Pergi ke kandungan

Mochizuki Chiyome

Mantad Wikipedia
Mochizuki Chiyome

望月 千代女
Nosusu Abad ko-16
Napatai Amu oilaan
Allegiance Takeda clan
Commands Allegedly the leader of female ninjas (Kunoichi) of the Takeda clan
Sawo Mochizuki Moritoki

Mochizuki Chiyome (望月 千代女), ointutunan nogi sabaagi Mochizuki Chiyojo (望月 千代女) toi ko' Mochizuki Chiyo (望月 千代),[1] nopo nga songulun momolihiis om bangsawan mantad abad ko-16 id Jepun. Noilaan kaka yau sabaagi songulun di minomonsoi tinimungan kunoichi i poinburu id soriba klan Takeda.[2][3] Sundung do ingkaa, kinohoroon dau nopo nga kakal piuhot-uhot.

Sajara

[simbanai | simbanai toud]

Naandasan do ngaran Mochizuki nopo nga kumoinsan nokoimbulai id buuk toun 1971 kiuhu' Investigation of Japanese History (考証日本史) mantad Shisei Inagaki(稲垣史生)[4], okon ko songulun sorupu akademik. Inagaki:

  1. Pinopointalang miampai osorisid kokomoi Pisangadan Kaapat Kawanakajima.
  2. Kiboros kaka do Moritoki Mochizuki nopo nga sawo di Chiyome om napatai iso maamaso pisangadan dilo.
  3. Kiboros kaka do haro surat kasagaan pointulis kumaa di Chiyome i pinosolian di Takeda Shingen, om alapas do kasagaan diti, nakaharo o "kampung miko".
  4. Kiboros kaka do surupu miko id kampung dii nopo nga nosili perisik.
  5. Kiboros kaka do alapas dii, nokosili i Chiyome sabaagi songulun ninja.

Sundung do ingkaa, songulun lungkitas, Katsuya Yoshimaru (吉丸雄哉) mantad Universiti Mie ii monoriuk sastera timpu Edo Jepun om ninja, kiboros do ii Chiyome nopo nga amu nokoumbal haro om pinapatayad piipiro roromu i nakasala id buuk di Inagaki:

  1. Aiso dokumen sajara i popointalang maya osorisid kokomoi pisangadan dilo.
  2. Amu napatai i Moritoki id pisadangan dilo.
  3. Amu insan haro o surat kasagaan di. Koubasanan nopo, kogumuan surat kasagaan miagal dilo nopo nga amu otopot.
  4. Boros di popohompit kokomoi sorupu miko id aktiviti perisikan nopo nga aiso tadon, iri nopo nga notindu toomod di Inagaki.
  5. Boros kokomoi nosiliu i Chiyome sabaagi ninja nga aiso tadon. Sundung do sinumuku ii Inagaki do buuk Sajara Miko Jepun (日本巫女史) kolobusan 1930 mantad Taro Nakayama (中山太郎), aiso boros kokomoi ninja id buuk di, om toinsanan boros dii nopo nga haro id buuk Inagaki.

Nointutunan kopio ngaran di Mochizuki alapas iso artikel duo bolikan kokomoi dau pinalabus id isu poimbida majala History Reader (歴史読本) toun 1991 i kiuhu' Extraordinary Special Issue: All the Definitive Types of Ninja (臨時増刊号『決定版「忍者」の全て』). Kiboros o artikel dii kokomoi isido nopo nga songulun "ninja id sawat" (上忍); nga tumanud di Yoshimaru, amu haro pangkat dii id hierarki ninjai id pisuk sajara.

[simbanai | simbanai toud]

Nokosilan ii Mochizuki id ogumu pomoinan vidiu, kohompiy no Nobunaga's Ambition: Souzou (DLC),[5] Puzzle & Dragons,[6][7] and Toukiden: The Age of Demons.[8]

Narait nogi yau sabaagi mongingia do karakter milo moinon, Kunoichi id Samurai Warriors, om nokoimbulai sabaagi yau sondiri id Samurai Warriors 2 sabaagi mistress di Shingen, mongingia om ponokotama di Kurenai, protagonis do Red Ninja: End of Honor.[9] Nokoimbulai ii Mochizuki id Assassin's Creed: Memories,[10] id hombo norekrut yau do Templars alapas kinapatayon di Shingen om nosili sasaapon kumaa Hattori Hanzō. Id Onimusha Soul, minogiuhup yau miampai di taraat Genma and om nokoimbulai id mogiisuusuai bontuk, umul om woyo inus.[11][12][13][14][15][16] Isido nogi nga kono amu milo moinon (NPC) id Pokémon Conquest di momoguno Pokémon kawo Ground dan Dark ,[17] om versi elit sasaapon generik "Kunoichi" id Marvel: Avengers Alliance nopo nga pinungaran sabaagi "Chiyome". Id pomoinan Innocent World (versi Jepun do Aura Kingdom) versi catgirl di Chiyome nopo nga milo moinon,[18][19] om haro nogi game suai di popoulai disido id bontuk tungau ogonop.[20] Id Sangoku Taisen, minomorolou ii Miyuki Sawashiro dau.[21] Nokoimbulai nogi yau savaagi Servant kelas-Assassin id Fate/Grand Order. Id siri pomoinan vidiu, Shadow Tactics: Blades of the Shogun, tkono' Aiko nopo nga mantad klan kunoichi di nosorupu songulun "Lady Chiyo".

