Maximus Johnity Ongkili
Maximus Ongkili | |
|---|---|
 | |
| Maklumat peribadi | |
| Kinosusuon | Johnity @ Maximus bin Ongkili Gumas 26, 1953 Jesselton, Borneo Utara (kini Sabah) |
| Momogun | Malaysia |
| Parti pulitik | Fail:Pbslogo.JPG Parti Bersatu (PBS) iaitu salah satu komponen Gabungan Rakyat Sabah (GRS) |
| Gabungan politik lain |  Barisan Nasional (BN) (2002-2018)Gabungan Bersatu (GBS) (2018-2020)  Perikatan Nasional (PN) (2020-2022)Templat:LK GRS Gabungan Rakyat Sabah (GRS) (September 2022-kini) (gabungan rasmi) |
| Sawo | Mendiang Datin Seri Panglima Joan Maluda (meninggal dunia 2018) Datin Seri Panglima Chhunlin Roeng (sejak 2023) |
| Pertalian | Joseph Pairin Kitingan dan Jeffrey Gapari Kitingan (bapa saudara) James Peter Ongkili (abang) |
| Tanak | Rachel Jane Ongkili Andreas Jordan Ongkili |
| Tempat belajar | La Trobe University, Australia |
| Kalaja | Menteri Kabinet, Ahli Parlimen |
| Kabinet | Kabinet Malaysia 2020 |
Datuk Seri Panglima Dr. Maximus Johnity Ongkili (nosusu ontok 26 Oktober 1953) nopo nga songulun puru pulitik Malaysia i momuru sabaagi Pengerusi Suruhanjaya Tenaga Sabah (ECOS) mantad Februari 2023. Koumbal isio nosiliu sabaagi Montiri id Jabatan Perdana Menteri montok Hal Ehwal Sabah om Sarawak montok panggal koduo id suang kotoinanan Barisan Nasional (BN) id siriba do bakas Perdana Menteri Ismail Sabri Yaakob mantad Ogos 2021 gisom kinorotuan do kotoinanan BN ontok November 2022.[1] Isio nogi nga Presiden Parti Bersatu Sabah i miamung miamai parti suai id suang Gabungan Bersatu Sabah (GBS) om nogi sabaagi komponen piomungan parti Perikatan Nasional (PN) id taang Karajaan Persekutuan. Ontok 12 September 2020, miniamung nogi o Parti Bersatu Sabah (PBS) do piomungan wagu i pinoturidong di Tan Sri Muhyiddin Yasin id Pogun Sabah ii nopo nga Gabungan Rakyat Sabah (GRS). Di pogulu, isio nopo diti nga bakas Montori id Komontorian Sains, Tiknologi om Inovasi montok kabinet 2008. Kalapas dii, koumbal isio minogowit do jawatan montori id Komontorian Tanaga, Tiknologi Otomou om Waig Malaysia i linantik montok kabinet 2013 id siriba do kopiminan Yang Berhormat Dato' Sri Mohammad Najib bin Abdul Razak.[2] Pogulu di nogi, isio nogi nga bakas puru Montiri id Jabatan Perdana Menteri i kitonggungan id suang Perpaduan om Integrasi Nasional.
