Kosilahon Tanga'

Kosilahon Tanga' nopo nga iso kinoyonon tumanud politik om koubasanan nopo nga soboogian mantad wonuo Asia, toi ko' Afrika-Eurasia. Guas nopo do katanaan diti nga id tana talampai id pialatan Rahat Mediterranean om Suok Parsi om kinoyonon katanaan poinaru id Anatolia, Gasait Arab,Gasait Gaza,Semenanjung, om Gasait Sinai. Sumonu nopo nga asaru nogi roitan kinoyonon diti sabaagi kinoyonon di kohompit no kinoyonon id katanaan Afrika Koibutan id sampaping kotonobon gisom korikot id Pakistan id sampaping Kosilahon om Caucasus om / toi ko' Asia Tanga' id sampaping koibutan. Media om piipiro kotinanan Sompomogunan (miagal do PBB) koubasanan nopo katanaan Kosilahon Tatanga' sabaagi katanaa Asia Baat-Donob (kosuang no Cyprus om Iran) rinuhangan miampai do Aigip (Egypt).

Katanaan dilo komoyon do haro ogumu tinaru om koubasanan kohompit no tinaru miagal do Iran, tinaru Arab, tinaru Girik, tinaru Berber, tinaru Assyria, tinaru Kurdis om tinaru Turki. Boros koiso di gunoon nopo: boros Parsi, boros Arab, boros Ibrani, boros Assyria, boros Kurdis om boros Turki.

Kogumuan pogun id Kosilahon Tanga' (13 mantad ko' 18 pogun) nopo nga soboogian mantad dalad Arab. Susuyan Kosilahon Tanga' nokoimpuun mantad hiza kodori miampai kapansalan komisiwal-tana' dalad dilo noimaganan do solinaid piipiro niribu toun. ^[1]^[2] ^[3]

Kogumuan borosuat id Kotonobon manahak komoyon "Kosilahon Tanga'" kuma'a pogun-pogun id Asia Baat-Donob, mantad Iran (Parsi) gisom Aigip. Aigip miampai gasait Sinai dau di haro id Asia koubasanan do roitan sabaagi Kosilahon Tanga', mulong pia soginumu tagayo kinoyonon di id suang sidtana' kakal poinsuang id Afrika Koibutan.

Mantad do pintanga'an natus ko-20, Timur Tanga' nadadi do guas-guas nuununu kinootuson do pomogunan, om nadadi do wilayah di sensetif kopio id mogikaakawo gana, miagal ko kinostrategiko kinoyonon, politik, konunuon, koubasanan om kotumbayaan. Timur Tanga' nogi haro guas tumau mata' di ogumu kopio om nogi sabaagi kinoyonon kinosusuon om guas do kotumbayaan id gana kotumbayaan Silam.

Gontob/Pialatan

Hogot 'Kosilahon Tanga'' sumuku do katanaan koubasanan, om mantad dii, aiso gontob do pointantu. Komoyon di kogumuan do gunoon tulun ginumuan nopo nga miagal do: Bahrain, Cyprus, Aigip (Egypt), Turki, Iran (Parsi), Iraq, Polistin, Jordan, Kuwait, Libanon, Oman, Qatar, Arab Saudi, Syria, Koimiran Arab Miiso, Yaman, Polistin (maan gonding kuma'a katanaan Piras Kotonobon om Gaza).

Iran nopo nga pialatan id bobos kosilahon, om sumoonu nogi kosuang nogi Afghanistan om Pakistan kotonobon tu ogumu piagalan om piinsamakan (maya tinaru om kotumbayaan) miampai ginumuan do togumu mantad ginumuan Iran. Nogi nosili tu' susuyan koumbal do nosili soboogian mantad togori dau di kohompit no watas-watas dii. Afganistan, Tajikistan om Pakistan kotonobon di haro pionitan koubasanan, boros om susuyan miampai Iran. Daamot pionitan id pialatan Iran om Pogun-Pogun Arab suai tu haro pionitan maya kotumbayaan om piinsamakan maya sidtana'.

Peta popokito pogun-pogun di notumbayaan do soboogian mantad Kosilahon Tanga'

Koubasanan pogun-pogun Afrika Koibutan nogi pinotongoi:

Suai ko iri pogun-pogun diri nogi pinotonggoi:

Koluguyurupan (Eurocentrism)

Piipiro nogi mooboros kokomoi do hogot Kosilahon Tanga' tu koluguyurupan dau. Katanaan diti poingiliu id kosilahon Yurup kotonobon. Mantad India, poingiliu yau id kotonobon; montok Rusia yau poingiliu id kabaatan. Pomogunaan boros Tanga nogi naantak tu' koborulangan tulun ginumuan. Pogulu Pisangadan Pomogunan ko-I, 'Kosilahon Somok' gunoon do Inggilis montok monuduk do watas Balkan om Dalad Turki Osman, daamot do Kosilahon Tanga montok Iran, Afghanistan, om Asia Tanga', Turki, om Caucasus. 'Kosilahon Sodu' (Far East) ponuduk montok do pogun-pogun 'Asia Kosilahon', miagal Siam, Gipun, Hong Kong, om suai-suai po.

Gisom do natagak Kolunduan Osman ontok toun 1918, 'Kosilahon Somok' osomok no do oolingan om amu gunoon id kapamalaha'an ginumuan, om namot Timur Tanga kakal do gunoon montok monuduk do kinoyonon pogun-pogun Silam. Mulong pia kopomogunoon di Kosilahon Somok kakal do gunoon id piipiro gana' kabaalan, kohompit no sidlaid (archeology) om susuyan laid (prehistory).

Siniwal koluguyurupan nogi haro pionitan kuma'a do tinopot Kosilahon om Kotonobon di popokomoi suang pionitan miampai tuku poinhamad sumuku kuma'a Tukutanga' Tagayo toi ko Tukutanga' Greenwich.

Sukuon

[1] Cairo, Michael F. The Gulf: The Bush Presidencies and the Middle East Archived 2015-12-22 at the Wayback Machine University Press of Kentucky, 2012 ISBN 978-0-8131-3672-1 p xi.

[2] Government Printing Office. History of the Office of the Secretary of Defense: The formative years, 1947–1950 Archived 2015-12-22 at the Wayback Machine ISBN 978-0-16-087640-0 p 177

[3] Kahana, Ephraim. Suwaed, Muhammad. Historical Dictionary of Middle Eastern Intelligence Archived 2015-12-23 at the Wayback Machine Scarecrow Press, 13 apr. 2009 ISBN 978-0-8108-6302-6 p. xxxi.

[1]

[2]

[3]