Mori Arinori

Senior Second Rank Viscount Mori Arinori
森 有礼
Mori Arinori
Kinosusuon	(1847-08-23)Magus 23, 1847 Kagoshima, Satsuma, Japan
Tadauwulan minidu pogun	Mansak 12, 1889(1889-02-12) (umul 41) Kojimachi, Tokyo, Japan
Momogun	Japanese
Kalaja	Diplomat, cabinet minister, educator

Viscount Mori Arinori (森 有礼) (23 Magus 1847 – 12 Mansak 1889) nopo nga songulun nogarawan Jipun zaman Meiji, diplomat om pongasas sistom pondidikan moden Jipun. Berkhidmat i Mori Arinori sabaagi Montiri Pondidikan koiso id suang Kabinet Ito Jipun do koiso, mongigit poranan toponsol id popoimbulai sistom pondidikan maamaso Empayar Jipun. Isio miampai di Inoue Kowashi nopo nga pinoposiliu impohon sistom pondidikan Jipun miampai pinapalabus do piipiro porinta mantad toun 1886 i kohompit do kopoturidangan do sistom sikul tosiriba, pintangaan, toomod om sistom universiti empayar. Iti nopo nga laang toponsol id goos pomodenan Jipun ontok do era Meiji.

Koposion gulu

Nosusu i Mori id domain Satsuma (wilaya Kagoshima moden) mantad paganakan samurai, om nakaanu pondidikan id Sikul Kaisenjo montok Pinsingilaan Barat ii natarampas do domain Satsuma. Ontok toun 1865, pinaatod isio sabaagi mokiikinobos kumaa University College London id Great Britain montok minsingilo teknik barat id matematik, fizik om monuku do rahat. Guminuli isio id Jipun kopongo do kotimpuunan Pomulihan Meiji om minaganu piipiro jawatan karajaan id suang karajaan Meiji do wagu.

Nogarawan Meiji

Mori nopo nga duta Jipun koiso kuminaa do Amirika Sarikat mantad 1871 gisom 1873. Ontok do hilo, aanangan isio do kaida' pondidikan barat om institusi sosial barat. Ontok guminuli kumaa id Jipun, pinapaanjul isio do Meirokusha, koulunan intelek moden koiso do Jipun.

Mori nopo nga puru gura Katalangan Meiji om pinapaanjul kobibasan kiugama, pondidikan sekular, hak miirad montok koonduan (suai ko do mongundi), undang-undang sompomogunan, om i totos drastik nopo nga boros Jipun di pinologos montok boros Inggeris.

Ontok toun 1875, minonuridong isio do Shoho Koshujo (kolej komersial koiso Jipun), ponogulu do Universiti Hitotsubashi. Kopongo dii, berkhidmat isio do misuusuhut sabaagi duta kuminaa do dinasti Qing China, Naib Montiri Wanan Labus Pogun, duta kuminaa Great Britain, puru Sanjiin (majlis mamaamason undang-undang) om pagawai Komontirian Pondidikan.

Naanu isio di Itō Hirobumi montok mampayat do kabinet koiso sabaagi Montiri Pondidikan om popotilombus jawatan di miagal id siriba do pontadbiran Kuroda mantad toun 1886 gisom 1889. Id timpu diti, monupu isio do "Ponginwoguan Mori" sistom pondidikan Jipun ii kohompit do onom toun apangkal, sikul miampai pondidikan om pombontukan elit sikul tawas di nopili. Id siriba do buruanon dau, minaganu o komontirian longkod panamangan di lobi agayo kumaa kurikulum sikul om poposotol do moral Neo-Confucian om kosotiaan kabansaan id sikul tosiriba miampai papasaga do piipiro kobibasan intelektual id pondidikan takawas.

Binoros-boros isio do liberal noko'tus o Sangod Pomogunan II sabaagi reaksioner di kitonggungan kokomoi sistom pondidikan elitis om statistik Jipun, naamot dii, noindarat nogi isio do tulun miampon dau sabaagi radikal ii mogontok do kotonobon ii au maan do koulunan Jipun miampai pinopolubuk do koubasanan om tinungkusan Jipun. Sabaagi poomitanan, pinapaanjul isio do pomogunoon boros Inggilis. Ointutunan nogi isio sabaagi songulun Kristian di nointutunan.

Notobok i Mori do songulun ultranasionalis ontok tadau kopoimaganan Koundangan Meiji ontok toun 1889, om minidu pogun do tadau sumusuhut. Kinapamatayan nopo dii nga, katagadan miampai dawaon di Mori au nakatanud do protokol ugama ontok do kotombuluyan id Kuil Ise duo toun pogulu ii; sabaagi poomitanan, au i Mori do minongidu torumpak pogulu suminuang om minagada do sunduk tobitua miampai sukud.

Boogian di nopili id ponuatan dau nopo nga okito id buuk W.R. Braisted Meiroku Zasshi: Journal of the Japanese Enlightment i timpuunon nopo nga pinalabus id suang majala kiuhu do Meiroku Zasshi.

Id koubasanan nointutunan

Nakalabus i Mori sabaagi kono tokoro id suang novel sajara alternatif The Difference Engine mantad di William Gibson om Burce Sterling, sabaagi di aanangan komodenan om tanak tinudukan di Laurence Oliphant om id suang novel fiksyen spekulatif 'The Lost Future of Pepperharrow' di Natasha Pulley.

Intangai nogi

 

• Mokiikinobos Jipun di Britain
• Piromutan Anglo-Japanese
• Yūrei zaka

Pambasaan potilombus

• Cobbing, Andrew. The Japanese Discovery of Victorian Britain. RoutledgeCurzon, London, 1998.  ISBN 1-873410-81-6
• Hall, Ivan Parker. Mori Arinori. Massachusetts: Harvard University Press, 1973.  ISBN 0-674-58730-8.
• "Mori Arinori, 1847–89: From Diplomat to Statesman", Chapter One, Britain & Japan: Biographical Portraits Volume 4, by Andrew Cobbing, Japan Library 2002.  ISBN 1-903350-14-X
• Morikawa, Terumichi (2015). “Mori Arinori and Japanese Education (1847-1889)”. Education about Asia, Volume 20:2 (Fall 2015): Asia: Biographies and Personal Stories, Part II. https://www.asianstudies.org/publications/eaa/archives/mori-arinori-and-japanese-education-1847-1889/.
• Smith, Patrick. Japan: A Reinterpretation. New York: Pantheon, 1997.  ISBN 0-679-42231-5. pp. 75–106.

External links

• Media related to Mori Arinori at Wikimedia Commons
• Mori, Arinori | Portraits of Modern Japanese Historical Figures (National Diet Library)