I Dr. Maximus nogi nga songulun puru ahli i linantik sabaagi Timbalan Presiden id suang Koisaan Koubasanan Kadazan Dusun, Sabah (KDCA).[3] Sabaagi do Timbalan Presiden KDCA, kitonggungan isio do momuruan do panganjuran Tadau Kaamatan taang pogun Sabah i pinaharo ontok 30 om 31 Mei tikid toun id KDCA Hongkod Koisaan (Longkod Koubasanan), Penampang om pinahali nogi do ogumu aktiviti i kipionitan do tulun ginumuan.[3]
Koposion pogulu
[simbanai | simbanai toud]I Dr. Maximus nopo nga tanak watan pogun Sabah i nosusu id Kota Kinabalu, om mantad id Kamung Karanaan om Kampung Lintuhun, Tambunan, Sabah. Nakaanu isio pondidikan pogulu id Sikul Tosiriba Kabangsaan Pekan Tambunan ontok di toun 1960 gisom di toun 1966 om minongoput do sikul id SM St. Martin Tampasak, Tambunan (1967-1970) om minundaliu om suminikul id SMK Gunsanad, Keningau ontok toun 1971 gisom 1973, tu' tuminanud do molohing dau i mantad id Tambunan i minundaliu kumaa id watas Keningau loolobi po i tapa dau, i monding Sarjan Mejar Ongkili i osopung po tuminingkod mantad pakarajaan dau om kiharo sanwalad tana' solusukon nasanganu do paganakan di mondiang tapa dau om iso' walai mundorong sondii nasanganu do paganakan diolo i aasil mantad titik tumos tusin pinsin do pakarajaan pulis dau sondii. Sontoun duo' kalapas dii, insan po kawagu isio minundaliu id Maktab Sabah, Kota Kinabalu montok popotilombus do pambalajaran tingkatan onom dau pogulu do tuminilombus kumaa id taang manara gading id Universiti La Trobe, Melbourne, Australia.
Paganakan
[simbanai | simbanai toud]Pinoturidong isio do pisawaan miampai sawo dau, i Datin Joan Maluda (nosusu ontok 1955) songulun Kadazan mantad Penampang[3] mantad toun 1981 gisom do kinoibokon dau ontok toun 2018, nga baino suminawo kawagu isio do songulun tondu i kikoturunan do Siam, i Datin Chhunlin Roeng mantad kolimpupuson toun 2023. Kiharo duo tanak dau, ii nopo nga songulun tanak tondu, i Rachel Jane Ongkili (nosusu ontok 1983) om songulun tanak kusai, i Andreas Jordan Ongkili (nosusu ontok 1996).[3] Orohian isio mamain sipoot badminton, golf om magapon.[3] Suai ko ii, isio nogi nga poinlobi id gana' ponuatan om ponoriukan.[3]
Pakarajaan
[simbanai | simbanai toud]Kalapas do nolimpupusan o sikulan, pinotilombus kawagu disio o pambalajaran gisom id manara gading id La Trobe University, Melbourne, Australia om nonuaan do anugrah Ijazah Sarjana Muda Sains Pertanian ontok toun 1980.[3] Kalapas dii, kuminaraja isio sabaagi do mongingia om mononoriuk da'amot id Universiti dii.[3] Nakaanu isio minomuus do pakarajaan dau kalapas do nakaanu sogulung Ijazah Doktor Falsafah (Ph.D.) id suang gana' koburuan ikonomi ontok toun 1985.[3]
Koguli mantad id labus pogun, kuminaraja isio sabaagi Lungkitas id Universiti Putra Malaysia. Kalaas dii minundaliu isio id Institute of Strategic & International Studies om kuminaraja sabaagi Mononoriuk Wanan (1985-1987). Koumbal nogi isio kuminarja sabaagi do Setiausaha Eksekutif id Institute For Development Studies (Sabah) (1987-1993).
Karaja pulitik
[simbanai | simbanai toud]Pinotumpuhun dau o karir dau id gana' pulitik sabaagi mongongobi tulun ginumuan kalapas do nakamanang trikohonon DUN Langkon ontok Pilihan Raya Umum Sabah 1994. Kalapas dii, linantik isio sabaagi Monguhup Montori do Kotua Montiri Sabah. Suminuang nogi isio id Parlimen Bandau ontok Pilihan Raya Umum 1995 (ontok dii, tirikohonon Parlimen Kota Marudu nopo nga Parlimen Bandau).
