Istana Hermann

Istana Hermann
Istana Hermann
Hermanni linnus
Narva, Estonia
	Istana Hermann
Koordinat	59°22′33″N 28°12′07″E / 59.37583°N 28.20194°E
Kawo	Istana Ordo
Sajara kinoyonon
Winonsoi ontok	1256
Winonsoi di	Kerajaan Denmark

Istana Hermann, otutunan nogi sabaagi do istana Narva toi ko' kubu Narva, nopo nga iso istana id timpu pintangaan id kakadayan Narva, id koibutan kosilahon do Estonia. Nokohimagon o istanan diti id piolitan do toun 1256, soira nokosiliu o kinoyonon diti soboogian mantad do Alam Denmark. Kubu watu kumoiso nopo nga winonsoi di koimpuunon abad ko-14. Binoli do rapang Ordo Teutonik Livonia o istana dii di Magus 1346, om sinanganu montok soboogian tagayo do sajara di potilombus.

Kubu abad piintangaan

Katalibdo minamagakom do Estonia koibutan o kerajaan Denmark di abad ko-13, pinohimagon o kubu pialatan di agaras, i pogulu nopo nga winonsoi mantad do kayu, id pitongkiadan do bawang Narva om ralan laid maamaso piintangaan abad ko-13.^[1] Id siriba do pongumoligan kubu di tagaras diti, i koinsan do noroitan maya poinsuat di toun 1256,^[2] nokoingayo o tionon sumiliu do kakadayan Narva, i nakaanu do hak bandar Lübeck maamaso pintangaan koiso abad ko-14.^[3]

Gama do piipiro pogioduhan miampai pogun Slavik Kosilahon i misombol - Novgorod om Pskov, nokotimpuun o luguan momorinta Denmark do kubu watu id koimpuunon abad ko-14 sabaagi pongumoligan pialatan. Nokotimpuun iti sabaagi iso bongunan tokoro miagal do castellum miampai kinawas 40 meter (130 kaki) om iso menara, i pinopogulu do Menara Hermann ontok tadau baino, id pisuk koibutan kotonobon.

Id kotimpuunon do abad ko-14, iso liwang tokoro id dumbangan nopo nga winonsoi id ponong koibutan do kubu tagaras om id piintangaan do abad diti, iso liwang dumbang di tagayo nopo nga pinoruhang id ponong kotonobon, hinonggo pasagaon o tulun sandad montok lumisok sokiro haro pisangadan, tu' au notutuk o kakadayan Narva do tolig maamaso koporintaan Denmark.

Antakan di toun 1346, pinojual di Raja Valdemar IV mantad Denmark o Estonia koibutan, kohompit no do Narva, kumaa Ordo Livonia,^[1] i minomonsoi kawagu do bongunan dii sumiliu bongunan biara tumanud kominagan diolo. Soboogian tagayo do kubu tagaras diti nopo nga pinopotindohoi do palan gana mantad, miampai talad tagayo om liwang id taatanga.

Nopongo nogi o Menara Hermann maya Porinta Livonuan, i nuru montok pohimaganan do kubu Ivangorod maya di Muscovite Rusia id soborong do bawang Narva di toun 1492.^[2] Porinta dii nopo nga montok do monorili bandar momoguno do tolig kikubu, i au natamangan (sinuhu do momohias di toun 1777).

Tolig dii nopo nga nakagambal sabaagi kiapat totobon: "Totobon Viru" id kotonobon, "Totobon Lalambangan" id koibutan, "Totobon Laid" kumaa tuundorongon kapal bawang id kosilahon, om "Totobon Waig" (toi ko' "Totobon Tokoro") id kabaatan. Sinompon o totobon diti momoguno do plat bosi om sinogulu do sunsuyon gayaton. Tolig kakadayan, miampai ninaru lobi kuang iso kilometer, pinagaras miampai lobi kuang turu menara om nosorilian do parit.

Id koompokon do pomorintaan Ordo Livonia maamaso abad ko-16, rinuhangan kawagu o tolig bandar, pinagaras o totobon maya momoruhang do totobon labus, om piipiro tolig menara nopo nga pinosudong montok gunoon sabaagi menara bodilan toi ko' rondel khas, milo po intangan o duo diti antakan timpu baino, i winonsoi kawagu id pisuk-pisuk do mahkamah istana kotonobon.^[4]

Intangai nogi

Nuut

Sukuon

1 2 Lundén, Thomas (10 Manom 2018). Garrard, John; Mikhailova, Ekaterina (eds.). "Border twin cities in the Baltic Area: Anomalies or nexuses of mutual benefit?". Twin Cities: Urban Communities, Borders and Relationships over Time. London: Routledge. doi:10.4324/9781315104638-18.
1 2 Mattisen, Edgar (1996). Searching for a dignified compromise: the Estonian-Russian border, 1,000 years. Tallinn, Estonia: Pub. House ILO. pp. 19–20. ISBN 9789985571149.
↑ "Cultural Relations – Copenhagen". copenhagen.mfa.ee. Linoyog ontok 14 Gumas 2024.
↑ Kjaergaard, Thorkild, ed. (1994). Castles around the Baltic Sea. Malbork: Castle Museum in Malbork. pp. 57–64. ISBN 9788386206032.

Noputan labus

[Lundén-1] 1 2 Lundén, Thomas (10 Manom 2018). Garrard, John; Mikhailova, Ekaterina (eds.). "Border twin cities in the Baltic Area: Anomalies or nexuses of mutual benefit?". Twin Cities: Urban Communities, Borders and Relationships over Time. London: Routledge. doi:10.4324/9781315104638-18.

[Mattisen-2] 1 2 Mattisen, Edgar (1996). Searching for a dignified compromise: the Estonian-Russian border, 1,000 years. Tallinn, Estonia: Pub. House ILO. pp. 19–20. ISBN 9789985571149.

[3] "Cultural Relations – Copenhagen". copenhagen.mfa.ee. Linoyog ontok 14 Gumas 2024.

[Malbork-4] Kjaergaard, Thorkild, ed. (1994). Castles around the Baltic Sea. Malbork: Castle Museum in Malbork. pp. 57–64. ISBN 9788386206032.

[1]

[2]

[3]

[4]

v t e Narva landmarks
Buildings and structures	Town Hall Hermann Castle Narva Bastions (Victoria Bastion) Swedish Lion Monument Cathedral of the Resurrection of Christ Alexander's Cathedral Narva Power Plants
Precincts	Old Town Kreenholm
Nature and parks	Narva River Narva Falls Dark Garden
Beaches	Recreation area of Joaorg and beach
Cultural institutions	Narva Museum (with Narva Art Gallery) Ilmarine Theatre
Science and education	Narva College of the University of Tartu
Sports	Kreenholm Stadium Kalev-Fama Stadium Narva Ice Hall Narva Football Hall
Transportation	Railway station Bus