Jambo Bwana

"Jambo - Hakuna Matata
(No Problems)"
"Jambo - Hakuna Matata ; (No Problems)"
	Fail:Boney M. - Jambo - Hakuna Matata (No Problems) (1983).jpg
Single by Boney M.
Released	September 1983
Recorded	1983
Genre	Pop, Disco
Length	4:06 (1st mix); 3:39 (Final mix)
Label	Hansa Records
Songwriter(s)	Teddy Kalanda-Harrison, Peter Bischoff-Fallenstein
Producer(s)	Frank Farian
Boney M. singles chronology
Music video
	"Boney M. - Jambo - Hakuna Matata (No Problems) (Official Video)" on YouTube

"Jambo Bwana" (id suang boros Swahili kirati "Hello Sir") nopo nga iso sinding pop Kenya i ointutunan nogi id Tanzania. Pinalabus ii kumoinsan ontok 1982 do tinimungan band Kenya, Them Mushrooms, om numaan kawagu sindingo do piipiro tinimungan om artis suai kohompit no Mombasa Roots, Safari Sound Band, Khadja Nin, Adam Solomon, Mani Kollengode,^[1]^[2] om tinimungan mantad Jerman, Boney M. Nokoimbulai piipiro versi suai miampai uhu misuai miagal do "Jambo Jambo" om "Hakuna Matata".

insaru gunoon o "Jambo Bwana" sabaagi sinding pop hotel montok tutumombului. Roroiton nopo dau nga popohompit piipiro frasa om boros koubasanan id suang boros Swahili, miagal do habari gani? nzuri sana ("nunu abal? osonong kopio") om hakuna matata ("aiso kobolingkaangan, kada kaganggarau"). Versi sandad mantad tinimungan Them Mushrooms nga kiwaa nogi bangki montok mamarayou boros Swahili, muzik reggae, Afrika, om "sup korong" (sumuku do korong psilocybin).^[3]

Populariti

"Jambo Bwana" mantad Them Mushrooms nopo nga kalantayon komersial tagayo, nokoboli lobi mantad 200,000 kodolinan id pialatan toun 1982 giso, 1987 om nakaanu pensijilan platinum id Kenya. Asil populariti diti, ogumu tinimungan suai i momonsoi versi sindingon kawagu, om haro nogi i nakalantoi miagal dii; versi mantad Safari Sound Band, nopo nga iso mantad sinding i insaru pounion id kinoyonon podtuongisan Afrika Kosilahon.^[4] Kopomogunoon frasa Swahili "hakuna matata" id suang filim Disney, "The Lion King" nopo nga sumuku kanto do korus sinding diti.^[5]

Pinalabus do Them Mushrooms o sinding dii id suang piipiro album diolo, doid versi sandad toi ko' versi numaan sindingo kawagu i oihum id suang ogumu kompilasi muzik pop Afrika. kohompit no i poimbida montok karamayan om tangaangak (miagal do African Playground CD i pinalabus do Putumayo Kids).

Pinosolimbou o sinding dii id suang filim toun 2019 kiuhu Where’d You Go Bernadette, ponuhuan di Richard Linklater om pinsingkanaan di Cate Blanchett.

Sininding kawagu

Piipiro versi "Jambo Bwana" i sininsing kawagu momoguno uhu di mogisuai-suai om kiwaa roroiton i numaan simbanai okuri. Versi Boney M., pinalabus ontok 1983, kiuhu "Jambo - Hakuna Matata" pm roroiton nopo dau nga id suang Boros Inggilis om oruhai no oinsanan au mogiagal; ii no bangki "jambo bwana" om "hakuna matata" o pinotindohoi. Versi Safari Sound Band kiuhu "Jambo Jambo" nopo nga minonimban do boogian toponsol roroiton, miampai minonimban sukuon kumaa reggae om korong miampai frasa toomod id suang boros Swahili i kikoulalaho tutumombului, miagal do Kenya ni nchi nzuri ("Kenya nopo nga iso pogun di ogingo"). Ontok toun 2016, numaan kawagu do puru muzik Kenya i Mani Kollengode sindingo o sinding diti.^[6]

