid 15 toun. Pinoidu ii Lächert mantad jijiilan maya koompunan ontok 7 Momuhau 1956. Kahaps di nokotorimo yau 6000 DM mantad koporintaan Jerman Kotonobon sabaagi nanga-gakom pisangadan ii dinawa. Kahapas do kinoiduon dau, kuminalaja ii Lächert ontok timpu toniba miampai Perisikan Pisompuruan (BND), kotinanan mato-mato Jerman Kotonobon om CIA,[5], hinombo ontok timpu di isaru yau monorubung mogindaraat pisangadan Nazi ii pinoidu mantad jijiilan id Eropah Kosilahon. Ko'obian dau miampai agensi-agensi di nopo nga ontok no piipiro tulan tu insaru yau tinduon do aiso guno.[4]

Ontok Magus 1973, natahan ii Lächert do kokuasaan Jerman kotonobon om nouhot kokomoi do koposion pogulu dau id Majdanek, sabaagi kotoundaan montok Pibarasan Majdanek kotolu ii osomok no tumimpuun. Pinoidu ii Lächert nga natahan kaagu sabaagi suspek ontok Mahas 1979 om pinogibabarasan. Ontok toun di nogi nga monongkiala yau id Pilion Raya Parlimen Eropah sabaagi mongobi tinimungan talad wanan ekstrem Aktionsgemeinschaft Nationales Europa id siriba pomuruanan di Erwin Schönborn, om nakaanu yau kinoiyonon kaapat id katayadan calon tinimungan dii.[4]

Id pibarasan di Lächert ontok toun 1947. Kotolinahasan ii natahak kokomoi kowoyowoyoon sadistik Lächert nopo nga pointongkop om osorisid.[5] Songulun bagas nanga-gakom, Henryka Ostrowska, minanahak do kotolinahasan: "Insaru yahai momoros 'blutige' tu mangamal yau gisom do kosoliwan raha," minanahak do pongundadait "Bloody Brigitte"[6] (id boros Poland: Krwawa Brygida). Ogumu kiyo'on suai ii popotolinahas dau sabaagi do "id bobos adalaan mantad di araat" toi ko "manamong tondu id bobos taraat", sabaagi do "dupot", om "Tipi Kasarat Toinsanai Nanga-gakom". Songulun kaagu mangsa ii nasalamat, Maria Kaufmann-Krasowski, minanahak kotolinahasan soira do monuhu ii Lächert momorisi siliu, maan dau sikoto do sisikot om hingi-hingion sabaagi do "sompurok rinomos".[7] Mantad ka'ampaian dau id kopomilian nanga-gakom id linimput gas, ka'ampaian dau id kapamataiyan 1,196 nanga-gakom, minopoidu tasu dau kumaa nanga-gakom tondu ii mogontian[3] (kosuang nogi iso kes hinombo minanagod tasu dau do boogian asabi' tinan mangsa gisom do napatai bagang id tian)[8] om kinaraaton dau ii poinggonop, minanahak o kuut dau do ukum jijiilon 12 toun id Pibarasan Majdanek.[9] in the Majdanek trials.[6] Minangapalai mangadawa rayat ontok di do onuan yau ukum jijiilon miampon apasi.

Sundung po do ingkaa, amu ii Lächert minogd do monimbaba ukum di tu timpu jijiilon id Poland om timpu di naayi id jijiilon masaan do mandad pibarasan ii nointob sabaagi timpu ukum. Minidu yau pogun ontok 1995.[10][11]

Pambasaan potilombus

[simbanai | simbanai toud]
  • . Álvarez, Mónica (2013). "Mou-mau do woyoboros id Sabah". Guardianas Nazis. El lado femenino del mal" (Spanish). Guardianas de la Noche, 1987-04-25 - id talian : Grupo Edaf, 2013.    

Sukuon

[simbanai | simbanai toud]
  1. ↑ "Biography Hildegard Lächert, Retrieved 30 December 2021" (PDF). Pinoopi mantad sand̠ad (PDF) ontok 12 April 2021. Linoyog ontok 30 December 2021.
  2. ↑ Álvarez, Mónica (2016-01-19). Se questa è una donna (id boros Itali). Edizioni Piemme. ISBN 9788858514740.
  3. ↑ 3.0 3.1 Sarti, Wendy Adele-Marie (2011). Women and Nazis: Perpetrators of Genocide and Other Crimes During Hitler's Regime, 1933-1945 (id boros Inggilis). Academica Press. pp. 127–130. ISBN 978-1-936320-11-0.
  4. ↑ 4.0 4.1 4.2 "Biography Hildegard Lächert, Retrieved 30 December 2021" (PDF). Pinoopi mantad sand̠ad (PDF) ontok 12 April 2021. Linoyog ontok 30 December 2021.
  5. ↑ 5.0 5.1 5.2 Wynn, Stephen (2020-04-19). Holocaust: The Nazis' Wartime Jewish Atrocities (id boros Inggilis). Pen and Sword. ISBN 978-1-5267-2822-7.
  6. ↑ 6.0 6.1 Stoltzfus, Nathan; Friedlander, Henry (2008-10-06). Nazi Crimes and the Law (id boros Inggilis). Cambridge University Press. p. 33. ISBN 978-0-521-89974-1.
  7. ↑ Koonz, Claudia (2013-05-07). Mothers in the Fatherland: Women, the Family and Nazi Politics (id boros Inggilis). Routledge. p. 404. ISBN 978-1-136-21379-3.
  8. ↑ Ferizović, J. (2020). "The case of female perpetrators of international crimes: Exploratory insights and new research directions". European Journal of International Law. European Journal of International Law, 31(2). 31 (2): 455–488. doi:10.1093/ejil/chaa037. Linoyog ontok 2024-09-20.
  9. ↑ Lower, Wendy (2013). Hitler's Furies: German Women in the Nazi Killing Fields (id boros Inggilis). Houghton Mifflin Harcourt. p. 233. ISBN 978-0-547-86338-2.
  10. ↑ Vinocur, John; Times, Special To the New York (1981-07-01). "EX-NEW YORKER GETS LIFE FOR CRIMES IN NAZI CAMP". The New York Times (id boros Inggeris AS). ISSN 0362-4331. Linoyog ontok 2022-08-07.
  11. ↑ "Krvavá Brigita: Nacistická dozorkyně na vězně používala bič se železnou koulí - Médium.cz". medium.seznam.cz (id boros Czech). 2023-10-09. Linoyog ontok 2024-09-20.
Naanu mantad "https://dtp.wikipedia.org/w/index.php?title=Hildegard_Lächert&oldid=21303"