Mary John Mananzan

Mary John Mananzan O.S.B.
Personal
Born	(1937-11-06) Milau 6, 1937 Dagupan, Pangasinan, Philippine Commonwealth
Religion	Catholic Church
Nationality	Filipino
Education	St. Scholastica's College, Manila, Pontifical Gregorian University
Institute	Missionary Benedictines

  Mary John Mananzan O.S.B. (nosusu ontok 6 Milau 1937, id Dagupan, Pangasinan) nopo nga songulun biarawati Benediktin Misionari, aktivis, mongingia'. puru teologi om monunuat. Minonguhup isido popoburu teologi kagabasan feminis Asia. Koumbal isido momuru sabaagi luguan komuniti Manila om puru Majlis Priori.

Baino diti, isido nopo nga Luguan Biara om Monunuhu (pengarah) id Akademi St. Scholastica hilo San Fernando, Pampanga.

Ontok 8 Gomot 2011, nakatayad isido sabaagi songulun mantad 100 Tulun Bobos Manahak Inspirasi id Pomogunan, kopihondot kinouliton toun ko-100 Tadau Tondu Sompomogunan.

Latar likud

Isido nopo nga songulun mantad panganjul miampot do Guraan Gumaga' do Karaaton (Movement Against Tyranny).

Koumbal isido momuru sabaagi ponorikohon Kolej Saint Scholastica solinaid onom toun om Dekan solinaid 18 toun, om nogi sabaagi Prior Tondu montok Biarawati Benediktin Misionari id Priori Manila om ponorikohon kabansaan Koisaan Momuruan Takawas Religius Filipina (Association of Major Religious Superiors of the Philippines).

Isido nogi nga minonuridong miampot do GABRIELA, iso koisaan kotinanan koonduan om momuru sabaagi ponorikohon kabansaan dii solinaid 18 toun.

Pondidikan

Haro o ijazah kedoktoran di Mananzan id suang gana Falsafah miampai pengkhususan id suang Falsafah Linguistik mantad Universiti Kepausan Gregorian (Pontifical Gregorian University) id Rom, Itali. Haro nogi ijazah disido id gana Misiologi mantad Universiti Wilhelms (Wilhelmsuniversitaet) hilo Munster, Germany.

Monginobos isido id Kolej St. Scholastica di Manila mantad taang sikul pintangaan gisom taang kolej, om nakaawi ponginabasan miampai ijazah AB-BSE, poimbida id gana sajara.

Tiigitan

Ointutunan i Mananzan sabaagi songulun feminis. isido nopo nga songulun mantad tutumanud Katolik i monokodung do Rang Undang-Undang Kolidasan Reproduktif (RH Bill), i mamadamin akses kumaa kaida pamalan paganakan, kapanamanagan linabak, pondidikan seksual om kapanamangan kolidasan tina. Nosoinan di Ponorikohon Benigno Aquino III o rang undang-undang dii.

Ointutunan nogi isido gama sokodung kumaa Rang Undang-Undang Kopiandangan SOGIE (SOGIE Equality Bill), i ointutunan nogi sabaagi Rang Undang-Undang Kopiandangan (Equality Bill) toi ko' Rang Undang-Undang Anti-Diskriminasi (Anti-Discrimination Bill toi ko' ADB).

Koduo-duo rang undang-undang dii ginaga' do Persidangan Uskup Katolik Filipina (Catholic Bishops' Conference of the Philippines).

Gaa' om kapamagatangan

Noonuan isio kapamagatangan om kookunan miagal id siriba:

• Gaa' Benigno Aquino Jr. Award montok Nasionalisme, Koisaan Alumni Sikul Katolik (2011)
• 100 tulun bobos manahak inspirasi id pomogunan, Women Deliver (2011, tinahak gaa' diti kopihondot kapanaandakan 100 toun Tadau Tondu Sompomogunan)
• Momuruan Tondu Abantug id Manila, Pejabat Datuk Bandar Manila (2009)
• Fellowship Intelektual Awam Asia, Yayasan Nippon (2002)
• Fellowship Henry Luce id Seminari Teologi Union, New York (1995)
• Fellowship Dorothy Cadbury id Birmingham (1994)

Minanahak o Koisaan Misi Kepausan (Pontifical Mission Society) disido do Gaa' Pauline Jaricot di kumoiso id Jerman ontok Gumas 2022, sabaagi pamagatangan kumaa kowoowoyoon di St. Pauline Jaricot i milo omitanan: ‘poindalan pamalahawan i pinatahak do Kinorohingan miampai poimponu kounsikahan, monuduk sunduan sambayang om kolubukan miampai poimponu koginawaan, om nogi mogowit misi kumaa monikid saat koposion.’