Nansakan Turki

Nansakan Turki minonungkus tungkusan Osman i milo poroiton sili piomungan om inalus nansakan Turki, Arab, Parsi, India, Pakistan om Romania, Albania, Girik, Bulgaria, Barasil om Portugol . Tulun Osman popiamung mogisuusuai nansakan koubasanan diolo, mogiampot do roromu Turki mantad Asia Tanga miagal (tosonsom) (yogurt). Mantad dilo, Dalad Turki Osman minomonsoi sontinimungan tagayo taakanon i bobos dounkologuan om koimayaan. Poruhangon, mogisuusuai kinoyonon Dalad Turki Osman aanu okito haro taakanon Osman i mogisuusuai.

Nansakan nopo do Turki nga au songirad. Suai ko' giningo nansakan Turki di poinggonop i okito pototongkop pogun, haro nogi kogingohon do watas. Nansakan watas Daat Oitom (id Turki Koibutan) mantad do topung om sada bilis. Id silaubaat—Urfa, Gaziantep om Adana—kingaranan kabab, meze om pompoduom (dessert) mantad do topung miagal ko baklava, kadayıf om künefe. Poinlobi no id boogian kotonobon Turki, pinagayo o guas bamau (olive),tumau bamau nopo nga' tumau i gunoon do mogonsok. Nansakan tongo watas Aegean, Marmara om Tangawinoun (Mediterranean) popokito kouyuyuo' nansakan Tangawinoun di kiharo kinotuan, rusap om sada. Anatolia Tanga' nopo nga bontugan do kogingohon do lapaumau (pastry) dau miagal ko' keşkek, mantı (loolobi no Kayseri) om gözleme.

Kogingohon do ngaran sumonu poinsuang ngaran iso dondoung toi ko' watas (id Turki toi ko' id soliwan). Pinosogu iti sili nansakan diti nopo nga' giningo watas dii. Poomitanan, pisuayan do kabab Urfa om kabab Adana nopo nga' gunoon liob (garlic) mantad bawing taragang om ginumu lobi agayo lado topodos id suang do kabab.

Kowoyowoyo pangangakan Turki

Iso taakanon koubasanan do kosuabon id Turki haro o tosou (cheese, gatas nokodou) (beyaz peynir/feta, kaşar etc.), gilou (butter), bamau (olive), tontolu', tambatus, lado totomou, reçel (tua' pinoonsom) om paha. Sucuk/sujuk (tinayon (sausage) opodos Turki), pastırma, börek, simit, poğaça om nogi linasu i milo onuon sili ponginduruk (makan kosuabon) id Turki. Iso kogingohon i poinggonop Turki do ponginduruk roitan do menemen i pinotounda' miampai do tambatus linugu, lado, bamau om tontolu'. Koinsoruan tiih toitom posodiaon soira monginduruk.

Nansakan Turki nokotimbaba kosimbanon di poimburu do tatus ko20, kowowoyo makan do Turki agayo nokosimbanon tu norohungan do Kotonobon. Sundung do ingkaa, taakanon nopo di noonsok mantad minomoguno do duhub lakun (microwave oven) om taakanon di poingkodou au insaru aanu id walai pia, i paganakan Turki mangakan po taakanon mantad Turki hiza Osman i poingharo-haro om pointongkop.

Miagal do kogumuan takaanon suai gisom baino, daging anggapon sabaagi takaanon di kiharo-haro,loolobi no tanak do bebiri i koonuan do daging di bobos poinggonop om aasil daging di osiriba. Daging nopo di pogulu nga kanon soira haro pisasawaan om soira Kurban Bayramı (Eid ul-Adha), nga okon id bontuk kebab nga sabaagi do etli pilav (pilaf miampai daging). Sundung, kalapas haro rantaian-rantaian taakanon tosisikap id pointongkop pogun Turki om kopointutunan kolobusan daging gana pongindopuan, daging nosiliu sobohogian diet tikid tadau montok kotulunan Turki, asaru id suang bontuk döner kebab i kanon id kakadayan. Daging tanak sapii pogulu nadaan, baino nadadi daging di koubasan. Baino, kogunoon do daging nopo nga onsokon miampai pasamai do kıyma (daging kisar) id ginumu di okuri id suang do takaanon do kinotuan, om takaaanon Turki i haro ngaran miagal do kıymalı fasulye (kasang miampai kıyma).