Isio nopo nga songulun puru pulitik pambangkang nga tuminanud do karajaan soira tuminanud o Parti Bersatu Sabah do piomungan Barisan Nasional ontok toun 2002. Ontok Pilihanraya Umum ko-11, tuminanding isio id tirikohonon Kota Marudu om nakaanu mangala' di mangangala' dau, i Anthony Biri Mandiau, songulun calon BEBAS miampai majoriti 3189 undi. Suai ko ii, ADUN Tandek nogi isio. Linantik nogi isio do mamagantai do jawatan sabaagi Montiri id Jabatan Perdana Montiri kalapas Pilihanraya 2004 di Perdana Montiri di ko-5, i Yang Amat Berbahagia Tun Dato' Seri Haji Abdullah bin Ahmad Badawi. Sinuhu nogi isio do monurupu do Perpaduan Negara, om momuruan do kotimpuhunon do abaabayan pongosahan Khidmat Negara.
Id suang Pilihan Raya Umum Malaysia 2008, tuminanding i Johnity @ Maximus Ongkili momoguno tikit Barisan Nasional. Tuminanding isio id kinoyonon parlimen Kota Marudu, pogun Sabah. Nakalantoi i Johnity @ Maximus Bin Ongkili miampai nakaanu undi soginumu do 12028. Calon monongkiala dau nopo nga i Roslan Bin Mohd Zain mantad (Bebas) nakaanu 1,109 undi om natagakan do deposit. I Berman Bin Angkap mantad Bersekutu nopo nga nakaanu 457 undi om natagakan do deposit. I Andonny Pilit @ Anthony Biri Mandiau mantad PKR nakaanu 7,830 undi - Naala. Paratus mongungundi di nokosoliwan nopo nga 69.51 % om Undi naraag nopo nga soginumu 748. Id suang kinamanangan id Pilihan Raya Umum Malaysia 2008, linantik isio sabaagi do Montiri Sains, Tiknologi, om Inovasi. Kalapas kinamanangan dau ontok piihan raya umum 2013, linantik isio sabaagi Montiri Tenaga, Teknologi Hijau dan Air.[4]
Montiri Hal Ehwal Sabah om Sarawak (10 Mac 2020 - 18 November 2022)
[simbanai | simbanai toud]Ontok 10 Mac 2020, nonuan isio do tonggungan montok momogompi do porffolio wagu sabaagi Montiri di Jabatan Perdana Montiri (Hal Ehwal Sabah om Sarawak) i lantikan mantad Perdana Montiri di ko-8 , i Yang Amat Berhormat Tan Sri Dato' (Dr) Haji Muhyiddin bin Haji Muhammad Yassin.[5] Pinoindalan dau o karaja montok poposotol isu toponsol id pogun Sabah om Sarawak kokomoi do Pibatasan Malaysia 1963 (MA63) om nogi isu (PATI).[6]
Jawatan
[simbanai | simbanai toud]Parti Bersatu Sabah
[simbanai | simbanai toud]Jawatan di ginantai;
- Setiausaha Agung - (1994)
- Timbalan Presiden - (1994 - 2016)
- Pemangku Presiden - (2016 - 2018)
- Presiden[7] - (17 November 2018 - Kini)
Jawatan suai
[simbanai | simbanai toud]- Timbalan Presiden dalam Persatuan Kebudayaan Kadazan Dusun, Sabah (KDCA) sehingga tahun 2025
- Ketua Penyelaras KDCA Kota Marudu
Kouhupan kumaa tulun ginumuan
[simbanai | simbanai toud]Isio nopo nga minamarasmi do Bangunan Rukun Tetangga Taman Rambai Jaya i poingion id mukim Tanjung Minyak, Melaka. Ogumu nogi kouhuan dau kumaa tongulun Sabah miampai minanahak do kouhupan mantad pisuk kousinan om suusuai po. Do dilo, nakaanu isio ogumu sokodung mantad tulun ginumuan id Melaka om loolobi po id Sabah tu' kowoowoyoon dau i olinuud kumaa tulun. Roiton nogi isio sabaagi "Pemimpin Yang Berjiwa Rakyat, Prihatin dan Berwibawa".[3]
