Malaysia Kosilahon

peta borneo Malaysia

Malaysia Kosilahon, Malaysia Borneo / Borneo Malaysia toi ko' Pogun Borneo nopo nga ngaran pamalahawan montok 2 pogun Borneo om iso pogun koisaan id Malaysia ii poingiliu id Pulou Borneo, ii nopo nga pogun Sabah, pogun Sarawak om Pogun Koisaan Labuan.

Topografi Malaysia Borneo.

Malaysia Kosilahon kiwotik otomou

Poingiliu nogi o pogun Borneo om pogun Kalimantan, Indonesia id pulou diti. Malaysia Kosilahon poingiliu id sampaping kosilahon Semenanjung Malaysia dumarapas Rahat Cina Kabaatan. Kakadayan-kakadayan toponsol id Malaysia Kosilahon nopo nga Bandaraya Kuching om Kota Kinabalu. Kakadayan-kakadayan tagayo suai nopo nga kohompit nogi o Bandar Victoria id Pogun Koisaan Labuan, Miri, Sibu om Bintulu id Sarawak, om nogi Sandkan om Tawau id Sabah.

Malaysia Kosilahon nopo nga iso nogi pogun di manahak kouhupan tagayo kumaa Keluaran Dalam Negara (KDNK), om kiwaa ogumu towud pomogunan miagal do petroleum, gas asli, watang om arang watu.

Ahal-ahal

Peta politik pulou Borneo, miampai Malaysia Kosilahon kiwotik orin

Malaysia Kosilahon ii ointutunan nogi sabaagi Sabah, Sarawak om Labuan toi ko' ointutunan nogi sabaagi Malaysia Borneo, ii nopo nga soboogian mantad Malaysia, ii poingiliu id pulou Borneo, pulou kotolu tagayo id pomogunan. Ii nopo nga kiwaa o pogun Sabah om Sarawak, om nogi Pogun Koisaan Labuan. Labuan nopo nga iso pulou id kopulawan tokoro poinsomok disan rahat Sabah.

Malaysia Kosilahon (Malaysia Borneo) poingiliu id sampaping kosilahon Semenanjung Malaysia. Rahat Cina Kabaatan nopo nga id pialatan koduo-duo pogun dii.

Sundung pia kiwaa kakadayan-kakadayan tagayo pogun (Kuala Lumpur, Johor Bahru om Georgetown) id ponong Malaysia Kotonobon, agayo nogi Malaysia Kosilahon om ogumu nogi towud sandad, loolobi po tumau om gas. Sumuku nopo sompogun Malaysia, kangaranan kakadayan nopo nga pointarad montok piipiro koiyonon no, ii nopo nga kohompit Labuan, Kuching, Kota Kinabalu om Kakadayan Miri. Ogumu koiyonon toponsol suai poinsuang katogori kakadayan, kogumuan kolobi do 100,000 mogiigion. Malaysia Kosilahon kohompit do iso koiyonon tagayo biodiverse Hutan hujan tana' osiriba Borneo om Hutan hujan konuluhon Borneo.

Geografi

Maya pongintangan geografi, Malaysia Kosilahon pinosompipi kumaa duo koiyonon, ii nopo nga, Disan Rahat Kotonobon (Sarawak, Kotonobon Sabah dan Labuan) om Disan Rahat Kosilahon (Kosilahon Sabah).

Sarawak nopo nga iso pogun di tagayo id Borneo om suhutonon pogun Sabah, om nogi Pogun Koisaan Labuan. Kirontob o Sarawak miampai Pogun Kalimantan Kotonobon, Kalimantan Kosilahon om Kalimantan Koibutan id Indonesia, om kirontob miampai Watas Temburong, Belait, Tutong om Brunei Muara id Brunei, om Labuan nopo nga kirontob miampai Brunei Muara id Brunei (rontob Rahat), om Sabah kirontob miampai Kalimantan Koibutan id Indonesia, om kirontob miampai Mindanao id Filipina Kabaatan (rontob Rahat).

Boogian id borneo Malaysia:

Disan Rahat Kotonobon: Sarawak, Labuan, Sabah

Disan Rahat Kosilahon: Sabah

Id siriba nopo nga tayadan Pogun om Pogun Koisaan id Malaysia Kosilahon. Kakadayan koiso montok tikid pogun nopo nga poinsuang id bingkurung. 2 Pogun om 1 Pogun Koisaan dii nopo nga:

Pogun

Id siriba nopo nga dup Pogun, miampai sub-boogian om kakadayan toponsol id pogun sondii (id suang bingkurung):

1. Pogun Sabah Negeri Dibawah Bayu (Kota Kinabalu)
   1. Boogian Disan Rahat Kotonobon
   2. Boogian Labus Kakadayan
   3. Boogian Kudat
   4. Boogian Sandakan
   5. Boogian Tawau
2. Pogun Sarawak Bumi Kenyalang (Kuching)
   1. Boogian Kuching
   2. Boogian Samarahan
   3. Boogian Sri Aman
   4. Boogian Sibu
   5. Boogian Miri
   6. Boogian Limbang
   7. Boogian Sarikei
   8. Boogian Kapit
   9. Boogian Bintulu
   10. Boogian Mukah
   11. Boogian Betong
   12. Boogian Serian

Pogun Koisaan

1. Wilayah Persekutuan Labuan - Pulou Butia Rahat China Kabaatan (Victoria)

Etimologi

Malaysia Borneo ointutunan nogi sabaagi Malaysia Kosilahon.