Marjerin gunoon montok do mogondsok, miampai do mentega, kuyruk yağı (lemak tikiu biri-biri gunoon, loolobi no montok kebap om daging), tumau bijan, tumau walnut, om nogi tumau zaitun.

Plum, aprikot, anggur om tua ara nopo nga tu ua' (ahata toi ko' nokoring) i gunoon id nansakan do Turki. Id suang istana Turki Uthmaniyah, tua ua' miampai daging asaru gunoon.

Takano pilav toi ko' bulgur pilavı (pilav gandum tumbuk), miampai takaanon kasang nokoring (nohut, mercimek, kuru fasulye, börülce) i onsokon miampai bawang, daging kisar, om sos tomato, nopo nga takaanon i korohian tulun Turki okon nopo ko' berzat,nga omura nogi.

Nansakan Turki mogisuusuai pastri, okon nopo ko oosin nga haro nogi i oomis. Börek nopo nga label ngaran montok pastri-pastri di oosin i winonsoi mantad do yufka (yubka: lapisan doh yang amat nipis yang winonsoi minomoguno oklava, sejenis torak kayu i nigitan suminuang Anatolia mantad puak-puak Turki Asia Tengah). Su böreği i winonsoi mantad filo tinanok, keju om pasli, nopo nga pastri di koubasan do kanon. Çiğ börek (otutunan nogi sabaagi Tatar böreği) nopo nga pastri ginuring i sinamayan do daging kisar mata. Kol böreği nopo nga börek i nointutunan om nakaanu ngaran mantad bontuk dau i miagal do longon.

Takaanon kosuabon id tinaru Turki kiharo-haro miampai mogisuusuauai takaanon. Keju, mentega, tua zaitun, tontolu', tambatus, cili, reçel (pisuayan miampai marmelad nopo nga tu ua' di binosou i au pinosuai bontuk),om madu lebah nopo nga kakamot i minog do haro soira makan do kosuabon id Turki i koubasan. Sucuk (sosej Turki), pastırma, börek, om nogi sup milo akanon do kosuabon id Turki. Kogingohon takaanon kosuabon id Turki i poinggonop nopo nga menemen. Resipi: Panggangon cili kembung miampai tumau zaitun id suang poriuk di alabi. Ruhangan do tambatus om andadon gisom jus tambatus gumolok. Alapas dii, ruhangan piipiro tontolu' om ralatan do cili kembung om tambatus (nisbah 1-1-1 i osuhatan). Tumanud do roso sompori-pori, keju parut toi ko' sosej nga milo nogi poruhangon id suaang rinalatan dii.

Yogurt nopo nga kakamot di oponsol id nansakan do Turki om haro id suang kogumuan takaanon daging (kebap, köfte, om takaanon bintorung), takaanon kinotuan (loolobi no bintorung ginuring, korget, dll.), meze, om kogingohon i linohou sabaagi Mantı (bebola doh i sinamayan do daging kisar).Alapas atanok, takaanon di poilangon miampai yogurt. Mogisuusuai rampa, miagal oregano, pudina nokoring, "sumak", om serbuk cili taragang, milo poruhangon. Beebola doh miampai daging di kinisar id suang dau popisuai mantad do tortelini toi ko' pastri Cina i aanu id supwantan). Id kokompungan, yogurt akanon miampai takano toi ko' ruti.

Tinumon

Kogumuan tulun Turki kikotumbayaan Islam, tinumon alkohol osonong o pomolian miagal no id Eropah. Sundung di, kogumuan tulun Turki minsodu mantad monginum tinumon kialkohol maamaso tulan di asahang Ramadan. Haro piipiro ngaran lager (miagal ko' Efes) om ogumu tinumon sompomogunan i winonsoi id Turki (miagal do Miller, Beck's om Tuborg), om nogi tinumon import. HAro nogi mogisuusuai wain miagal Kavaklıdere, om Angora i popular miampai kosimbanon iklim i popingkawas pongilangan do wain. Rakı, tinumon kialkohol i kiroso do jintan manis, tinumon i koubasan inumon miampai takaanon mezze. Tinumon korohian suai kaampai no ayran (tinumon yogurtdi osogit om oosin), boza, om jus lobak putih.

