Pergi ke kandungan

Kinoyonon Panamangan om Ponondulian Lembah Danum

Coordinates: 4°55′N 117°40′E / 4.917°N 117.667°E / 4.917; 117.667
Mantad Wikipedia

Kinoyonon Panamangan om Ponondulian Lembah Danum
Haun kosuabon id Lembah Danum, Borneo
Map showing the location of Kinoyonon Panamangan om Ponondulian Lembah Danum
Map showing the location of Kinoyonon Panamangan om Ponondulian Lembah Danum
Danum
Valley
LocationSabah, Malaysia
Nearest cityLahad Datu
Coordinates4°55′N 117°40′E / 4.917°N 117.667°E / 4.917; 117.667
Area438 km2 (169 sq mi)
Established1980
Sunsuyon do tulun id talun rasam tropika id Lembah Danum

Kinoyonon Panamangan om Ponondulian Lembah Danum nopo nga iso kinoyonon miampai 438 kilometer persegi do talun dipterokarpa tana pamah i au atangkangau no id Sabah, Malaysia. Kinoyonon diti nopo nga kiwaa mogikaakawo flora om fauna tropika, kohompit no do kawo miagal do kogiu Borneo i ingkuri do okito, owa, rusa tikus, rimau kumbang om lobi ko 270 kawo tombolog. Ababayan i poindalanon do hiti nopo nga miagal do mimpanau id talun, mangkaau id bawang, mogintong do tombolog, tumombului do talun maamaso totuong om tumombului do kinoyonon pongingkoyuan om kilang kayu di miinsomok[1]

Kinoyonon diti nopo nga kistatus di poinsuai-suai hinonggo pogulu do nokosiliu sabaagi do kinoyonon panamangan om ponondulian, aiso tulun do mogion-gion do hiri, aiso mongintalun, aiso pongingkoyuan om katangkangahan mantad tongotulun nopo nga aiso, poposiliu do kinoyonon diti nopo nga poinsuai-suai kopio. Tamangan iti do Yayasan Sabah montok tudu ponondulian, ponoriukan, pondidikan om tudu momoluda do ponondulian habitat. Kiwaa sogu montok poposuang do kinoyonon diti sabaagi Kinoyonon Tungkus Pomogunan UNESCO.[minog do kisukuon]

Geografi

[simbanai | simbanai toud]

Kakadayan bobos tosomok nopo nga Lahad Datu miampai lobi kuang 82 km sinodu (lobi kuang 2 jaam pamanahom, lobi-lobi po id ralan pongingkoyuan). Longkod Lapangan Lembah Danum nopo nga iso kotinanan ponoriukan montok tudu saintis om pondiidkan, om kinoyonon popobibit montok monginggumu do puun Dipterocarpus soginumu lobi ko 100,000. Kiwaa piipiro sulap do winonsoi hiti montok tutumombului, om iso sulap di bobos otutunan nopo nga Borneo Rainforest Lodge. Mantad do hiti, milo mamanau o tutumombului maya do denai talun tana tosiriba om mamanau gakod toi ko' sumakai korita maamaso safari totuong. Ogumu tulun do rumikot montok mogintong do tombolog om mogintong do tayam tolias. Walai tumbayaan suai nogi nga kohompit do Longkod Padang Danum Valley om i bobos poinwagu nopo nga Kawag Nature Lodge. Lembah diti nopo nga kibontuk miagal do tompurung, miampai kinawas tana bobos takawas nopo nga 1093m.

Sajara poinsandan

[simbanai | simbanai toud]
Varanus salvator, lobi kuang 1.5m ninaru

Fauna

[simbanai | simbanai toud]

Talun rasam tropika tana tosiriba nopo nga ponokowalai montok kogumuan do tombolog om mamalia. Kinoyonon diti nopo nga kinoyonon montok do monguungupu do tusak kikaca mato miampai poimponu do sundait di nokorikud. Kogiu Borneo, owa Borneo Müller, om primata suai, kohompit no do tarsier Horsfield, miampai rusa, tingau tolias om godiongon tonini Borneo di ingkuri kopio okito.

Kogiu tolias id Lembah Danum

Kinoyonon bobos otutunan do suai di poingion id kinoyonon diti nopo nga bohuang tadau om badak sumbu Borneo. Fauna songongi di ogumu kopio nopo nga nokosiliu do iso gana ponoriukan tapangkal id Longokod Lapangan Lembah Danum, om fauna siput tindal nogi nga sabaagi iso di ogumu kopio id pomogunan, miampai lobi kuang 61 kawo nokorikud mantad 1- km-plot.[2]

Flora

[simbanai | simbanai toud]

Flora, lobi-lobi po id habitat talun rasam tana tosiriba Borneo, miampai puun dipterokarpa di lobi ogumu. Id kinoyonon kanopi talun di korikot gisom do 70 meter.[3] Mogikaakawo spesies Dipterocarpus nopo nga haro id Borneo. Kawo endemik toi ko' sandad do pulou diti nopo nga kohompit no do D. acutangulus, D. applanatus, D. borneensis, D. caudatus, D. caudiferus, D. confertus, D. conformis, D. coriaceus, D. costulatus, D. crinitus, D. elongatus, D. eurynchus, D. fusiformis, D. geniculatus, D. glabrigemmatus, D. globosus, D. gracilis, D. grandiflorus, D. hasseltii, D. humeratus, D. kerrii, D. mundus, D. ochraceus, D. palembanicus, D. sarawakensis, D. tempehes, D. validus om D. verrucosus. Lembah diti nopo nga ponokowalai kumaa lobi ko' 15,000 kawo do susumuni, sundung pia 94% mantad dii nopo nga susumuni id suang do genus dipterocarp. Flora suai di okito id lembah diti nopo nga miagal do kukuanga. Antakan di toun 2019, puun tropika bobos takawas id pomogunan, meranti tosilou (Richetia faguetiana) lohowon sabaagi Menara, nokito id lembah diti. [4]Notipong sokinawas do 97.58 m (320.1 kaki), i poposiliu sabaagi do puun tropika poimpasi di bobos takawas id pomogunan.[5]

Intangai nogi

[simbanai | simbanai toud]

Sukuon

[simbanai | simbanai toud]
  1. ↑ "Danum Valley". Tourism Malaysia. Pinoopi mantad sand̠ad ontok 23 Mikat 2014. Linoyog ontok 23 Mikat 2014.
  2. ↑ Schilthuizen, M. & H.A. Rutjes, 2001. Land snail diversity in a square kilometre of tropical rainforest in Sabah, Malaysian Borneo. Journal of Molluscan Ss, 67: 417–423
  3. ↑ "Danum Valley Field Centre". Tawau. 25 Gomot 2014. Pinoopi mantad sanḏad ontok 1 Ngiop 2014.
  4. ↑ "The world's tallest tropical tree has been discovered—and climbed—in Malaysian Borneo". National Geographic Society. 3 Ngiop 2019.
  5. ↑ Shenkin, Alexander; Chandler, Christopher; et al. (2019). "The World's Tallest Tropical Tree in Three Dimensions". Frontiers in Forests and Global Change (id boros English). 2: 32. Bibcode:2019FrFGC...2...32S. doi:10.3389/ffgc.2019.00032. hdl:2164/12435. ISSN 2624-893X.{{cite journal}}: CS1 maint: unrecognized language (link)

Noputan labus

[simbanai | simbanai toud]
Wikimedia Commons has media related to Danum Valley Conservation Area.
Naanu mantad "https://dtp.wikipedia.org/w/index.php?title=Kinoyonon_Panamangan_om_Ponondulian_Lembah_Danum&oldid=20896"