Maiasmokk
.jpg)
Maiasmokk (id suang boros Estonia kirati nipon oomis, maya literal 'munung oomis') nopo nga kafe kisajara id Tallinn, tama pogun do Estonia. Id suang bontuk dau babaino, beroperasi kafe diti mantad toun 1864, poposiliu dii sabaagi kafe bobos otuo i kakal po beroperasi id Estonia. Id suang nogi do premis kafe diti, kiwaa muzium i popokito sajara om kogunoon do marzipan. Baino, sanganu nopo do kafe diti nga syarikat Kalev.
Lokasi om kotolinahasan
[simbanai | simbanai toud]Kafe
[simbanai | simbanai toud]Minapatayad o laman web rasmi Maiasmokk do kafe nopo diti nga "manahak pastri segar, pai om kek onsoyon sondii om nogi gula-gula inonsoi sondii ii opoto."[1] Suai ko ii, popotounda nogi o kafe diti do kupi alasu id suang mogisuusuai variasi. Kafe nopo diti nga kiwaa duo taang om poinlongkod id simpang rala Pikk om Pühavaimu, id Old Town, Tallinn. Ii nopo nga poinladsong misulak miampai poinsuyad do Church of the Holy Ghost, om nogi Great Guild (i popoyon soboogian do Estonian History Museum). Sinindak nopo id suang kafe diti nga pointindohoi om au nokosimban solinaid osomok no iso abad.[2]
Muzium
[simbanai | simbanai toud]Suai ko kafe, premis Maiasmokk nga kiwaa nogi iso linimput pokitanan kokomoi sajara om kogunoon do marzipan. The Kalev Marzipan Museum Room nopo nga haro kiikiro 200 figura marzipan, i winonsoi tumanud acuan kiumul lobi 100 toun. Kaanu o tutumombului mintong demonstrasi lukisan marzipan om nogi tumindapou sesi carama kokomoi inus diti.[3] Songulun seniman marzipan, i kitonggungan momolukis om monindak do marzipan, hilo kasari do muzium montok popokito kabaalan dau miampai mitilombus.[4]
Sajara
[simbanai | simbanai toud]Maiasmokk nopo kaka nga kafe bobos otuo i kakal po beroperasi id Estonia.[2] Sajara nopo walai kupi diti nga minimpuun ontok 11 Magus 1806 soira songulun moomomonsoi gula i Lorenz Cavietzel, nakaanu hak tana kinoyonon bangunan i poingkakat gisom dinondo.[5] Ii nopo nga kadai ruti hula koiso i noturidong do hiti, nga ii nopo kafe okito dinondo nga nowonsoi ontok toun 1864.[6] Ontok toun 1864, noboli om tinuridong kawagu kotos dii do momomonsoi konfeksi Jerman Baltik i Georg Stude, om mantad dii beroperasi iso kafe id premis dii.Ontok kolimpupuson abad ko-19, nointutunan o kafe diti gama kopolobusan marzipan, om moomomoli nopo dau kohompit no Paganakan Diraja Rusia.[6] Ontok koimpuunon abad ko-20, pogulu Sangod Pomogunan I, nokotorimo o kafe diti piipiro gaa abantug. Ontok toun 1941, nokosompogunan o kafe diti nga kakal ii beroperasi maso kapanaladan Soviet id Estonia. Ontok toun 1997, kalapas nakaanu kawagu o Estonia kagabasan, nokodopitar o kafe diti sabaagi perusahaan swasta. Majoriti nopo saham dau nga binoli di Kalev ontok toun 2004, om mantad 2015 nosiliu ii soboogian mantad syarikat Kalev.[6] Ontok toun 2006, minapalabus o Pejabat Pos Estonia do setem pos montok manaandak kinouliton ko-200 do kafe diti.[7] Ontok toun 2010, binoli nogi do Kalev o bangunan id nombo beroperasi o kafe dii.[6]
Sukuon
[simbanai | simbanai toud]- ↑ "Kalev - Maiasmokk cafe - Cafe". www.kalev.eu. Pinoopi mantad sand̠ad ontok 2015-07-28. Linoyog ontok 2015-09-21.
- ↑ 2.0 2.1 "Maiasmokk café, Estonia". Ralat maganu:Tag
<ref>tidak sah, nama "visitestonia" digunakan secara berulang dengan kandungan yang berbeza - ↑ "Kalev Marzipan Museum Room". Kalev. Pinoopi mantad sand̠ad ontok 8 December 2015. Linoyog ontok 8 September 2015.
- ↑ "Maiasmokk café, Estonia". Linoyog ontok 2015-09-21.
- ↑ Allika, Andrus (17 May 2006). "Eesti Post annab välja postmargi Eesti kondiitritööstus 200 (in Estonian)". err.ee.
- ↑ 6.0 6.1 6.2 6.3 "History". Kalev. Linoyog ontok 8 September 2015.
- ↑ Allika, Andrus (17 May 2006). "Eesti Post annab välja postmargi Eesti kondiitritööstus 200 (in Estonian)". err.ee.