Kikili pogun Sabah

Kikili Sabah, om Sabah iso pogun do Molisia, noimaganan di 16 Manom 1988, di kinouliton ko-25 do kinawansayan do Pisompuruan Molisia. I kikili nopo nga aragang, opurak, om haro o tolu tinalup wotik do bulou. Iri nulu id watakan (canton) nopo iso id kikili di 1963, nga obulou tuo kilikud do obulou mulok. Nulu Nabalu i nulu pointangan id kikili dii.

I limo wotik misuai popoobi do limo boogian id Sabah.

• Tangot do Nulu Nabalu pongobi pogun Sabah.
• Bulou butia pongobi kotoronongon.
• Bulou kinojil pongobi koisaan om puawang.
• Bulou muun pongobi kinoris om piunungan.
• Purak pongobi niniting om piadangan.
• Ragang lado pongobi siniou om tinorodok.

Kopongobianan

Kikili pogun Sabah koiso (1963-1981)

Ontok 31 Magus 1963, pinoimagon di Sabah iso kikili apat-buris (ragang ontok purak ontok silou ontok bulou) miampai watakan otomou om nulu kiwotik gulupak maan pongobi Nulu Nabalu. Pinoundar di Idris Echin, songulun mongundarwangun do Koonggomon Tana' om Tipong mantad Jesselton (baino Dondoung Kinabalu). Watakan otomou pongobi tana' om talun tomulok do pogun dii, om i wotik gulupak do Nulu Nabalu pongobi do koisaan ginumuan. Buris taragang pongobi siniou om kasantaban do lumubuk montok pogun dii, purak pongobi niniting, silou pongobi dapu' om puawang pogun, om bulou pongobi kotoronongon om kounsikaan.

Kikili pogun Sabah koduo (1982-1988)

Nundar kikili koduo nowonsoi di 1981 di kolunduan pogun nopuruan di Simpung Dumbangan Ginumuan Poinsompuu (BERJAYA), om noimaganan di 1 Milatok 1982, i tadau kinoilihan hiza di Malaya miampai hiza Sabah om Sarawak kapamansayan do Hiza Songiyo Molisia. Suai kopio nundar do kikili dii moniton i nakatalib. Bulou ontok purak miampai tolusunduk taragang id ponong dokot-torigi. Kaagal do kikili Trisakti pogun sombol Sarawak gisom 31 Magus 1988, i ragang ontok purak miampai tolusunduk obulou id ponong dokot-torigi. Kolunduan pogun dii minamabang do i ragang pongobi siniou om angkab, bulou pongobi kotoronongon om koimburuan, om purak pongobi kokopio'on om katapatan. Sinimban dii nowonsoi kaka tu' i Nulu Nabalu nogi i pamangai do Kotinanan Kopogunan Sabah Poinsompuu (USNO). Pinili do kopoiduan do Nulu Nabalu mantad do kikili tontok dii amu sokodungon di kogumuan ginumuan Sabah.

Kikili nawayaan

• 
  Kikili Bornio Koibutan (1882–1902)
• 
  Kikili Bornio Koibutan (1902–1942 om 1945–1946).
• 
  Kikili padau Bornio Koibutan (1882–1902)
• 
  Kikili padau Bornio Koibutan (1902–1942 om 1945–1946).
• 
  Kikili lundupogun Bornio Koibutan (1882–1903).
• 
  Kikili lungupogun Bornio Koibutan (1903–1915).
• 
  Kikili padau Bornio Koibutan (1915–1946).
• 
  Kikili Pogunon Siungmuun Bornio Koibutan (1948–1963).
• 
  Kikili Padau Pogunon Siungmuun Bornio Koibutan (1948–1963).
• 
  Kikili lundupogun Bornio Koibutan (1948–1963).
• 
  Kikili pogun Sabah (1963–1981).
• 
  Kikili pogun Sabah (1982–1988).
• 
  Kikili pogun Sabah gunoon baino.

Kikili dondoung

Dondoung	Kikili	Kapamangayan
Dondoung Kinabalu		Buris poinhamad do ragang, purak, silou, om tomou, om watakan bulou mulok miampai tangot bulou tuo do Nulu Nabalu.

Intaai nogi

• Kolid pamangai do Sabah

Noputan labus

• Natadsaang Poimbida Kolunduan Pogun Sabah.
• Flagspot.net: Kokomoi Sabah