Kudara-dera

Kudara-ji
百済寺
Kudara-ji ruins
Religion
Affiliation	Buddhist
Status	ruins
Location
Location	Nakamiya Nishinocho, Hirakata-shi, Osaka-fu
Country	Japan
Shown within Osaka Prefecture Kudara-dera (Japan)
Geographic coordinates	34°48′56″N 135°39′40″E
Architecture
Founder	Kudara-no-konishiki Kyōfuku
Completed	750 AD
Special National Historic Site of Japan

Kudara-ji nopo nga iso kuil Buddha i poinladsong id kakadayan tagayo Hirakata, Osaka, Jipun. Baino, napayang no o kuil diti om bagas kinoyonon nopo nga nakatatap sabaagi Tapak Kisajara Pogun di toun 1941, miampai kopomoroitan nopo nga nosimbanan kumaa Tapak Kisajara Kabansaan Poimbida di toun 1952. Nukaban o kinoyonon diti kumaa tulun ginumuan sabaagi iso taman arkeologi kumoiso id Jipun di toun 1965.

Sajara

Kudara-ji nopo nga pinoimpohon di Kudara-no-konishiki Kyōfuku di 750 AD. Maamaso 660 AD, kerajaan Baekje id Semenanjung Korea nopo nga naanu do pakatan Silla–Tang, om raja kotohuri dau, Uija mantad Baekje nopo nga noit kumaa id China sabaagi tawanan. Sundung pia miagal dii, tanak dau, i Buyeo Pung nopo nga minogidu kumaa id Jipun, om au nakalantoi miampai di jeneral Yamato Abe no Hirafu montok mononduli karajaan. Songulun tanak kusai kingaran do i Zenkō, poingion id Jipun om noonuan do ngaran paganakan Kudara no Konikishi mantad di maharaja Jipun. Id kotimpuunon, Kudara-no-Konishiki karamit do layanan poinsuai-suai nga noasimilasi kumaa tongotulun kiharo-haro Jipun di toun 691. Kudara-no-Konishiki Kyōfuku nopo nga cicit di Zenkō om kitonggungan sabaagi gabenor nominal Wilayah Mutsu om nokoruba do deposit amas di tayago, i numaan patahako kumaa Mahkamah montok gunoon do momongo Daibutsu id Tōdai-ji id Nara. Kudara-ji nopoa nga winonsoi au alaid mantad kaantakan dii.

Naraag o kuil diti gama do tapui maamaso abad ko-11 om ko-12, maamaso timpu puak Kudara-no-Konishiki natagak mantad landskap pulitik om au koumbal di winonsoi kawagu.

Nukad o tapak diti di pogulu po, antakan di toun 1932, om tumanud do watu impohon di nokito, nakatantu no do kuil diti nopo nga haro ponguludan momoguno kowoowoyoon "Yakushi-ji", hinonggo haro Gerbang Kabaatan, Gerbang Taatanga, sapasang pagoda misampaping, Dewan Tapangkal om Dewan Kuliah i poinladsong id kinoyonon lobi kuang 200 meter id monikid tisan. Nakaanu iti do koumoligan mantad tapak Kisajara Pogun di toun 1941 tumanud do kinabantalan diti, nga' nosunian do gamut kayu o kinoyonon diti gisom nakaanu minomorumbak do impohon. Pongukadan kumoinduo nopo nga pinoindalan di toun 1956, i norubaan id iso biara i popioput do Dewan Tapangkal kumaa Gerbang Taatanga, poposiliu do ponguludan di lobi poinsomok miampai do kinorumbakan kuil Kanon-Ji Silla om okon ko' Yakushi-ji. Pongukadan kotolu nopo nga pinoindalan di toun 2005 montok monginsonong do korumbakan om montok mamadalin do jurang id suang do pongintangan koduo. Maamaso mongukad, serpihan patung Buddha tagayo kibontuk do relief nopo nga nabantalan.

Kinorumbakan do kuil nopo nga poinladsong lobi kuang 10 minit mamanau gakod Stesen Miyanosaka id Wayaan Koritapui Lotirik Keihan Katano. Kudaraō Jinja, iso Kuil Shinto i winonsoi montok di tinimungan Kudara no Konikishi nopo nga poinladsong misampaping do kinoyonon dii.

Galeri

• 
  Tapak Dewan Tapangkal
• 
  Tapak Pagodi Kosilahon
• 
  Tapak Pagoda Kotonobon
• 
  Tapak Dewan Kuliah
• 
  Tapak bongunan di au noilaan id ponong koibutan
• 
  Tapak Gerbang Taatanga
• 
  Tapak Gerbang Kabaatan

Intangai nogi

• Katayadan do Kinoyonon Kisajara id Jipun (Osaka)

Noputan labus

• Hirakata city tourist information home page (id boros Jipun)
• Kuradao Jinja official site (id boros Jipun)
• Osaka Prefectural Government official site(id boros Jipun)