Katayadan soboogian versi "Jambo Bwana"

Artis	Uhu	Album	Toun	Nuut
Them Mushrooms	"Jambo Bwana"		1982	Pinalabus id piipiro album kohompit no Jambo Bwana om Songs from Kenya (Them Mushrooms) om African Playground (kompilasi Putumayo)
Boney M.	"Jambo - Hakuna Matata"		1983	Pinalabus sabaagi single toomod, miampai roroiton id suang boros Inggilis
Mombasa Roots	"Jambo Bwana"	Msa Mombasa	1987
Bo Katzman & the Katz Kids	"Jambo Bwana"	Katz Kids Singed Wälthits	1990
Safari Sound Band	"Jambo Jambo"	Mambo Jambo (2001), The Best of African Songs, and others	1999	Roroiton otigas
Love Whip	"Jambo Bwana"	Bouncehall	2003
Adam Solomon	"Jambo Bwana / Hakuna Matata"	Mti Wa Maisha	2004
Klaus Hallen	"Jambo Bwana / Lala Salama"	Samba Collection
Khadja Nin	"Jambo Bwana"			Tumanud do roroiton Safari Sound Band
Mani Kollengode^[7]	"Jambo Bwana"		2016	Versi id suang Boros Inggilis

Versi Boney M.

Ontok toun 1983, minapalabus o tinimungan Jerman Boney M. do sinding "Jambo - Hakuna Matata". Nosiliu i Liz Mitchell sabaagi susuminding oponsol, sokodungon di Reggie Tsiboe, Frank Farian, Marcia Barrett, Cathy Bartney, Madeleine Davis, om Judy Cheeks. Palan nopo daa di timpuunon po nga posuangon o single diti id suang album koturu tinimungan dii (au nonuan uhu) om polobuson daa ontok timpu marab toun 1983, nga au di nabayaan.

Pinaasil o piipiro versi linongot sinding "Jambo". Versi 4:06 (miagal di pinsolimbou id suang vidiu muzik poinhimagon) nopo nga pinalabus hilo id Sepanyol om Portugal no. Suntingan miampai durasi 3:39 nopo nga pinalabus id kinoyonon suai. Versi poinggonop miampai durasi 7:44 nopo nga pinalabus id suang single 12" Sepanyol om Portugal no - om single 12" Jerman (sundung id label nopo nga 7:42) nopo nga suntingan miampai konoruon 5:35 no. Id Perancis, pinalabus iso suntingan di lobi oniba ii no 5:15.

Sukuon

↑ "This Kenyan Artist, With Asian Origin- Can Sing "Jambo Bwana" Better Than You. - GhettoRadio 89.5 FM". GhettoRadio 89.5 FM (id boros Inggeris AS). 2016-10-20. Pinoopi mantad sand̠ad ontok 2019-12-23. Linoyog ontok 2017-09-29.
↑ "Jambo Bwana By Mani (Cover)". Mani Productions Ltd Kenya. September 21, 2016.
↑ Lyrics of "Jambo Bwana" by Them Mushrooms with English translation. There are several mistypes in the text, including "Africa" instead of "Afrika", and "kwell kwell" instead of "kweli kweli".
↑ Them Mushrooms at BigQ Unlimited Archived 2009-01-23 at the Wayback Machine
↑ Them Mushrooms at BigQ Unlimited Archived 2009-01-23 at the Wayback Machine
↑ "This Kenyan Artist, With Asian Origin- Can Sing "Jambo Bwana" Better Than You. - GhettoRadio 89.5 FM". GhettoRadio 89.5 FM (id boros Inggeris AS). 2016-10-20. Pinoopi mantad sand̠ad ontok 2019-12-23. Linoyog ontok 2017-09-29.
↑ "This Kenyan Artist, With Asian Origin- Can Sing "Jambo Bwana" Better Than You. - GhettoRadio 89.5 FM". GhettoRadio 89.5 FM (id boros Inggeris AS). 2016-10-20. Pinoopi mantad sand̠ad ontok 2019-12-23. Linoyog ontok 2017-09-29.

