Pergi ke kandungan

Muzium Sajara' Kaohsiung

Muzium Sajara' Kaohsiung
高雄市立歷史博物館
Map
Ngaran pogulu
Dewan Kakadayan Kaohsiung
Pinoturidong16 Manom 1939 (sabaagi Dewan Kakadayan Kaohsiung)
25 Gumas 1998 (sabaagi Muzium Sajara' Kaohsiung)[1]
LokasiYancheng, Kaohsiung, Taiwan
Koordinat22°37′36.3″N 120°17′12.8″E / 22.626750°N 120.286889°E / 22.626750; 120.286889
KawoMuseum
ArkitekOono Yonezirou
Websitekhm.org.tw

Muzium Sajara' Kaohsiung (traditional Chinese: 高雄市立歷史博物館; simplified Chinese: 高雄市立历史博物馆; pinyin: Gāoxióng Shìlì Lìshǐ Bówùguǎn) nopo nga iso muzium id Watas Yancheng, Kaohsiung, Taiwan. Sinorupu o muzium diti do Porinta' Kakadayan Kaohsiung.[2]

Di pogulu, bongunan diti nopo nga bongunan do Dewan Kakadayan Kaohsiung. Muzium dii noreka di Oono Yonezirou, songulun arkitek Jepun, i miuhup miampai do Syarikat Shimizu id siriba porinta' do Jepun, om nopongo o muzium dii ontok toun 1939.[3] Kalapas do 1945, pinungaranan kawagu o dewan kakadayan dii kumaa Porinta' Kakadayan Kaohsiung. Ontok 18 Milatok 1992, minundaliu o porinta' kakadayan kuminaa id Bongunan Upis Koisaan om nokosiliu o bongunan dii do Muzium Sajara' Kaohsiung i noukab ontok 25 Gumas 1998.

Seni Bina

[simbanai | simbanai toud]

Seni bina bongunan diti nopo nga poomitanan do woyo Mahkota Imperial Jepun. Nowonsoi o muzium diti momoguno do konkrit kitotulang montok kotialan dau kumaa gempa pomogunan tu asaru haro o gempa pomogunan id Taiwan.

Boogian labus bongunan diti nopo nga momoguno warana' asas otomou omulok. Reka bontuk dau nopo nga tumanud do woyo menara utama miampai menara-menara tokoro i simetri. Menara utama nopo nga id boogian sawat tingkat kaapat. Sinindak o menara utama om menara tokoro miampai taap tradisional Jepun i kiharo do apat pisuk di atarom om nogi taap jubin di okilat. Sinindak nogi ii miampai menara alahis woyo Aquarius, wotik bunga plum kibontuk do turuan rasam, om wotik reben bunga kekwa Jepun. Sinalut o bongunan dii miampai mogisuusui kawo do ponindak om titigaon dau nopo nga winonsoi miampai asil tinunturu di aalus om noponu do kreativiti.

Id boogian suang bongunan diti popokito do tukad di kibontuk Y id lobi, koridor poinlingkong i ogingo, patio akawas di anawau, om nogi wotik kosilahon om kotonobon id torigi-torigi di agayo. Ponindak-ponindak diti nopo nga ponokotanda' do kuasa kopomorintaan Jepun i kiprestij om nogi piomungan harmoni seni bina kosilahon om kotonobon.[4]

Kitonggungan o Muzium Sajara' Kaohsiung sabaagi longkod poopian sajara' kinoyonon Kaohsiung miampai momonsoi do koleksi i kiimpohon do " Koburuon Kakadayan Kaohsiung". Montok momiara do toilaan lokal, popointalang kogingohon kinoyonon dii om nogi miilang miampai tulun ginumuan, miampai sistematik momorindak, monimung om momiara o Muzium Sajara' Kaohsiung do susui sajara' om nogi kopogisuayan do koubasanan Kaohsiung. Popokito o muzium diti do rati di oponsol koposion momogun Kaohsiung om poposolimbou artifak koubasanan om nogi data sajara' i mionit do kinaantakan toi ko' isu sosial kontemporari sabaagi impohon montok do ponoriukan, pokiikitanan om promosi pendidikan.[5]

Padsakayan

[simbanai | simbanai toud]

Orikot o muzium diti miampai mamanau kumaa koibutan kosilahon mantad Stesen Yanchengpu MRT Kaohsiung, toi ko' sumakai baas om nogi bosikol.[6]

Intangai nogi

[simbanai | simbanai toud]
  1. ↑ "Welcome to Kaohsiung City".
  2. ↑ "The KMH Story". Pinoopi mantad sand̠ad ontok 2022-07-29. Linoyog ontok 2022-07-29.
  3. ↑ Francis Chia-Hui Lin (9 January 2015). Heteroglossic Asia: The Transformation of Urban Taiwan. Taylor & Francis. pp. 85–. ISBN 978-1-317-62637-4.
  4. ↑ "Architectural Style of KMH". Pinoopi mantad sand̠ad ontok 2022-07-29. Linoyog ontok 2022-07-29.
  5. ↑ "Collection Overview". Pinoopi mantad sand̠ad ontok 2022-07-29. Linoyog ontok 2022-07-29.
  6. ↑ "KMH Access". Pinoopi mantad sand̠ad ontok 2022-07-29. Linoyog ontok 2022-07-29.

Noputan labus

[simbanai | simbanai toud]

Templat:Kaohsiung