Pergi ke kandungan

Lumen fidei

Mantad Wikipedia

Lumen fidei
Latin for 'The Light of Faith'
Encyclical of Pope Francis
Coat of arms of Pope Francis
Signature date 29 Mahas 2013
SubjectOn faith
Pages88
Number1 mantad 4 of the pontificate
Text
 

Lumen fidei (Inggilis:The Light of Faith, Kadazandusun: Babang Kotumbayaan) nopo nga suat ensiklik koiso di Pope Francis, pinosoliwan ontok 29 Mahadd 2013, mihondot Karamayan Tobitua Santo Petrus om Santo Paulus, om pinalabus ontok 5 Madas 2013, au korikot apat tulan kalapas nosiliu isio do Paus. Pinalabus ii ontok Toun Kotumbayaan (Year of Faith) i pinoimagon di Pope Benedict XVI i nokoindalan mantad Gumas 2012 gisom Milau 2013. Iti nopo nga ensiklik koiso id suang sajara Gereja Katolik i sinuat do duo tulun Paus, tinimpuunan di Pope Benedict XVI om numaan di Pope Francis pongoo'.[1]

Subjek

[simbanai | simbanai toud]

Tumanud di Francis X. Rocca, "Ensiklik koiso di Pope Francis, 'Lumen Fidei' (Babang kotumbayaan), nopo nga iso karamayan montok kotumbayaan Kristian sabaagi binabang tapanai montok 'koposion nakalantoi om kitua'', i popokito koimaan social om kapatahakan kumaa Kinotohingan, om mamabang 'oinsanan aspek kaharaan tulun', kohompit no falsafah om sains sandad."[2]

Ensiklik nopo diti nga manahak tarad kumaa kotumbayaan om momogonop nunu i sinuat di Pope Benedict XVI nokopogulu kokomoi lisih om kalansanan, duo I oponsol doid teologi, id suang ensiklik disio Deus caritas est om Spe Salvi.[3] Kumalaja i Pope Francis tumanud draf koiso i nopongo no di Benedict pogulu minidu isio mantad buruon[4] om minanahak kointalangan miampai poingukab kokomoi monunurat sandad: "Pomusarahan kawagu kokomoi kotumbayaan diti – id suang kopioputan miampai oinsanan i pinokomoi do magisterium gereja kokomoi kapansalan teologi diti – kitudu montok momogonop nunu i sinuat di Benedict XVI id suang ensiklik dau kokomoi lisih om kalansanan. Osomok no daa disio opongo o draf koiso ensiklik kokomoi kotumbayaan. Montok ahal diti, monongkounsikou tomod oku disio, om sabaagi tobpinai id suang Kristus, notuntunan ku asil kalaja dau di osonong om minomoruhang piipiro sakadai ku sondii."[5]

Abaagi o ensiklik diti kumaa apat bab, miampai iso ponogulu om iso pomolingkuman. Poporulud Ii sajara kotumbayaan Gereja (mimpuun do kapamalahawan Kinorohingan kumaa Abraham om tulun Israel, gisom Kinotungagan di Jesus), mitimbungak piromutan do Pomusarahan om kotumbayaan, tonggungan Gereja id suang kopotunuyan kotumbayaan, om nogi tonggungan kotumbayaan id suang kapamansayan moomogun i miampot mogihum kasanangan oinsanan. Nolimpupusan o teks diti miampai sambayang kumaa Haahangai Maria, sabaagi model kotumbayaan.

Suang

[simbanai | simbanai toud]

Nokoumbal i Pope Francis momoguno metafora koposion sabaagi iso pamanahon, loolobi id suang boboroson dau kumaa uskup ngaawi do Brazil ontok Madas 2013. Id suang Lumen fidei, minapatayad isio do i nopo di pogulu po, kotumbayaan nopo nga okito sabaagi binabang i popoidu kotuongon om mamabang do ralan nga sumusuhut orotian sabaagi "iso kosimbulan id suang kotuongon, miampai aiso binabang, nga pinogura do emosi bolou toi ko' sabaagi binabang subjektif, i kaanu manahak kotoronongon ginawo om mogowit lilingoon, nga okon i ko iso i milo posunudon kumaa tulun suai sabaagi binabang objektif om miampot i popotunud do wayaan."[6] Soboogian nopo tudu ensiklik diti nga montok popoguli kawagu binabang kotumbayaan kumaa kopomorotian kokomoi tonggungan dii id suang tindalanon miampot miampai oinsanan tulun.

Sukuon

[simbanai | simbanai toud]
  1. ↑ Hahn, Scott. Evangelizing Catholics: A Mission Manual for the New Evangelization (p. 17). Our Sunday Visitor. Kindle Edition.
  2. ↑ Rocca, Francis X., "Lumen Fidei: an overview of Pope Francis’s first encyclical", Catholic Herald, July 5, 2013
  3. ↑ Speciale, Alessandro (4 Madas 2013). "The light of faith: origin, history and horizon of the christianism". La Stampa. Turin. Linoyog ontok 19 Gumas 2013.
  4. ↑ Speciale, Alessandro (4 Madas 2013). "The light of faith: origin, history and horizon of the christianism". La Stampa. Turin. Linoyog ontok 19 Gumas 2013.
  5. ↑ Pope Francis (29 Mahas 2013). "Encyclical Letter Lumen Fidei". Vatican.va. Linoyog ontok 23 Manom 2017.
  6. ↑ Pope Francis. Lumen fidei, §3, June 29, 2013, Libreria Editrice Vaticana

Noputan labus

[simbanai | simbanai toud]
Wikiquote has quotations related to Lumen fidei.
Naanu mantad "https://dtp.wikipedia.org/w/index.php?title=Lumen_fidei&oldid=21264"