Miningkono ii Yatsuko Tanami sabaagi disido id filem Sanada Yukimura no Bōryaku.[22] Nokoimbulai nogi isido sabaagi kono oponsol id novel sajara komulakan Risuko mantad David Kudler.[23]

Sukuon

[simbanai | simbanai toud]
  1. ↑ "News & Features | Men (And Women) in Black". Metropolis.co.jp. 22 July 2010. Linoyog ontok 2015-06-21.
  2. ↑ Thomas A. Green, Martial Arts of the World (2001), p. 671.
  3. ↑ 吉丸雄哉（三重大学人文学部准教授） (2017年4月). “望月千代女伝の虚妄”. In 吉丸雄哉、山田雄司 編. 忍者の誕生. 勉誠出版. ISBN 978-4-585-22151-7.　p. 282
  4. ↑ Ninja no tanjō. Katsuya Yoshimaru, Yūji Yamada, 吉丸雄哉, 山田雄司 (Shohan ed.). Tōkyō. 2017. ISBN 978-4-585-22151-7. OCLC 982054805.{{cite book}}: CS1 maint: location missing publisher (link) CS1 maint: others (link)
  5. ↑ "『信長の野望・創造』 ユーザーズページ". Gamecity.ne.jp. Linoyog ontok 2015-06-25.
  6. ↑ "Mochizuki Chiyome". Puzzle & Dragons. Linoyog ontok June 17, 2015.
  7. ↑ "パズドラ ステッカー 紅焔の舞巫女・望月千代女 - パズドラ屋 | パズル&ドラゴンズ公式グッズショップ". Pazudoraya.com. 2012-03-16. Pinoopi mantad sand̠ad ontok 2015-06-26. Linoyog ontok 2015-06-25.
  8. ↑ "【先出し週刊ファミ通】『討鬼伝』今井麻美さんが演じるミタマ"望月千代女"をゲットせよ！（2014年1月30日発売号） - ファミ通.com". Famitsu.com. 2014-01-28. Linoyog ontok 2015-06-21.
  9. ↑ "XBOX Manual: Red Ninja : Free Download & Streaming : Internet Archive". Linoyog ontok 2015-06-21.
  10. ↑ "Assassin's Creed Memories: Kod bonusowy z japońską zabójczynią". Assassins-creed-memories.browsergames.pl. 2014-09-12. Pinoopi mantad sand̠ad ontok 2015-06-21. Linoyog ontok 2015-06-21.
  11. ↑ "鬼武者Soul ご当地コラボレーション 山梨県専用ページ". Members.oni-soul.jp. Linoyog ontok 2015-06-25.
  12. ↑ "ゲーム内イベント | 鬼武者Soul". Ygame-members.oni-soul.jp. 2015-03-19. Linoyog ontok 2015-06-25.
  13. ↑ "ゲーム内イベント | 鬼武者Soul". Cog-members.oni-soul.jp. 2015-01-29. Linoyog ontok 2015-06-25.
  14. ↑ "[拡大画像]ブラウザゲーム「鬼武者Soul」女性武将30名追加の第2弾を実施". Game.watch.impress.co.jp. Linoyog ontok 2015-06-25.
  15. ↑ "鬼武者Soul、固有技を必ず入手できる技継承生贄が実装悪鬼羅刹「望月千代女」も新たに登場 OnlineGamer". Onlinegamer.jp. 6 June 2013. Linoyog ontok 2015-06-25.
  16. ↑ "鬼武者 Soul HD-女主角设定选择参考-鬼武者 Soul HD小说|鬼武者 Soul HD小说下载|SF轻小说手机版". M.sfacg.com. Linoyog ontok 2015-06-25.
  17. ↑ "ポケモン＋ノブナガの野望攻略サイト". Sanji.bufsiz.jp. Linoyog ontok 2015-06-21.
  18. ↑ "幻想神域望月千代女怎么样 值得培养吗 安游在线". Ahgame.com. 2014-07-22. Linoyog ontok 2015-06-25.
  19. ↑ "声の恋觉醒二次元-《幻想神域》官方网站". Event.changyou.com. Linoyog ontok 2015-06-25.
  20. ↑ "信喵之野望 - 兩兵千代女 [人物][望月千代][義姬][大蟾蜍之術] @ 閒言悠靜 : 痞客邦 PIXNET". Windguesta.pixnet.net. 6 January 2013. Linoyog ontok 2015-06-25.
  21. ↑ 投稿者 まちゃぴ＆夕凪 時刻 15時35分 大戦よもやま話 (2015-06-06). "【戦国大戦】≪天覇への道 全国決勝大会≫の結果と、これからの話。: 覇道に身を捧ぐも人の道". App.f.m-cocolog.jp. Linoyog ontok 2015-06-25.
  22. ↑ "Yatsuko Tan'ami". IMDb.com. Linoyog ontok 2015-06-21.
  23. ↑ "Character profile for Mochizuki Chiyome from Risuko: A Kunoichi Tale (Seasons of the Sword #1) (page 1)". www.goodreads.com.
Naanu mantad "https://dtp.wikipedia.org/w/index.php?title=Mochizuki_Chiyome&oldid=22398"