Kinoutusan Pilihan Raya
[simbanai | simbanai toud]| Tahun | Kerajaan | Undi | Peratusan | Pembangkang | Undi | Peratusan | ||
|---|---|---|---|---|---|---|---|---|
| 1995 | Jeffrey Kitingan (AKAR) | 5,851 | 35% | Maximus Ongkili (PBS) | 10,716 | 63% | ||
| 1999 | Maijol Mahap (UPKO) | 6,781 | 41% | Maximus Ongkili (PBS) | 8,465 | 51% | ||
| Tahun | Kerajaan | Undi | Peratusan | Pembangkang | Undi | Peratusan | ||
|---|---|---|---|---|---|---|---|---|
| 2004 | Maximus Ongkili (PBS-BN) | 10,457 | 59.0% | Anthony Biri Mandiau (BEBAS) | 7,268 | 41.0% | ||
| 2008 | Maximus Ongkili (PBS-BN) | 12,028 | 56.14% | Anthony Biri Mandiau (PKR) | 7,830 | 36.55% | ||
| 2013 | Maximus Ongkili (PBS-BN) | 15,168 | 45.9% | Maijol Mahap (PKR) | 14,326 | 43.3% | ||
| 2018 | Maximus Ongkili (PBS-BN) | 13,033 | 27.7%2 | Maijol Mahap (PHRS) | 11,259 | 24.0%2 | ||
| Nota:Jadual tidak termasuk undi untuk calon yang selesai di tempat ketiga atau lebih rendah.2% Yang digunakan untuk pilihan raya 2018. | ||||||||
Anugrah
[simbanai | simbanai toud]
Sukuon
[simbanai | simbanai toud]- ↑ "SENARAI KABINET 2020". www.bharian.com.my. 2020-03-13. Linoyog ontok 2020-03-17.
- ↑ "salinan arkib". Pinoopi mantad sand̠ad ontok 2013-05-27. Linoyog ontok 2013-05-28.
- 1 2 3 4 5 6 7 8 9 10 "Ongkili: Pemimpin Yang Berjiwa Rakyat, Prihatin Dan Berwibawa". www.malaysia-today.net. 2009-05-09. Linoyog ontok 2020-04-02. Ralat maganu:Tag
<ref>tidak sah, nama "Ongkili" digunakan secara berulang dengan kandungan yang berbeza - ↑ "Ongkili To Lead Malaysian Delegation To ASEAN Energy Ministers Meeting". Bernama. 25 September 2017. Linoyog ontok 22 Mac 2020.
- ↑ "Portfolio khas untuk Sabah, Sarawak dalam kabinet persekutuan baharu". www.utusanborneo.com.my. 2020-03-09. Linoyog ontok 2020-03-13.
- ↑ "Ongkili harap MA63 dapat diselesaikan dalam tempoh 6 bulan". www.bernama.com. 2020-03-12. Linoyog ontok 2020-03-13.
- ↑ Maskilone, Chris (2018-11-02). "DR MAXIMUS MENANG TANPA TANDING JAWATAN PRESIDEN PBS". www.sabahnewstoday.com. Pinoopi mantad sand̠ad ontok 2020-08-08. Linoyog ontok 2020-04-01.
- 1 2 "Keputusan Pilihan Raya Umum Parlimen/Dewan Undangan Negeri". Election Commission of Malaysia. Linoyog ontok 18 May 2018. Ralat maganu:Tag
<ref>tidak sah, nama "election results" digunakan secara berulang dengan kandungan yang berbeza - ↑ "Sabah [Parliament Results]". The Star. Pinoopi mantad sand̠ad ontok 18 May 2018. Linoyog ontok 18 May 2018.
{{cite web}}:|archive-date=/|archive-url=timestamp mismatch (help) - ↑ "Semakan Penerima Darjah Kebesaran Bintang Dan Pingat". www.istiadat.gov.my.
- ↑ "Senarai Penerima Darjah Kebesaran, Bintang dan Pingat Sabah Tahun 2011" (PDF). www.sabah.gov.my.
Sukuon labus
[simbanai | simbanai toud]- Laman sesawang rasmi kerajaan Diarkibkan 2008-08-27 di Wayback Machine