Mary Stone (dokutul)
Mary Stone
| |
|---|---|
| Shi Meiyu | |
 From a 1918 publication
| |
| Nosusu | 1 Mikat 1873 Kiukiang (Jiujiang), Jiangxi,
Qing China |
| Minidu Pogun | 30 Momuhau 1954 (aged 81) |
| Tinaru | Chinese |
| Ngaran suai | Shi Meiyu (Chinese: 石美玉) |
| Alma mater | University of Michigan, Ann Arbor (MD) |
Mary Stone (Mikat 1, 1873 – Momuhau 30, 1954), ointutunan novi sabaagi Shi Meiyu (Chinese: 石美玉), nopo nga songulun dokutul do tubat ii nokograduate mantad Universiti Michigan.[1]
Isido nopo nga pongasas montok do Hospital Danforth Memorial id Kiukiang (baino ointutunan sabaagi do Women and Children's Hospital of Jiujiang).
Koposion
[simbanai | simbanai toud]Nosusu isido id paganakan Kristian id Kiukiang (baino ointutunan sabaagi do Jiujiang) ontok Mikat 1, 1873,[2] tapa di Stone nopo nga songulun pastor Methodist om tama nopo dau nga songulun pongotua montok do sikulan tongondu do Methodist. Tuminindapou nogi isido do Rulison-Fish Memorial School (i baino ointutunan sabaagi do Jiujiang Tongwen Middle School), ii winonsoi do missionari Amerika Gertrude Howe, id Jiujiang solinaid 10 toun.[2] Miampai nakaanu inspirasi mantad do missionari koubatan do Amerika Dr. Kate Bushnell, lumansan daa o tapa di Stone do kosiliu isido sabaagi songulun dokutul koubatan.[3]
Ontok toun 1892, noowit isido di Gertrude Howe miampai di Ida Kahn (Kang Cheng)[3] kumaa id Ann Arbor Michigan montok pinludaan profesional id barat, hinombo isido om i Kahn nopo nga nosiliu do "okon nopo tulun Asia koiso ii nakaanu do ijazah id Universiti Michigan, nga yolo nogi nga tondu Sina koiso ii nosiliu do doktor noluda Barat" ontok toun 1896.
Ontok musim luruh toun 1896, guminuli isido om i Ida Kahn kumaa do Kiukiang sabaagi mubaligh koubatan Piisaan Mubaligh Asing Koonduan Gereja Methodist Episcopal.[3] Duo toun nakatalib, miampai sakadai mantad Dr. I. N. Danforth mantad Chicago, minoonodo iyolo do Hospital Elizabeth Skelton Danforth id Jiujiang, ii pinungaranan do sawo di Dr. Danforth om tinilombus do siniliu sabaagi Hospital Koonduan om Tangaanak Jiujiang. [1]
Id pialatan do 1918 om 1919, nokotorimo isido do biasiswa Yayasan Rockefeller montok momonsoi kalaja pasca siswazah id Universiti Johns Hopkins, hinombo taka dau i Phebe Stone, nopo nga songulun graduan koubatan. Ontok id Hopkins, kitonggungan ii Phebe kumaa do Hospital Elizabeth Skelton Danforth.[3]
Stone nogi nga okon nopo ointutunan sabaagi songulun profesional koubatan nga ointutunan nogi id kalaja do mubaligh Kristian dau. Id pialatan do 1920 om 1937, nokohompit isido do monimpuun id piipiro hospital, sikul om gereja id China.[2] Misokodung isido miampai di Phebe om bagas mubaligh Methodist Episcopal Amerika Jennie V. Hughes om minoonodo do Misi Bethel id Shanghai ontok toun 1920, ii tuminilombus do nosiliu impohon kumaa do Ponginjilan Sompomogunan di Bethel Andrew Gih.[4] Isido nogi nga puru Komitikuasa Kotilombuson China montok Persidangan Mubaligh Kabansaan kopongo do Persidangan Mubaligh Pomogunan Edinburgh ontok 1910.[3]
Guminuli isido kumaa id California kalapas do Sangod Pomogunan II, hinombo minidu isido pogun ontok 30 Momuhau 1954 id Pasadena ontok umul do 81 toun.[2]
Sukuon
[simbanai | simbanai toud]- ↑ 1.0 1.1 Tobin, James. "The New Women of China". Medicine at Michigan, Fall'10, Volume 12, Number 3. University of Michigan. Pinoopi mantad sanḏad ontok 28 March 2016. Linoyog ontok 15 February 2014.
- ↑ 2.0 2.1 2.2 2.3 Li, Yading. "Shi Meiyu (Mary Stone) 1873 ~ 1954". Biographical Dictionary of Chinese Christianity. Pinoopi mantad sand̠ad ontok 9 June 2012. Linoyog ontok 15 February 2014.
- ↑ 3.0 3.1 3.2 3.3 3.4 "Shi Meiyu (Mary Stone) |" (id boros Inggeris AS). Pinoopi mantad sanḏad ontok 2020-04-28. Linoyog ontok 2020-04-27.
- ↑ Lian Xi (2010). Redeemed by Fire. The Rise of Popular Christianity in Modern China. New Haven, CT: Yale University Press. pp. 131-141. ISBN 978-0300123395.