Şerbet nopo nga minuman ringan i winonsoi mantad tua ua' miagal ko' tua mawar, ceri karnelian, toi ko' gamut oomis. Piipiro pinsingubasan mianpon aanu id Laman web lezzet.com. Diarkibkan 2006-09-01id Wayback Machine id suang nansakan Turki klasik, Hoşaf (komposto) poinrolot do daging om pilaf sabaagi alternatif.

Tinumon Aiso Alkohol

Monginum o tulun Turki do teh toitom soira makan do kosuabon om sangangadau. Winonsoi o teh mantad duo teko id Turki. Wonsoyon teh topoit id sawat sampaping teko i linanak miampai momoruhang waig id siriba.

Ayran (tinumon yogurt oosin) nopo nga tiinumon tosogiti poinggonop, i milo inumon miampai takaanon nansakan id Turki.

Kefir pinosodia miampai bijian kefir om susu.

Şalgam suyu (jus turnip asadang toi ko' alasu) tinumon di oponso okon ko kialkohol i koubasan inumon miampai kebab.

Bozanopo nga tinumon tosogit i poinsandad (poilangon do osogit miampai kulit do kayu toomis om haro leblebi).

Sahlep nopo nga koubasanan soira timpu osogit (posodiaon alasu miampai kulit kayu toomis). Sahlep naanu mantad gamut-gamut orkid olias om boleh ginuno id suang do ais krim Turki nogi . Iti nopo nga tinumon popular Eropah pogulu kupi nigitan mantad Amerika om nointutunan.

Şerbet (sherbet) (IPA: [ʃer'bet]) nopo nga tinumon di oomis di poinsandad do Turki i winonsoi mantad pakou mawar, ceri cornelian, mawar, toi ko' likoris om rampa.

Nansakan klasik Turki, mibagal alternatif Hoşaf (IPA: [hoʃ'af]) (komposto) poingampai do takaanon daging om pilav.

Kupi Turki nopo nga kupi di nointutunan do sompomogunan i poilangon do opoit toi ko' oomis.Id boros Turki, haro iso tukadan i popotosol do koponsolon do id suang tinaru Turki do sanggalas o kupi kumaa sosongulun. "sanggalas kupi haro 40 toun". (Montok pautan do biji kupi Tentera Uthmanniyah dan kedai kopi hari ini di Vienna, moi panaasan BBC id http://news.bbc.co.uk/1/hi/world/europe/4305656.stm). Minog do potosolon tu tulun Arab momolohou kupi nopo diolo nga kupi Turki, sundung pia misuai o kosingudan om roso dau.

Bibliografi

Sami Zubaida dan Richard Tapper, A Taste of Thyme: Culinary Cultures of the Middle East, London dan New York, 1994 dan 2000, ISBN 1-86064-603-4.

Intangai nogi

Intangai nogi nansakan i kokomoi

Nansakan Asia Tengah
Nansakan Balkan
Nansakan Mongolia
Nansakan Timur Tengah
Nansakan Afrika Utara
Nansakan India
Nansakan Pakistan
Nansakan Iran
Nansakan Yunani
Nansakan Brazil
Nansakan Portugal
Nansakan Albania
Nansakan Sepanyol

Sukuon

3. Pada buah zaitun dan minyak zaitun di Turki dan keju Turki lihat Artun Ünsal http://kitap.antoloji.com/kisi.asp?CAS=118636 Archived 2008-05-10 at the Wayback Machine

Noputan labus

http://www.turkishcook.com/ Archived 2006-04-24 at the Wayback Machine
http://www.davetci.com/yemek_ana.htm
http://www.evyemegi.com/ Archived 2008-04-27 at the Wayback Machine
http://www.gezinet.net/yiyecekicecek/Restoranlar/dunyamutfaklari/osmanli/osmanli.asp Archived 2008-05-12 at the Wayback Machine
http://www.yemekicmek.com/tariflistesi.php?KategoriID=34 Archived 2008-04-09 at the Wayback Machine

Templat:Topik Eropah Templat:Topik Asia