Istana Sugiyama
| Istana Sugiyama | |
|---|---|
杉山城 | |
| Ranzan, Saitama Prefecture, Japan | |
| Ralat Lua pada baris 526 di Modul:Location_map: Unable to find the specified location map definition: "Module:Location map/data/Japan Saitama Prefecture" does not exist. | |
| Koordinat | 36°3′45.3″N 139°18′43.7″E / 36.062583°N 139.312139°E |
| Kawo | Japanese castle |
| Kopoilaan kinoyonon | |
| Open to the public | yes |
| Status | ruins |
| Sajara kinoyonon | |
| In use | Sengoku period |
Istana Sugiyama (杉山城, Sugiyama-jō), ointutunan nogi sabaagi Istana Makino, nopo nga iso istana Jipun mantad timpu Sengoku i poinladsong id kinoyonon ii dinondo nopo nga soboogian mantad kakadayan Ranzan, Hiki District, Saitama, id suang Kantō region do Jipun.[1] Pinosiliu o tapak diti sabaagi Tapak Kisajara Pogun.[2][3] Kinotuhanan nopo dau nga numaan umoligai sabaagi Tapak Kisajara Pogun mantad toun 2008.[4]
Latar likud
[simbanai | simbanai toud]Poinladsong o Istana Sugiyamaid nulu hilo kakadayan Ranzan, miinsomok do longkod Wilayah Saitama, id piolitan Dataran Kantō om Konuluan Chichibu. Poinladsong nogii ii id lebuh raya i popiromut do Istana Hachigata id koibutan kotonobon Saitama miampai Istana Musashi-Matsuyama. Natagak no o sajara nokopogulu istana diti om au noilaan soira tinimpuunan minomonsoi om isai minomonsoi. Istana nopo diti nga kiwaa kouludan tipikal montok istana nulu ontok timpu Sengoku. Poinladsong id sawat rabung di anaru om okikip, ii nopo nga kaampai no piipiro kinoyonon misahau i pinitongkiad do tembok tana om parit di otuu, om piniromut maya wayaan okikip i minkilong miampai ogumu wayaan matai montok momorulong mananangod om pakawasa do tinimungan koumoligan do sumuli mantad mogisuusuai pisuk mantad sawat.
Gama do rika bontuk dau, ii nopo pogulu po nga ogumu otumbayaan do winonsoi istana diti do klan di Hōjō. Sundung do ingkaa ogumu o puru sajara do minanahak tua pomusarahan do istana ngaawi do Hōjō nopo nga kogumuan kiwaa struktur pongumoligan di lobi agayo, om mantad dii klan Uesugi nopo kaka nga iso mantad do calon. Tadauwulan kinapamansayan nopo dii nga minimpuun kiikiro mantad kolimpupuson abad ko-15 gisom koimpuuunon abad ko-16, iso timpu id nombo koduo-duo nopo do klan diti nga miala montok maganu wilayah dii. Nokoumbal niduanan o istana diti ontok pintangaan abad ko-16. [5]
Tapak nopo do istana diti nga poinladsong kiikiro 30 minit pamanahon gakod mantad Stesen Musashi-Ranzan om Tōbu Tōjō Line.[6]
Ontok toun 2008, numaan umoligai o tapak diti sabaagi iso mantad apat "Tapak Kediaman Berkubu Hiki" (Hiki Fortified Residence Sites) id Saitama, kohompit no Sugaya Yakata (菅谷館跡), Istana Matsuyama (松山城跡), om Istana Ogura Castle (小倉城跡)
Istana nopo diti nga pinatayad sabaagi iso mantad100 Istana Bobos Abantug Jipun (Siri Sumusuhut) (Continued Top 100 Japanese Castles) ontok toun 2017.[7]
Sukuon
[simbanai | simbanai toud]- ↑ "杉山城" (id boros Japanese). Sugiyama castle official. Linoyog ontok 25 July 2019.
{{cite web}}: CS1 maint: unrecognized language (link) - ↑ "杉山城跡" (id boros Japanese). Ranzan city official. Linoyog ontok 25 July 2019.
{{cite web}}: CS1 maint: unrecognized language (link) - ↑ "杉山城跡" (id boros Japanese). 攻城団. Linoyog ontok 25 July 2019.
{{cite web}}: CS1 maint: unrecognized language (link) - ↑ "比企城館跡群 菅谷館跡 松山城跡 杉山城跡 小倉城跡". Cultural Heritage Online (id boros Japanese). Agency for Cultural Affairs. Linoyog ontok 25 December 2017.
{{cite web}}: CS1 maint: unrecognized language (link) - ↑ Isomura, Yukio; Sakai, Hideya (2012). (国指定史跡事典) National Historic Site Encyclopedia. 学生社. ISBN 978-4311750403.(id Jepun)
- ↑ Isomura, Yukio; Sakai, Hideya (2012). (国指定史跡事典) National Historic Site Encyclopedia. 学生社. ISBN 978-4311750403.(id Jepun)
- ↑ "続日本100名城" (id boros Japanese). 日本城郭協会. 29 November 2017. Linoyog ontok 25 July 2019.
{{cite web}}: CS1 maint: unrecognized language (link)
Noputan labus
[simbanai | simbanai toud]- official site (id Jepun)
