Kampung Koubasanan Mari Mari

Mari Mari Cultural Village

(Sawat) Peta ponuduk kampung koubasanan (Siriba) Suangon
Established	1996
Location	Kionsom Road, Inanam, 88450 Kota Kinabalu District, Sabah
Coordinates	5°58′25.99″N 116°12′13.175″E
Type	Open-air, cultural history, living history museum
Website	marimariculturalvillage.my

 

Kampung Koubasanan Mari Mari (Boros Malayu:Mari Mari Cultural Village); (Boros Inggilis: Mari Mari Cultural Village) nopo nga iso muzium poingukab montok momogompi tungkus koubasanan om sajara komuniti pribumi Borneo koibutan id Sabah,Malaysia. Kampung koubasanan nopo diti nga popokito limo tinimungan tagayo momogun Sabah ii no Kadazan-Dusun, Murut, Rungus, Lundayeh, om Bajau.

Sajara om latar likud

Tinuridong o kampung koubasanan diti ontok toun 1996 montok momogompi koubasanan etnik pribumi Borneo koibutan. Ii nopo minonuridong do kampung koubasanan diti nga minaganu kootuson do koponuridangan nopo dii nga sabaagi iso mercu tanda sajara koubasanan id suang generasi i osiau mumang buru, om manakadai kopunsoon koubasanan pribumi, miampai manahak kookunan kumaa kosuusukupan montok popotindohoi tungkus limo tinaru tagayo id Sabah, om popotounda koilaan pogulu (pendedahan) om pondidikan interaktif kumaa mogigion kinoyonon om tutumombului.

Koulalaho

Popokito ii poingkukuro koposion do limo tinimungan etnik pribumi tagayo Sabah maya walai koubasanan, miagal do kapamansayan sumpit, momiapui, om inus tatu, om manahak nogi ponginruaian kokomoi kotumbayaan mistik id pialatan etnik di mogisuusuai. Abaagi o kampung koubasanan diti kumaa limo kokompungan etnik. Id kampung Bajau, popokito ii koubasanan tinaru dii i minundaliu mantad Filipina mantad 500 toun nakatalib. Pokitonon o tengorak id Kampung Kadazan-Dusun om Murut sabaagi panakatanda timpu mangayau montok koduo-duo tinaru dii solinaid kiikiro 100 toun. Popokito o kampung Lundayeh do proses momonsoi bangkad mantad kulit kayu tree bark clothing making. Id kampung Murut, kawasa o tutumombului mampayat abaabayan sumayau id lansaran id nombo tumompul yolo montok mamagampot tutungkap doid kayu i kaagal-agal trampolin. Id kampung Rungus, kiwaa mogikaakawo asil tinunturu i pokitonon. Suai ko ii, kiwaa mogikaakawo nansakan koubasanan i potoundaon do momogun sandad id kampung koubasanan diti.

Galeri

• 
  Pamanahan id kampung koubasanan
• 
  Kosolimbahan sayau
• 
  Tutumombului id kokompungan dii
• 
  Popotounda o koonduan do tindalam koubasanan
• 
  Kapamansayan tatu
• 
  Tinunturu koubasanan

Sukuon

Bibliografi

• Albiston, Isabel; Atkinson, Brett; Benchwick, Greg; Bonetto, Cristian; Bush, Austin; Kelly, Robert; Richmond, Simon; Waters, Richard; Isalska, Anita (1 Magus 2016). Lonely Planet Malaysia Singapore & Brunei. Lonely Planet. ISBN 978-1-76034-162-6.
• Wynd, Viktor (8 Gumas 2025). Dark Fairy Tales: Weird, Wicked Stories from Around the World. Prestel Verlag. ISBN 978-3-641-34135-0.
• De Lange, J. (2025). Let's Travel the World: Volume III: Volume III. Dorrance Publishing Company. ISBN 979-8-89649-971-8.

Noputan labus

• Media related to Mari Mari Cultural Village at Wikimedia Commons
• Official website