Masakan Sabah

Pagansakan Sabah (Jawi: ‏ماسقن سابه‎‎) nopo nga iso pogogonsok id pogun Malaysia. Miagal nogi kumaa pogoogonsok Malaysia di suai, taakanono di nowonsoi mantad do taakanon sangangadau miagal wagas om karalano ralan pogoogonsok di misuai tumanud do kinoyonon geografi om koubasanan sandad id iso iso negeri mantad Semenanjung Malaysia. Sabah miampai do pogun misungkad tukad dau Sarawak nointutunan miampai do koubasanan ginumu etnik dau.

Taakanon Patayadon

Amplang.

Iti nopo nga piipiro taakanon om waig koubasanan di poinsandad id pogun Sabah:

• Amplang nopo nga iso kawo kurupuk di nowonsoi mantad tenggiri Sepanyol, kanji ubi kayu om mogikaakawo kakamot ponginlumis roso suai, om amplang nopo nga onsokon maya guringon.
• Bosou, nogi di ointutunan sabaagi noonsom toi ko tonsom, nopo id boros Kadazan-Dusun sabaagi taakanon tradisional montok takanon nonsom maya pangansaman do tonsi. Buah keluak nouhub (linso do tua kayu Kepayang (Pangium edule) di poinsuni id kopuruan pogun Malaysia), toi ko pangi nopo nga sabaagi kakamot tohontol id kapamansayan nonsom tu monguhup do popoonsom om moi do amu araag o nonsom. Pisungkuon do takano, tusi om tonsi toi ko sada, om posuangon id suang do pinayanan miagal kakanan toi ko kontino di amu osuangan do tayub. Varian kontemporari montok bosou nopo nga koubasanan no do sungkuan tongoulun do tiwak punti toi ko togutui, nanas om suai po. Pinongian nopo nga asil mantad do pangansaman nga pisuayan mantad do bosou tu bosou milo tilombusan mangakan om pinongian minog do onsokon pogulu do akanon.