Pergi ke kandungan

Karaage

Mantad Wikipedia
Karaage manuk

Karaage (唐揚げ, 空揚げ, or から揚げ, [kaɾaːɡe]) nopo nga teknik mogonsok Jipun miampai do mogikaakawo taakanon, kosoruan nopo nga manuk, om nogi daging om sada suai i guringon id tumau. Proses diti nopo nga kohompit do soluputon id kapingan tokoro daging toi ko' sada miampai do piomungan tapung om kanji kantang toi ko' kanji luong om guringon id tumau. Taakanon nopo nga perap pogulu do soluputon. Misuai o proses dau miampai kopotoundaan do tempura i au perapon om momoguno do linongot montok soluput. [1] Karaage nopo nga kosoruan posurungon siiso toi ko' miampai takano om kubis di nosinsang.

Soira roromu gulu nopo nga soluputon miampai do kanji om okon ko tapung, taakanon dii nopo nga olohou sabaagi do tatsuta-age (竜田揚げ).

Sajara

[simbanai | simbanai toud]
Karaage manuk

Sukuon koiso kumaa gaya momoguring i lohowon do karaage (sinuhut do sinuat sabaagi d o空揚) nopo nga ontok zaman Genroku ontok tohuri abad kumo-17. Karaage manuk nopo nga nointutunan sabaagi taakanon restoran "gaya Sina" (momoguno aksara 唐揚, miampai 唐 kirati do Tang) ontok toun 1930-an. Kiwaa ogumu sinorou id tinimungan do abal om papalabus ngaawi do Jipun kokomoi pomilian kanji, gisom do sasatangan tulun monuat dii maya fonetik sabaagi do からあげ.

Soira gunoon miampai aiso ponimban suai, karaage nopo nga kosoruan sumuku do versi taakanon manuk; i nosiliu do gaya mogonsok do totos toomod gisom nointutunan do mogonsok karaage id walai kopongo Pisangadan Pomogunan II. Koingkawasan do nointutunan karaage diti nopo nga nokoimpuun kopongo pisangadan tu' nokoimpuun id Prefektur Oita id kawalayan sombol Usa om Nakatsu. Ontok Festival Karaage tounan id Nakatsu, lobi 60 kadai misuai i nakaampayat montok popotounda versi ogingo kokomoi taakanon diti.[2][3] Kadai ii popoiklan do "Nakatsu karaage" nopo di nga oihum id pointongkop do Jipun.[4][5]

Id Jipun, kiwaa o karaage manuk diti id kadai serbaneka miagal ko Lawson, FamilyMart, om 7-Eleven sabaagi taakanon potilombus. Okito nogi iti id garai taakanon do pointongkop Jipun.[6]

Karaage sorantau

[simbanai | simbanai toud]
Geso (sesungut sutung) karaage

Gama tu' nakatayad o karaage kumaa pointongkop do Jipun, kiwaa ogumu taakanon serantau montok dii kohompit no di totos ointutunan i nopo nga:[7]

  • Zangi – Karaage versi wilaya Hokkaido, i winonsoi miampai roromu perapan om posurungon miampai sos ponutu di opodos.
  • Tebasaki – Karaage versi Nagoya i winonsoi miampai tulang id suang sayap manuk miampai kinuaan do bijan om sinoluput do sos poimbida.
  • Manuk nanban – Karaage versi wilayah Myazaki i piniriolot miampai suka oomis om kinuaan do sos tartar.
  • Gurukun no kara-age – versi karaage wilayah Okinawa. Gurukun nopo nga sada rasmi om totos ointutunan id Okinawa, i asaru lohowon do "sada punti" id boros Inggilis; i sada guringon do poimponu om posurungon miampai lemon.
  • Dakgangjeong[8] – Naansakan Korea miampai manuk ginuring i osomok no kayagal do karaage nga kosoruan wonsoyon miampai susu om sos oomis/opodos mantad do kisap, wain wagas, pes lado aragang, tudu om pomoroso.
  • Fugu no kara-age – Versi karaage di nointutunan id wilaya Yamaguchi. Shimonoseki nopo nga ointutunan sabaagi do ibu kota fugu[9] om ogumu restoran ii poposurung do fugu karaage i okito id posorili do kakadayan. Guringon o daging, organ om tulang sada sumpit dii.
  • Potato karaage

Karaage id media

[simbanai | simbanai toud]
  • Natanom o Karaage id nansakan do Jipun om nakalabus nogi id TV. Kosoruan kalabus di okito nopo nga id siri anime/manga Shokugeki no Souma, iso palan kokomoi songulun chef tomulok i kiiman-imanon takawas om poingigit id tadon dau kokomoi taakanon restoran paganakan.[10]
  • Iso po kagu arait di toponsol nopo nga mantad di Anthony Bourdain. Bourdain nopo nga manahak rarayou montok taakanon ginuring do Jipun id iso ponorubungan miampai pinopolombus do asaru isio mundorong id Lawon montok maganu karaage soira tumombului id Jipun.[11]
  • Taakanon Tentera Pertahanan Udara Jipun nopo nga karaage manuk ginuring, [12] miagal ko' manuk ginuring id gaya do Okinawan. Noguno nogi iti montok popointutun do JASDF.[12]

Intangai nogi

[simbanai | simbanai toud]

Ralat Lua: bad argument #2 to 'title.new' (unrecognized namespace name 'Portal').

  • Manuk ginuring
  • Kointayadan do teknik mogonsok
  • Kointayadan do taakanon deep fried
  • Tempura

Noputan labus

[simbanai | simbanai toud]
Wikimedia Commons has media related to Karaage.

Sukuon

[simbanai | simbanai toud]
  1. ↑ Judkis, Maura (26 November 2014). "Plate Lab: Karaage is like Japanese fried chicken". The Washington Post.
  2. ↑ "What's on | Oita, Japan | Tourism Information". www.discover-oita.com. Linoyog ontok 2024-06-05.
  3. ↑ "Karaage Festival" Retrieved June 5 2024
  4. ↑ "【大分名物】中津からあげ7選！からあげの聖地で外せない名店はココ！" Retrieved June 5 2024
  5. ↑ "【東京都内】こだわりのから揚げ専門店7選！大分・中津のご当地からあげも♪" Retrieved June 5 2024
  6. ↑ Nomura, Mona (2017-02-21). "Japanese Convenience Stores Are Havens Of 24/7 Snacking". Eater. Linoyog ontok 2019-05-31.
  7. ↑ "Chickened Out: Kara-age, Tatsuta-age, and More - Special Features - Japanese Food". NHK WORLD (id boros Inggilis). Linoyog ontok 2019-05-31.
  8. ↑ "Dakgangjeong (Sweet Crispy Korean Fried Chicken)". Korean Bapsang. 2014-03-17. Linoyog ontok 2019-05-31.
  9. ↑ "Shimonoseki Guide". Japan Experience. 2012-12-27. Linoyog ontok 2022-03-08.
  10. ↑ MKD TUBE 2.0 (2019-01-13), 食戟のソーマ Shokugeki no Soma [HD] WALK-N-EAT-KARAAGE || Best moments #6, linoyog ontok 2019-05-31
  11. ↑ Joyce, Tabitha (13 June 2018). "Anthony Bourdain's favourite foodie finds". CN Traveller. Linoyog ontok 2019-05-31.
  12. ↑ 12.0 12.1 "ASDF hopes its fried chicken can outgun popular curry of MSDF". Asahi. November 3, 2020. Pinoopi mantad sand̠ad ontok April 7, 2021.
Naanu mantad "https://dtp.wikipedia.org/w/index.php?title=Karaage&oldid=22556"