Muzium Chimney
Muzium Chimney | |
 | |
 | |
| Established | 2002 |
|---|---|
| Location | Kubong, Labuan, Malaysia |
| Coordinates | 05°22′50″N 115°14′56″E / 5.38056°N 115.24889°E |
| Type | Muzium |
Muzium Chimney nopo nga iso muzium id Kubong, Labuan, Malaysia. Muzium diti nopo nga popoopi do sajara Kubong maamaso perlombongan tangud watu id kolimpupuson maamaso pontadbiran do Syarikat Berpiagam Borneo Utara British.[1]
Sajara
[simbanai | simbanai toud]Kinoyonon posorili do muzium diti nopo nga nokoumbal do nokosiliu pogonuan do tangud watu tapangkal maamaso do pontadbiran Borneo Utara British mantad di toun 1847 gisom 1911.[2][3] Maamaso pinoindalan o kalaja pongukadan arkeologi di toun 1997, nokobontol o surupu arkeologi do 12 lapik watu bata id siriba do cerobong lisun. Id toun diti nogi, nokoindalan o kalaja gana montok popisulimbang om popogirot do struktur cerobong om nogi monginsonong do struktur mantad.[4] Noukaban o muzium diti miampai rasmi di toun 2002.[4] Nakaanu o muzium diti do Gaa Epal Otomou Sompomogunan montok Kowoowoyoon Bobos Tosonong montok Winoun Posorili om Pombangunan Mampan 2013 montok gaya inus winonsoi di kisajara.[5]
Inus winonsoi
[simbanai | simbanai toud]
Muzium diti nopo nga kimenara cerobong bagas do ababayan pogihuman tangud watu di pogulu po id kinoyonon diti. Winonsoi mantad po di koimpuunon 1900-an, struktur cerobong lisun diti nopo nga kibontuk apat pasagi miampai kinawas 32 meter.[3] Winonsoi iti mantad bata taragang soginumu 23,000 kaping i noimport mantad United Kingdom.[6] Menara diti nopo nga winonsoi momoguno do gaya inus winonsoi British.[7] Kiwaa iso luang om duo totobon kibontuk gerbang i pointoguang kumaa kotonobon om kabaatan id suang do cerobong lisun dii.[4] Fungsi kopiipio do cerobong dii nopo nga au po noilaan gisom do baino.[2] Sundung pia haro sogu do kifungsi iti sabaagi dek pongintangan, hinonggo tadon toilaan kokomoi kapal sumuang nopo nga kaanu posunudon kumaa Tuundorongon Kapal Rahat Victoria om kakadayan Labuan momoguno do sistom telegraf optik i otutunan sabaagi semafor.[8]
Kopokitanan
[simbanai | simbanai toud]Muzium diti nopo nga haro turu galeri om iso linimput nabantalan, kohompit no do sajara pogonuan tangud watu sompomogunan, kinoyonon pogonuan tangud watu pointongkop Malaysia, proses om laang id suang do pogonuan tangud wayu, spesimen tangud watu, kakamot paganu tangud watu om suai-suai po.[4][6]
Timpu kopongukaban
[simbanai | simbanai toud]Ukaban o muzium diti monikid tadau mantad 8.00 kosuabon gisom 5.00 sosodopon miampai aiso bayaran. [6]
Intangai nogi
[simbanai | simbanai toud]Sukuon
[simbanai | simbanai toud]- ↑ "Labuan Chimney". PulauLabuan.com. Linoyog ontok 27 Magus 2018.
- ↑ 2.0 2.1 Mohd. Noor, Hassan (10 Gomot 2016). "Kenali sejarah Labuan di muzium". Utusan Online (id boros Malayu). Linoyog ontok 31 Gumas 2016.
- ↑ 3.0 3.1 "Labuan Chimney". Labuan Malaysia. Linoyog ontok 31 Gumas 2016.
- ↑ 4.0 4.1 4.2 4.3 "Misteri Menara Chimney". Utusan Online (id boros Malayu). 20 Gomot 2014. Pinoopi mantad sand̠ad ontok 31 Gumas 2016. Linoyog ontok 31 Gumas 2016.
- ↑ "The 'CHIMNEY' an Archaeological Mystery". Perbadanan Labuan (id boros Malayu). Pinoopi mantad sand̠ad ontok 14 Magus 2020. Linoyog ontok 31 Gumas 2016.
- ↑ 6.0 6.1 6.2 "Chimney Museum". Department of Museums Malaysia. Linoyog ontok 31 Gumas 2016.
- ↑ "The Chimney". Attractions in Malaysia. 2012. Linoyog ontok 31 Gumas 2016.
- ↑ "The Mystery of Labuan Chimney". History Buff. 2020. Linoyog ontok 16 Milatok 2021.
- CS1 Malayu-language sources (ms)
- Articles with short description
- Short description is different from Wikidata
- EngvarB from April 2017
- Articles with invalid date parameter in template
- Use dmy dates from April 2017
- Infobox mapframe without OSM relation ID on Wikidata
- Coordinates on Wikidata
- Commons category link is on Wikidata
- Nokohimagon di 2002 id Malaysia
- Muzium i nokohimagon di 2002
- Muzium id Labuan
- Pages using the Kartographer extension