Lado Tagayo

Capsicum annuum
Tua Lado Tagayo
Scientific classification
Kingdom:	Susumuni
(unranked):	Eudicots
(unranked):	Asterids
Order:	Solanales
Family:	Solanaceae
Genus:	Capsicum
Species:	C. annuum
Binomial name
Capsicum annuum L.
Kawo
C. a. var. annuum Capsicum annuum L. var. grossum Capsicum annuum var. lycopersiciforme C. a. var. glabriusculum

Soroi Tagayo,Lado Kaling Taragang,Lado Tagayo toi ko' Lado Taragang nopo nga susumuni ii kitua do ogumu om asaru gunoon Id suang do nansakan rayat pogun Malaysia.

Koulaalaho Botani

Linukisan Botani Soroi Tagayo.

Iti nopo nga susumuni ii amu songkuro agayo minampai kinawas korikot 1m.Watang I sampapas kikayu,kigarapang,kiwatang omulok di kihulu aalus om kiwarana do otomou.Roun mintotoiso,amu songkuro agayo,kiraan anaru,obulugu miagal tontolu minampai atarom o tompok,disan roun di apatau.Wusak mintotoiso,amu songkuro agayo,kibontuk do rombituon,opurak,sumoliwan mantad raan roun.Tua dau atarom poinaru,aalus o kulit,kiwarana otomou maso omulok om aragang soira kotuo.Tua nopo nga kaatul kumaa siriba om ogumu linsou I alampis kiwarana do osilou om mundaliu kumaa sokulit soira kotuo.

Kounalan

Tua Lado nopo diti nga ogumu vitamin A,B,B kumpliks om c,protein, karbohidrat, karotin. Iti nogi haro ogumu mineral miagal Zat Besi, kalsium, fosforus, kalium om natrium.Okon nogi ogumu o capsaicin,nga loobi opodos lado diti.Capsaicin nopo diti nga sabaagi ohon mongumang do toruol ulser peptik om nogi ohon mongumolig kumaa karsinogen I kaanu do popoulai toruol kanser.

Kaanu nogi do poposonong wayaan do raha,monolibamban toruol tatalanan om moningolig do toruol okodou raha thrombosis.

Mogisuusuai kawokultivar Lado tagayo.