Kiyonori Kikutake

Muzium Edo-Tokyo, rekaan nopo nga winonsoi di Kiyonori Kikutake

Kiyonori Kikutake (1 Ngiop 1928 – 26 Momuhau 2011) nopo nga songulun arkitek di otutunan kopio id jipun, i otutunan sabaagi songulun minongimpohon do tinimungan Metabolis Jipun. Isio nogi nga songulun tutor om majikan kumaa piipiro arkitek Jipun di oponsol miagal ko' i Toyo Ito, Shōzō Uchii om Itsuko Hasegawa.

Kopoilaan

Nosusu i Kikutake di toun 1928 id Kurume, Jipun om nakalantoi mantad Universiti Waseda di toun 1950.

Pakalajaan

Otutunan i Kikutake maya do projek "Marine City" di toun 1958, i soboogian do Manifesto Metabolis i nokohimagon id Porsidangan Rika Bontuk Pomogunan id Tokyo di toun 1960 id siriba do puruanan di Kenzo Tange. Isio miampai do tambalut surupu Kisho Kurokawa nopo nga naalap montok popokito do kalaja id kopokitanan "Inus Winonsoi Kiwawasan" id New York di toun 1961, hinonggo nakaanu pongiktirafan sompomogunan o Metabolists. Pinotilombus di Kikutake o kowoowoyoon disio gisom minidu pogun di toun 2011, pinpaasil do piipiro bongunan awam tapangkal id pointongkop do Jipun, om manahak do booboroson id taang sompomogunan. Isio nogi nga Presiden om potilombus nosiliu do Presiden Kehormat Institut Arkitek Jepun. Insaru nogi i Kikutake do miuhup miampai do jurutera struktur bobos otutunan id Jipun, i Gengo Matsui. Nokotimpuun mantad kotimpuunon 1950-an, miniuhup yolo id suang do rika bontuk lobi ko' 40 bongunan, kohompit no projek di otutunan kopio miagal do Sky House, Hotel Tōkōen, Ossuari Kuil Toku’un-ji, om Dewan Sivik Hagi.

Gaa

Kikutake nopo nga ponorimo mogikaakawo gaa id pogun sandad dau, Jipun, om nogi sompomogunan. Iti nopo nga kohompit no Hadiah Akademi Seni Bina Jepun (1970) om Hadiah Auguste Perret UIA (Union Internationale des Architectes) (1978).

Katayadan do asil kalaja

• Sky House, Tokyo, 1958
• Marine City (suul), 1958
• Longkod Sivik Tatebayashi, Gumma, 1963
• Bongunan pontadbiran Kuil Izumo, Shimane, 1963
• Hotel Pasifik Chigasaki, Kanagawa, 1966
• Dewan Sivik Miyakonojo, Miyazaki, 1966
• Menara Expo, Expo '70, Osaka, 1969
• Pasadena Heights, 1975
• Menara Matsumi, Ibaraki, 1976
• Muzium Inus Tanabe, Shimane, 1979
• Hotel Seiyo Ginza, Tokyo, 1987
• Muzium Edo-Tokyo, Tokyo, 1993
• Hotel Sofitel Tokyo, Tokyo, 1994
• Kuil Kitaya Inari, Tokyo, 1997
• Muzium Inus Shimane, Shimane, 1999
• Muzium Pogun Memorial Showa, Tokyo, 1999
• Muzium Pogun Kyushu, Fukuoka, 2005

• 
  Longkod Sivik Tatebayashi, 1963
• 
  Bongunan pontadbiran Kuil Izumo, 1963
• 
  Dewan Sivik Miyakonojo, 1966
• 
  Menara Ekspo Osaka, 1970
• 
  Menara Matsumi, 1976
• 
  Hotel Seiyo Ginza, 1987
• 
  Muzium Edo-Tokyo, 1993
• 
  Hotel Sofitel Tokyo, 1994
• 
  Kuil Kitaya Inari, 1997
• 
  Muzium Pogun Memorial Showa, 1999

Sukuon

• Kisho Kurokawa, "Nontodon om Sajara Koguraan Metabolis" - Charles Jencks, Kisho Kurokawa. Studio Vista, 1976
• Botond Bognar, "Beyond the Bubble: Inus Winonsoi Kontemporari Jipun" ; Phaidon, 2008

Noputan labus

• K. Kikutake Architects
• Marine City, 1958