Jesus Christ Is Risen Today
| Jesus Christ Is Risen Today | |
|---|---|
 The Resurrection of Christ by Noël Coypel (1700) | |
| Genre | Hymn |
| Based on | Mark 16:6 |
| Meter | 7.7.7.7 with alleluia |
| Melody | "Easter Hymn" |
"Jesus Christ Is Risen Today" nopo nga hymne Kristian. Sinuat ii ontok abad ko-14 sabaagi hymne Latin Bohemian i kiuhu "Surrexit Christus hodie". Iti nopo nga sinding Paska i sumuku do Kinotungagan di Jesus om sumuku nogi piipiro potikan mantad Alkitab ii no Matius 28:6, Acts 2:32, 1 Petrus 3:18 om Wahyu 1:17-18.[1]
Sajara
[simbanai | simbanai toud]"Jesus Christ Is Risen Today" nopo di timpuunon po nga sinuat id suang boros Latin kiuhu "Surrexit Christus hodie", sabaagi iso hymne Bohemian ontok abad ko-14 do monunuat di au noilaan. Norubaan ii id suang manuskrip id Munich om Breslau.[2] Id suang boros Latin, kiwaa hopod om iso bangki do hymne diti.[2] Numaan podolino o hymne dii kumoinsan nogi id suang boros Inggilis ontok toun 1708 di John Baptist Walsh tu posuangon disio id buuk dau Lyra Davidica (Collection of Divine Songs and Hymns). Numaan kawagu di John Arnold intangai o bangki sinding dii ontok toun 1749. Ii nopo timpuunon po, tolu no bangki hymne diti i numaan podolino om ii no bangki koiso o kiwaa kodolinan potilombus (direct translation);[2] om ontok toun 1740, minomoruhang i Charles Wesley (songulun mantad minonuridong Methodism) do bangki kaapat sabaagi alternatif i sumusuhut notorimo sabaagi soboogian mantad hymne dii. Ointutunan nogi hymne diti gama kopomogunoon hogot Alleluia id bontuk melisma sabaagi refrein kalapas monikid baris sinding.[3]
Sindingon o hymne diti miampai iso karya muzik kiuhu "Easter Hymn" i sinupu id suang buuk Lyra Davidica poimbida montok hymne "Jesus Christ Is Risen Today". Kiwaa nogi versi suai do "Easter Hymn" i sinupu di William Henry Monk i gunoon nogi montok hymne di miagal. Soboogian nopo denominasi Kristian nga oubas momoguno iso no versi, om i nopo suai nga momoguno goduo. Sumoonu, opiolon o hymne diti miampai "Christ the Lord Is Risen Today", i sinuat di Wesley. Opiolon ii tu kouludan boros id suang koduo-duo sinding di oruhai no miagal, om "Christ the Lord Is Risen Today" nga insaru nogi sindingon momoguno melodi "Easter Hymn" miampai Llanfair i koubasanan gunoon sabaagi alternatif.[4]
Sukuon
[simbanai | simbanai toud]
- ↑ Petersen, William J. (2014). The Complete Book of Hymns. Tynedale House. p. 602. ISBN 978-1414331409.
- 1 2 3 "Jesus Christ Is Risen Today". Hymnary.org. Linoyog ontok 2014-03-19.
- ↑ Episcopal Church (2001). The Hymnal 1982. Vol. 1. Church Publishing. p. 683. ISBN 0898691451.
- ↑ "Hymn story, Christ the Lord Is Risen Today". Lectionary.org. Pinoopi mantad sand̠ad ontok 2014-04-07. Linoyog ontok 2014-03-19.
Noputan labus
[simbanai | simbanai toud]- "Jesus Christ is Risen Today" sung by the Ely Cathedral Choir