Noputan labus

[Mani2-1] "This Kenyan Artist, With Asian Origin- Can Sing "Jambo Bwana" Better Than You. - GhettoRadio 89.5 FM". GhettoRadio 89.5 FM (id boros Inggeris AS). 2016-10-20. Pinoopi mantad sand̠ad ontok 2019-12-23. Linoyog ontok 2017-09-29.

[2] "Jambo Bwana By Mani (Cover)". Mani Productions Ltd Kenya. September 21, 2016.

[3] Lyrics of "Jambo Bwana" by Them Mushrooms with English translation. There are several mistypes in the text, including "Africa" instead of "Afrika", and "kwell kwell" instead of "kweli kweli".

[BigQ2-4] Them Mushrooms at BigQ Unlimited Archived 2009-01-23 at the Wayback Machine

[BigQ3-5] Them Mushrooms at BigQ Unlimited Archived 2009-01-23 at the Wayback Machine

[Mani3-6] "This Kenyan Artist, With Asian Origin- Can Sing "Jambo Bwana" Better Than You. - GhettoRadio 89.5 FM". GhettoRadio 89.5 FM (id boros Inggeris AS). 2016-10-20. Pinoopi mantad sand̠ad ontok 2019-12-23. Linoyog ontok 2017-09-29.

[Mani4-7] "This Kenyan Artist, With Asian Origin- Can Sing "Jambo Bwana" Better Than You. - GhettoRadio 89.5 FM". GhettoRadio 89.5 FM (id boros Inggeris AS). 2016-10-20. Pinoopi mantad sand̠ad ontok 2019-12-23. Linoyog ontok 2017-09-29.

[1]

[2]

[3]

[4]

[5]

[6]

[7]

v t e Boney M. singles
Discography
1970s	"Baby Do You Wanna Bump" "Daddy Cool" "Sunny" "Ma Baker" "Belfast" "Rivers of Babylon" "Brown Girl in the Ring" "Rasputin" "Mary's Boy Child – Oh My Lord" "Painter Man" "Hooray! Hooray! It's a Holi-Holiday" "El Lute"/"Gotta Go Home" "I'm Born Again"/"Bahama Mama"
1980s	"I See a Boat on the River"/"My Friend Jack" "Children of Paradise"/"Gadda-Da-Vida" "Felicidad (Margherita)" "Malaika"/"Consuela Biaz" "We Kill the World"/"Boonoonoonoos" "The Little Drummer Boy" "6 Years of Boney M. Hits" "The Carnival Is Over"/"Going Back West" "Zion's Daughter" "Jambo – Hakuna Matata (No Problems)" "Somewhere in the World" "Kalimba de Luna" "Happy Song" "My Chérie Amour" "Young, Free and Single" "Daddy Cool (Anniversary Recording '86)" "Bang Bang Lulu" "Rivers of Babylon (Remix)"/"Mary's Boy Child – Oh My Lord" (Remix)" "Megamix" "The Summer Mega Mix" "Malaika (Lambada Remix)" "Everybody Wants to Dance Like Josephine Baker"
1990s	"Stories" "Christmas Mega Mix" "Mega Mix" "Brown Girl in the Ring (Remix '93)" "Ma Baker (Remix '93)" "Papa Chico" "Somebody Scream – Ma Baker" "Daddy Cool '99" "Hooray! Hooray! (Caribbean Night Fever)"
2000s	"Sunny (Remix) 2000" "Daddy Cool 2001" "Sunny (Mousse T. Remix)" "Felicidad America (Obama-Obama)"
Category